Strandapósturinn - 01.06.2021, Page 37

36
og var þetta mikil vinna. Þarna var brimbarið grjót sem ég notaði síðar.
Áhöldin sem ég hafði voru skófla og haki því engar vélar voru komnar á
þessum árum. Árið 1942 var grunnurinn tilbúinn. Þá var verið að byggja
frystihúsið á Drangsnesi og var nafni minn frá Kjörvogi yfirsmiður. Ég fékk
hann til að koma út eftir að líta á þetta hjá mér og taldi hann það vera
í nokkuð góðu lagi. Eins og áður sagði fékk ég lán og styrk úr Nýbýla-
sjóði. Lánið var 6.000 krónur og styrkurinn 6.000 krónur og dugði þessi
upphæð að mestu fyrir efninu í húsið. Hesta fékk ég lánaða til að flytja
möl og sand að húsgrunninum. Engir vegir voru komnir á þessum árum
svo ekki var um annað að ræða en nota hesta til flutninga. Eftir að hafa
viðað að öllu efni hóf ég byggingu hússins. Sigurður Bjarnason hafði búið
til eikarkar sem hægt var að hræra í steypuna með því að snúa því með
fótunum. Tröppur voru utan á karinu og svo uppistöður til að halda sér
í. Þetta fékk ég lánað hjá Sigurði. Mjög erfitt var að snúa karinu áður en
steypan fór að blotna en eftir að hún blotnaði varð allt mikið léttara. Þetta
verkfæri gerði það að verkum að ég gat unnið við þetta einn. Engan mann-
skap var að hafa því allir voru að vinna við frystihúsbygginguna.
Það var hann Guðmundur Þ. Sigurgeirsson sem hvatti mig til að gera
þetta sjálfur. Hann sagði „Þú ert lagtækur maður og getur þetta alveg.“
Bakkagerði. Ljósmynd Jón Halldórsson