Strandapósturinn - 01.06.2021, Síða 134

133
Á fundinum var ákveðið að þiggja þessa gjöf til félagsins og var kosin
húsbygginganefnd til að framfylgja skilmálunum. Í nefndina voru kosnir:
Jón Guðjónsson frá Þórustöðum, Helgi Jónsson frá Reykjanesi, Mund-
heiður Gunnarsdóttir frá Hólmavík, Gísli Ágústsson frá Hvalsá og Þor-
geir Guðmundsson, fyrrverandi kaupfélagsstjóri á Hólmavík og var hann
kosinn formaður nefndarinnar.
Hófst nú mikil vinna nefndarinnar. Heimamenn voru ekki alls kostar
ánægðir með að Átthagafélag Strandamanna í Reykjavík ætlaði að reisa
sumarhús rétt við Víðidalsána. Fór sveitarstjórnin fram á það við nefnd-
ina að hafa makaskipti við
félagið. Það var samþykkt eins
og meðfylgjandi bréf sýna.
Haustið 1979 þegar öll leyfi voru tilbúin var hafist handa við að undir-
búa byggingu sumarhúss fyrir félagið og fór nefndin norður þá um haustið
til að velja land undir húsið. Leitað var til SG Húsa á Selfossi og samið við
þá um kaup á 50 fermetra einingahúsi á einni hæð sem yrði tilbúið fyrir
miðjan september 1980. Verð hússins, komið á undirstöður og fokhelt, var
kr. 5.637.000.