Strandapósturinn - 01.06.2021, Page 66

65
Að þetta framanskráða hafi svo til gengið, eins og skrifað er í dag-
bókina, af Magnúsi Einarssyni skipstjóra, vitna undirskriftir okkar.
Svo sannarlega hjálpi oss Guð og hans heilaga orð.
Önundarfirði 4. september 1836,
Magnús Einarsson skipstjóri
Jón Árnason bestimaður – Magnús Gissurarson kokkur.
Árið 1837
21.-24. apríl: Skipið tekið úr vetrarhöfninni. Seglunum slegið undir.
Fengum mat og vistir um borð. Fluttum kjölfestu [ballest] og aðrar
nauðsynjar um borð.
25. apríl: VIndur af suðvestri. Léttum akkeri kl. 8 f. m. og sigldum á
miðin.
26. apríl – 6. maí: Algjört reiðileysi. Fiskuðum hvorki þorsk né
hákarl.
7.-10.maí: Stillt veður. Fengum 68 hákarla.
11.- 28. maí: Ekkert fiskirí. Fórum inn á Önundarfjörð og tókum
vistir og vatn. Losuðum 10 tunnur af lifur.
19. júní: Breytileg átt. Sigldum út frá landinu [algjört reiðileysi].
1. júlí: Vindur á austsuðaustan. Haldið inn á Önundarfjörð vegna
veikinda minna [skipstjórans] og vorum nauðbeygðir til að hætta
veiðum. Losuðum þess vegna aflann í land og lögðum skipinu í vetrar-
höfnina. Þetta munu læknis- og yfirvalda vottorð staðfesta.
Heildarafli á úthaldinu var 247 þorskar og 119 hákarlar.
Að það framanskráða hafi svo til gengið eins og skrifað er í dag-
bókina, vitna undirskriftir okkar. Svo sannarlega hjálpi oss Guð og
hans heilaga orð.
Önundarfirði 16. ágúst 1837
Magnús Einarsson skipstjóri
Finnur Guðmundsson bestimaður – Jón Jónsson kokkur.
Vafalaust er það ýmislegt sem kemur lesendum framanskrifaðra dagbókar-
brota á óvart þegar þau eru lesin, til dæmis það að aflinn er allur talinn
en ekki vigtaður. Enginn greinarmunur virðist hafa verið gerður á stórum