Morgunblaðið - 17.03.2022, Side 44

44
UMRÆÐAN
MORGUNBLAÐIÐ FIMMTUDAGUR 17. MARS 2022
Höfðabakka 9, 110 Reykjavík
Verið velkomin í sýningarsal okkar að Höfðabakka 9
eða verið í sambandi við Gústa sölustjóra
vinnufatnaðar, sími 888-9222, gustib@run.is
KULDAFATNAÐUR
Við sjáum
um allar
merkingar
9063
Húfa 100% ull
9015
%$*#+&)+!(($ '!!"!
6441
Fóðraður kuldajakki
6514
Fóðraðar kuldabuxur
6202
Fóðraður kuldagalli
Hudson Bay 10061301
Loðfóðraðir öryggisskór
SAFE & SMART
monitor
Ég ólst upp á Ísa-
firði. Átti þar frábæra
æsku. Lærði á hljóð-
færi, lærði að syngja
og var í kór. Ég lærði
að keyra í kafaldi á
Óshlíðarvegi áður en
göngin voru opnuð. Ég
lærði að náttúran er
falleg en hættuleg og
ég lærði að Reykjavík
er höfuðborgin.
Þá lexíu lærði ég enn betur þeg-
ar ég gekk með mitt fyrsta barn og
var send með hraði suður á Land-
spítalann þegar ég fór af stað í
fæðingu á 28. viku. Þá reyndist
sjúkraflugvél ekki til taks og fór ég
því með áætlunarflugi á Landspít-
alann.
Ég er ekki ein um það. Hingað í
borgina sækja þúsundir Íslendinga
sína þjónustu á hverjum degi.
Hvort sem það er til Landspít-
alans, í ráðuneytin eða aðra anga
stjórnsýslunnar, í fyrirtækin, í há-
skólana, í framhaldsskólana og svo
framvegis.
Fyrir mér hefur
staða Reykjavíkur
sem höfuðborg Ís-
lands þannig miklu
meiri þýðingu en bara
einhver punktur á
korti eða lína í al-
fræðiorðabók. Reykja-
vík er miðstöð þjón-
ustu á Íslandi. Hún er
í senn borg okkar
Reykvíkinga en líka
höfuðborg allra Ís-
lendinga. Af því eig-
um við Reykvíkingar
að vera stolt.
Ófriði þeim sem vinstri meiri-
hlutinn háir nú gegn landsbyggð-
inni og fólki sem velur að búa ann-
ars staðar en í miðborginni verður
að linna.
Styrjöld meirihlutans gerir ekki
neitt fyrir neinn, nema kannski
Dag. Að egna fólk hvað upp á móti
öðru er enda þekkt taktík stjórn-
arherra sem halda vilja í völd. Þeg-
ar öllu er á botninn hvolft erum við
nefnilega öll saman í þessu.
Í stað ófriðar og flokkadrátta
ættum við að fagna stöðu Reykja-
víkur sem höfuðborg landsins alls.
Í lífi venjulegs fólks spila landa-
merki milli sveitarfélaga nefnilega
lítið hlutverk og milli hverfa
Reykjavíkur enn minna. Fólk keyr-
ir úr Hafnarfirði í Borgartúnið í
vinnuna, kaupir í matinn hjá Fisk-
búð Fúsa í Skipholtinu, verslar í
Skeifunni, skemmtir sér í miðborg-
inni, menntar sig í Vatnsmýrinni og
svo framvegis.
Ég, Ísfirðingurinn, endaði svo
með manni úr Garðabænum í Safa-
mýrinni.
Höfnum styrjaldarpólitík meiri-
hlutaflokkanna í vor. Veljum fólk
sem tekur samtalið og kann að
miðla málum. Sendum listamanninn
í Ráðhúsið.
Höfnum styrjaldarpólitík
Eftir Helgu
Margréti
Marzellíusardóttir
Helga Margrét
Marzellíusardóttir
»Fögnum hlutverki
Reykjavíkur sem
höfuðborg landsmanna
allra og höfnum átaka-
stjórnmálum og styrjald-
arpólitík meirihlutans.
Höfundur er tónlistarmaður, kór-
stjóri Hinsegin kórsins og frambjóð-
andi í prófkjöri Sjálfstæðisflokksins í
Reykjavík.
helgamarz@gmail.com
Sveitarfélagið Ár-
borg hefur vaxið mik-
ið undanfarin ár og
er fjöldi íbúa nú í
kringum 11 þúsund.
