Strandapósturinn - 01.06.2021, Qupperneq 93

92
voru stofnendur Kaupfélags Bitrufjarðar alls 24. Hér er rétt að geta þess
að auk bænda í Bitru voru bændur í Skálholtsvík og Guðlaugsvík stofn-
félagar og tryggir viðskiptavinir í mörg ár þar á eftir.
Næst voru samþykktir verðandi Kaupfélags Bitrufjarðar lesnar upp alls
7 kaflar í 26 greinum og samþykktar athugasemdalaust, til löggildingar
hjá embætti sýslumanns Strandasýslu.
Loks var kosin fyrsta stjórn Kaupfélags Bitrufjarðar og kosningu hlutu:
Ólafur Einarsson Þórustöðum, Magnús Einarsson Hvítuhlíð og Jón
Magnússon Skálholtsvík. Loks voru kosnir varamenn í stjórn og endur-
skoðendur. Þegar dagskráin var tæmd var fundi slitið og hver hélt heim til
sín að loknu góðu dagsverki.
Fjórum dögum síðar kom hin nýkjörna stjórn Kaupfélags Bitrufjarðar
saman til fyrsta fundar, enda biðu mikilvæg mál úrlausnar sem þoldu
enga bið.
3. fundargerð
Fundurinn hófst með kosningu formanns stjórnar og varaformanns
og var Ólafur Einarsson frá Þórustöðum kosinn formaður og Jón
Magnússon Skálholtsvík varaformaður. Að lokinni kosningu var
gengið frá ráðningu Þorkels Guðmundssonar, sem framkvæmdastjóra
félagsins og honum veitt prókúruumboð.
Eðlilega var stjórninni ofarlega í huga hvort ekki væri hægt að slátra á
Óspakseyri þá strax um haustið og í því skyni samþykkti stjórnin að fela
framkvæmdastjóra að kaupa 20 plötur af þakjárni og 24 11 fóta battinga
(planka). En þetta dugði ekki til í þetta sinn, bílvegur áleiðis til Óspakseyrar
Fyrsta stjórn Kaupfélags Bitrufjarðar Óspakseyri. F.v. Ólafur Einarsson, fyrsti
formaður stjórnar; Magnús Einarsson; Jón Magnússon.