Strandapósturinn - 01.06.2021, Side 163

162
Í skólahúsinu var ákveðið að hafa
heimavist fyrir börnin úr sveitinni
og var aðstaða á efri hæð hússins
fyrir 13 börn í þremur herbergjum
en fjórða herbergið á hæðinni var
ætlað húsmóður skólans, Önnu
Sigurjónsdóttur. Hún gegndi ýmsum
hlutverkum í skólanum, svo sem að
elda góðan mat ofan í marga svanga
maga, annast innkaup og sjá um
þrif og svo ótal margt fleira sem of
langt væri upp að telja. Það var ekki
lítils virði að geta leitað til hennar ef eitthvað amaði að því þá kunni hún
ýmis ráð til lausnar. Reyndar var hún sjálf margra barna móðir og mjög
veraldarvön. Hún sá líka um að koma börnunum í rúmin á kvöldin og á
fætur á morgnana og annaðist þau sem besta móðir.
Á efri hæðinni var líka baðherbergi með baðkari og salerni. Kennslu-
stofan var á aðalhæðinni, en einnig var þar eldhús og borðstofa. Þar var
líka horft á sjónvarpið, eftir að það var mögulegt, eða kvikmyndir sem
fengnar voru að láni úr Reykjavík og sýndar voru á kvikmyndavél skólans.
Auk þess fór handavinnukennslan þarna fram.
Í kjallara hafði verið útbúin aðstaða fyrir fatahengi og skó og þar gengu
börnin út og inn í frímínútum um dyr sem þar voru. Í kjallaranum var lengi
vel olíuketill sem hitaði upp húsið. Hluti kjallarans var leigður Rögnvaldi
Anna Sigurjónsdóttir ráðskona og húsmóðir á heimavist barnaskólans.
Húsnæði Barnaskólans á Borðeyri á
tímabilinu 1952-1975.