Strandapósturinn - 01.06.2021, Qupperneq 158

157
barna sérstakt kennslugjald, er skal vera fyrst um sinn 2 kr. fyrir hverja
kennsluviku.
6. grein
Öll börn í fræðsluhéraðinu á aldrinum 10-14 ára eru skyld til skóla-
námsins og skulu börn á aldrinum 12-14 ára njóta að minnsta kosti
8 vikna kennslu árlega. Ennfremur skulu börn frá 10-12 ára njóta jafn-
mikillar kennslu ef ástæður leyfa. Undanþágu frá skólagöngu hafa þau
börn ein, er fengið hafa í hvert skipti leyfi fræðslunefndar til heimanáms.
7. grein
Skólaárið byrjar jafnan að haustinu og kennslutíminn byrjar síðast í
október og fyrst í nóvember og stendur yfir í minnst 24 vikur að frá-
dregnum hátíðarleyfum.
8. grein
Þegar kennarastaðan við farskólann er laus skal fræðslunefnd auglýsa
hana á fyrirskipaðan hátt og að liðnum umsóknarfresti, senda þær
um sóknir, sem komið hafa, ásamt með tillögum sínum til stjórnarráðs
Íslands, svo að kennari geti orðið settur eða skipaður í tæka tíð. Laun
greiðist kennaranum eftir fyrirmælum laga um skipun og laun barna-
kennara.
9. grein
Kennslubækur skulu valdar af kennara í samráði við fræðslunefnd. Þó
ber einkum að velja þær bækur, sem yfirstjórn fræðslumála hefur mælt
með.
10. grein
Framfærendum hvers barns er skylt að leggja því til þokkaleg íveruföt
og rúmföt á meðan það er í skólanum. Þeim ber og að kosta fæði þess
og þjónustu um námstímann og leggja því til nauðsynlegar bækur og
námsáhöld.