Strandapósturinn - 01.06.2021, Side 90

89
Til að átta sig betur á því sem næst gerist í verslunarsögu Óspakseyrar
verður að hafa í huga að Þorkell hafði kynnst hugmyndafræði samvinnu-
hreyfingarinnar hjá Sigurgeiri fósturföður sínum og hrifist af henni. Hann
áttaði sig á því að samvinnustefna á hendi heimamanna hentaði samfélag-
inu í kringum Bitrufjörð og nágrenni betur en einkarekstur kaupmanna
eða útibúsrekstur Kaupfélags Hrútfirðinga. Þorkell var vinnusamur eld-
hugi, sem lagði sig fram um að vinna samfélaginu eins vel og hann mögu-
lega orkaði, um það vitna ýmsar umsagnir samtímamanna og minningar-
greinar að honum látnum. Það kemur því ekki á óvart að það væri hann,
ásamt nokkrum framsýnum sveitungum, sem öðrum fremur beitti sér fyrir
stofnun Kaupfélags Bitrufjarðar eins og nú verður frá sagt.
Kaupfélag Bitrufjarðar20
1. fundargerð
Þann 13. febrúar 1942 var haldinn fundur að Óspakseyri, að
undangengnu fundarboði. Í því fundarboði stóð að rætt skyldi um
stofnun sjálfstæðs kaupfélags á Óspakseyri.
Jón Lýðsson hreppsstjóri á Skriðnesenni setti fundinn og nefndi til
fundarskrifara Ólaf Einarsson, Þórustöðum.
Eftir að rætt hafi verið um málið á víð og dreif, var borin fram
fyrirspurn um það hvort þeir menn er hafa veitt útibúi K.H.Ó.21
forstöðu undanfarið, þeir Magnús Kristjánsson Þambárvöllum og
Þorkell Guðmundsson Óspakseyri myndu fáanlegir til að taka að sér
framkvæmdastjórn hins nýja kaupfélags ef það yrði stofnað.
Lofuðu þeir því. Þá gerði fundarstjóri fyrirspurn til fundarmanna
hvort nokkur væri á móti stofnun nýs kaupfélags, en það kom í ljós að
það var enginn.
Þá var borin upp eftirfarandi tillaga frá Ólafi Einarssyni Þórustöðum:
Fundurinn ályktar að kjósa 3ja manna nefnd til að halda málinu
vakandi og boða til fundar á ný þegar hún hefir lokið starfi.
20 Gjörðabók; Kaupfélags Bitrufjarðar; K.B.Ó. Varðveitt í Sauðfjársetrinu í Sævangi 2018.
21 Kaupfélag Hrútfirðinga Óspakseyri.