Morgunblaðið - 17.03.2022, Síða 26

26 FRÉTTIR
Innlent
MORGUNBLAÐIÐ FIMMTUDAGUR 17. MARS 2022
Svanhildur Eiríksdóttir
Suðurnesjabær
Margrét I. Ásgeirsdóttir er nýráðin
forstöðumaður safna í Suð-
urnesjabæ, en þar undir falla bóka-
safn og byggðasafn. Hún hefur lengi
starfað að safnamálum, var m.a. for-
stöðumaður Bókasafns Árborgar um
langt árabil, tók þátt í menningar- og
safnamálum á Suðurlandi ásamt því
að starfa í Norræna húsinu. Eins og
alltaf þegar nýtt fólk kemur að, er
hún uppfull af góðum hugmyndum
fyrir bæjarfélagið. Margrét hefur bú-
ið í Suðurnesjabæ á undanförnum ár-
um.
„Þegar ég sá þetta starf auglýst,
var ég ekki lengi að sækja um enda
fellur starfið vel að menntun minni í
bókasafnsfræði og þjóðfræði og
þeirri starfsreynslu sem ég hef aflað
mér í gegnum 30 ára starfsferil
minn,“ segir Margrét.
Framleiða m.a. snyrtivörur,
mat, bjór og konfekt
Það heyrist strax á Margréti að
hún er hrifin af því fjölbreytta starfi
sem þrífst í bæjarfélaginu. „Hér eru
svo margir að gera skemmtilega
hluti, það er verið að framleiða
snyrtivörur, mat, bjór, konfekt og
súkkulaðibombur. Svo verð ég að
nefna glæsilega uppgerða menning-
arhúsið Sjólyst þar sem Una Guð-
mundsdóttir, völva Suðurnesja, bjó.
Þá er alltaf mikið menningarlíf í
kringum Hvalsneskirkju, það eru
reglulegir jazztónleikar hjá Jazzfj-
elaginu í hæsta gæðaflokki og ég
verð að benda á frábært einkasafn
Ásgeirs Hjálmarssonar í Garði sem
einmitt er upphafsmaður Byggða-
safnsins á Garðskaga.“
Margrét segist leggja mikla
áherslu á að íbúar, bæði í Garði og
Sandgerði, viti að safnið er þeirra og
hugsi til safnsins varðandi varðveislu
muna og skjala sem eiga sögu í
byggðalaginu. Þetta eigi við um íbúa
jafnt sem félagasamtök og fyrirtæki
fyrr og nú. „Þannig getur safnið
varðveitt sögu svæðisins og sam-
félagsins og varpað ljósi á líf og starf
Suðurnesjamanna á hinum ýmsu
tímum.“
Sýning um verslun Þorláks
Benediktssonar opnar í maí
Byggðasafnið á Garðskaga hefur
verið lokað vegna viðhalds og breyt-
inga á sýningum en stefnt er að opn-
un aftur í byrjun maí. Þar er
skemmtilegt verkefni í bígerð. „Upp-
byggingarsjóður Suðurnesja styrkti
safnið myndarlega svo við gætum
sett upp innréttingu sem var í Verzl-
un Þorláks Benediktssonar sem rek-
in var í Akurhúsum á árunum 1921-
1972. Sett verður upp verslunarsýn-
ing í tengslum við uppsetninguna. Í
safninu er fyrir einstakt vélasafn
Guðna Ingimundarsonar, Guðna á
trukknum, sem á engan sinn líka.
Stefnan er að koma á reglulegum
skólaheimsóknum ásamt því að bjóða
upp á fræðsluviðburði fyrir alla ald-
urshópa.“
Margrét nefnir að byggðasafnið
hafi sett færslu á Facebook-síðu sína
í kjölfar fjörlegra umræðna um Ver-
búðina og óskað eftir munum úr dag-
lega lífinu og frá félags- og atvinnulífi
íbúa fram yfir aldamótin síðustu.
„Tímabilið er skemmtilegt enda
tölvutæknin að hefja innreið sína og
ýmislegt að gerast í verslun og þjón-
ustu í Garði og Sandgerði.“
Allir íbúar eiga rétt á
ókeypis bókasafnskorti
Í Bókasafni Suðurnesjabæjar er
stórt verkefni fram undan, innleiðing
nýs landskerfis fyrir bókasöfn. Ann-
ars er safnið hefðbundið bókasafn
með þjónustu við alla íbúa sem og
stofnanir eins og dagdvöl aldraðra og
leikskóla sveitarfélagsins.
