Strandapósturinn - 01.06.2021, Side 29

28
Þetta er hann
Guðjón
Guðjón Guðmundsson
frá Bakkagerði
Útdráttur úr bókinni Þetta er hann Guðjón, æviminningum
Guðjóns Guðmundssonar frá Bakkagerði, 1. hluti.
Þetta er hann Guðjón og hann ætlar að rita æviminningar sínar. Þannig
byrjaði hann Guðjón frá Bakkagerði frásögn af lífshlaupi sínu. Það er svo
sem ekkert merkilegt við það að einhver setjist niður og riti ævisögu sína
en Guðjón gerði það níræður. Að hans sögn var hann fæddur vangefinn
og lærði ekki að lesa og skrifa fyrr en á fullorðinsárum. Ekki er hægt að
greina það á því sem hann festi á blað en ljóst að gamall maður hélt á
penna. Gefum honum orðið:
Ég fæddist að Bæ á Selströnd 18. mars 1916. Foreldrar mínir voru Ragn-
heiður Halldórsdóttir og Guðmundur Guðmundsson sem bæði áttu ættir
að rekja til Breiðafjarðar. Um þeirra sögu vísa ég til til bókarinnar um
Bæjar ættina sem var gefin út 1973. Vilhelmína mín var fædd 18. júní
1913. Hún var dóttir Sæmundar Guðbrandssonar hreppstjóra frá Veiði-
leysu í Árneshreppi og konu hans Kristínar Jónsdóttur frá Kjós í sama
hreppi. Þau eignuðust þrettán börn og var Vilhelmína elst. Ég reikna með
að uppeldið á þessum stóra barnahópi hafi að mestu lent á henni af því hún
var elst. Elsta barn foreldra minna dó strax eftir fæðingu svo að við vorum
þrettán sem komumst til fullorðinsára. Nú er ég einn á lífi af þessum stóra
barnahópi. (Hér má skjóta því inn í að Guðjón og Vilhelmína kynntust
þegar hún var í vist um nokkurt skeið hjá Margréti, föðursystur sinni og
Guðmundi Ragnari bróður Guðjóns að Bæ). Ég held ég hafi fengið smiðs-