Strandapósturinn - 01.06.2021, Side 26

25
Sé þróun útgjaldajöfnunarframlagsins sett inn í þessa mynd kemur fram
eftirfarandi:

   
  
Heimild: Jöfnunarsjóður, 2020
Þróunin hvað framlög Jöfnunarsjóðs varðar er augljós en samhengi við
þróun íbúafjölda er líka greinilegt. Það væri að æra óstöðugan að ætla sér
að útskýra þær reiknireglur sem Jöfnunarsjóður styðst við þegar fram-
lög sjóðsins eru ákvörðuð.1 Þær reiknireglur og þau viðmið og breytur
sem stuðst er við eru ekki auðskiljanleg fræði fyrir leikmann. Þó er það
einhvern veginn svo að þróun íbúafjölda á undangengnum þremur árum
ákvarðar upphæð þess hluta útgjaldajöfnunarframlagsins sem nær yfir
íbúaþróun. Þannig er það t.d. hvað Strandabyggð varðar að lítil fólks fjölgun
1 Texti úr 14. grein reglugerðar 1088/2018:
d. Fækkun íbúa: Ef íbúum sveitarfélags hefur á síðustu þremur árum fækkað árlega um meira
en 1% að meðaltali skal reikna út framlag vegna fólksfækkunar. Við útreikninga framlagsins er
horft til hver sé meðalfækkun sveitarfélagsins í íbúum talið sem er umfram 1%. Sá íbúafjöldi
er síðan lagður saman hjá öllum sveitarfélögum og framlag til hvers sveitarfélags er í samræmi
við hlutfall þess í heildarfækkun umfram 1%.