„Þar er allt að fara af stað aftur
eftir Covid og ýmsir viðburðir fram-
undan. Ég verð að geta þess í lokin að
allir íbúar sveitarfélagsins eiga rétt á
ókeypis bókasafnskorti og það er um
að gera að notfæra sér það. Bókasöfn
eru alltaf notalegur staður að vera á
og sækja sér bæði félagsskap og
lestrarefni,“ segir Margrét að lokum.
„Margir að gera
skemmtilega hluti“
- Byggðasafnið á Garðskaga opnar á ný eftir viðhald
- Nýráðinn forstöðumaður uppfull af góðum hugmyndum
Morgunblaðið/Svanhildur Eiríksdóttir
Við safnið Byggðasafnið á Garðskaga hefur verið lokað vegna viðhalds. Safnið verður opnað í maí með nýrri athygl-
isverðri sýningu. Báturinn Hólmsteinn sem stendur við Byggðasafnið er kominn í bláan búning í tilefni mottumars.
Á uppáhaldsstaðnum Margrét I. Ásgeirsdóttir forstöðumaður safna og
Björk Garðarsdóttir bókasafnsvörður í Bókasafni Suðurnesjabæjar.
Sigurður Bogi Sævarsson
sbs@mbl.is
Nauðsynlegt er að vinnu við skipu-
lag á fyrirhuguðum nýbygg-
ingasvæðum í Kópavogi ljúki á
næstu mánuðum,
svo rjúfa megi þá
kyrrstöðu sem nú
er á húsnæð-
ismarkaði í bæn-
um. Þetta segir
Vilhjálmur Ein-
arsson, löggildur
fasteignasali hjá
Eignaborg. Hann
var annar eigandi
fyrirtæksins fram
á síðari ár, hefur starfað við sölu
fasteigna í alls 45 ár og sérstaklega
sinnt Kópavoginum.
Seldist á engri stundu
„Í dag eru um 500 íbúðir á höf-
uðborgarsvæðinu, sérbýli og fjöl-
býliseignir, á söluskrá. Fjöldi þeirra
sem sinna fasteignasölu á svæðinu
er svipaður og því verður svolítið
sérstakt ástand á markaðnum,“ seg-
ir Vilhjálmur. „Þegar framboð af
eignum í sölu er lítið rýkur verðið
líka upp vegna eftirspurnar. Fyrir
nokkrum dögum var opið hús í
klukkutíma þegar ósköp venjuleg
blokkaríbúð í Smárahverfinu var til
sölu. Fólk í alls þrettán hópum,
litlum sem stórum, kom til að skoða
og þessi íbúð seldist á engri stundu.“
Svæði í Kópavogi, þar sem hefja á
uppbyggingu á næstu árum, eru
þrjú. Þar nefnir Vilhjálmur svonefnd
Gustssvæði ofan Reykjanesbrautar,
Rjúpnahæð og síðasta hluta Vatns-
endahverfis. Nokkuð á annað þús-
und íbúðir eru fyrirhugaðar á þess-
um svæðum. Ljóst er þó að einhvern
tíma mun taka að ganga frá skipu-
lagi þar og svo byggja svo ferlið héð-
an í frá gæti tekið 2-3 ár.
Verðmunur er horfinn
„Lengi var verðmunur á fast-
eignum í Reykjavík og Kópavogi 10-
15%. Núna er þetta bil nánast horfið,
enda hefur öll þjónusta og innviðir
hér í bæ verið styrkt. Mikil hækkun
eignaverðs á síðustu árum er sam-
spil margra þátta. Laun hafa rokið
upp og vextir voru mjög lágir á tíma-
bili. Kaupmáttur hefur vaxið og því
hafa verktakar og aðrir getað hækk-
að verð eigna,“ segir Vilhjálmur.
Nýtt skipulag
rjúfi kyrrstöðu
- Fátt er til sölu - Verðið rýkur upp
Vilhjálmur
Einarsson
Morgunblaðið/Sigurður Bogi
Kópavogur Eignir í nýju hverf-
unum efst í bænum er afar vinsælar.
GO WALK OUTDOOR
St. 41-47/ 16.995 kr.
withMemory
Foam
KRINGLAN - SMÁRALIND - SKÓR.IS
MEÐ STÖMUM GOODYEAR SÓLA OG MJÚKU INNLEGGI
HERRA GÖTUSKÓR
SKECHERS
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARST
með og án rafmagns lyftibú
Komið og
skoðið úrvalið
ÓLUM
naði