Strandapósturinn - 01.06.2021, Page 48

47
vélina og fleira gert svo hægt yrði að láta til skarar skríða til fiskveiða. Um
leið fékk báturinn heitið Sædís ST-128.
Skemmst er frá því að segja að Sædís reyndist Axel happafley allt til
hans hinsta dags.
Strax um vorið fiskaðist vel hjá Axel og sonum hans og eins um sum-
arið. Allur afli var lagður upp hjá HF. Djúpavík sem greiddi út fyrir fiskinn
í reiðufé um haustið. Það var eina leiðin til að nálgast reiðufé því það sem
lagt var upp hjá Kaupfélaginu var ekki auðsótt til baka nema í vörum.
Um leið og peningarnir voru í höfn gerði afi upp í topp skuld sína við
Emil. Hinn síðarnefndi átti síðar eftir að sitja um árabil á þingi og í stól
ráðherra. Aldrei reyndi Emil að nýta einstaka greiðasemi og göfuglyndi sitt
við Axel í pólitískum tilgangi.
Axel Thorarensen og Emil Jónsson hittust aldrei auglitis til auglitis.
Það kom hins vegar afa og fjölskyldu í koll um veturinn að hafa ekki
lagt inn fiskinn hjá Kaupfélaginu. Þá kom annar bjargvættur til sögunnar
sem er ef til vill efni í aðra frásögn.
Vegvísir.