Flesta virka daga fer
hluti íbúa til vinnu á
höfuðborgarsvæðið
eða til nágrannasveit-
arfélaga sem er í
sjálfu sér eðlilegt upp
að vissu marki. Það
verður þó með aukn-
um íbúafjölda að huga að fjölgun
fjölbreyttra atvinnutækifæra í Ár-
borg með það að markmiði að íbú-
ar geti haft fleiri valmöguleika um
áhugaverð störf í nærsamfélaginu,
stutt frá heimili og fjölskyldu.
Atvinnustefna og
skýr markmið
Fyrirtækjum er í auknum mæli
ýtt frá ákveðnum svæðum á höf-
uðborgarsvæðinu og Árborg gæti
verið kjörinn staður til uppbygg-
ingar fyrir mörg þeirra. Nýtt
skrifstofuhótel mun gefa aukin
tækifæri en samfélag með góða
skóla, öflugt íþrótta- og frístund-
astarf, nægt landrými og góðar
tengingar við helstu samgöngu-
leiðir, ásamt inn- og útflutnings-
höfn í næsta nágrenni
ætti að vera kjörinn
staður til frekari upp-
byggingar á atvinnu-
starfsemi. Slíkt gerist
ekki af sjálfu sér og
vil ég koma að því að
leiða sveitarfélagið í
samstarfi við hags-
munaaðila að setja
fram stefnu með skýr
framtíðarmarkmið um
hvernig atvinnu-
uppbyggingu við vilj-
um sjá í sveitarfé-
laginu.
Tækifæri til nýsköpunar
Sveitarfélagið Árborg á að vera
í virku samtali við fjölbreyttar at-
vinnugreinar í samfélaginu. Þann-
ig getur sveitarfélagið verið betur
í stakk búið að skapa umhverfið
sem eflir og hvetur til nýsköpunar
og þróunar. Hvort sem um er að
ræða verslun, ferðaþjónustu eða
fjölbreyttan iðnað.
Gott samstarf grunnskóla í Ár-
borg, FSu, FabLab Selfoss, Há-
skólafélags Suðurlands, atvinnu-
lífsins og tengdra aðila er
mikilvægt til að efla og ala upp
nýsköpunarhugsun hjá ungmenn-
um í samfélaginu. Slíkt samstarf
getur búið til rétta umhverfið og
alið af sér frumkvöðla sem fengu
að byrja að prófa hluti í grunn-
skóla, þróuðu áfram í framhalds-
skóla og gerðu hugmynd að veru-
leika í frumkvöðlasetri
háskólafélagsins. Þorum að hugsa
um stóru myndina og sköpum að-
stæður þar sem ný tækifæri verða
til.
Viltu ræða málin frekar?
Þar sem stutt er í prófkjörið
laugardaginn 19. mars nk. vil ég
nýta tímann vel og reyna að hitta
sem flest fyrirtæki og íbúa. Það er
því velkomið að senda erindi á
bragibjarna1@gmail.com og óska
eftir heimsókn til að spjalla um
samfélagið okkar og hvernig við
getum í sameiningu gert Árborg
enn betri.
Eftir Braga
Bjarnason
Bragi
Bjarnason
» Sveitarfélagið á að
vera í virku samtali
við atvinnulífið, efla ný-
sköpun og vinna að því
að fjölga atvinnutæki-
færum í sveitarfélaginu
með markvissum hætti.
Höfundur er frambjóðandi í 1.sæti í
prófkjöri Sjálfstæðisflokksins í Sveit-
arfélaginu Árborg, www.bragi-
bjarna.is
Nýsköpun og öflugt
atvinnulíf í Árborg
Það styttist í sveit-
arstjórnarkosningar
og flokkarnir eru hver
af öðrum að setja sam-
an framboðslista sína.
Mikilvægt er fyrir
eldri kynslóðina að í
framboð veljist ein-
staklingar sem hafa
áhuga á málefnum
þeirra sem eru nokkuð
fjölbreytt. Hópur eldra
fólks fer ört vaxandi
og samfara því vex þjónustuþörfin
við þann aldurshóp. Við þetta bætist
stórkostlegur vandi sem blasir við á
húsnæðismarkaði fyrir eldra fólk.
Í skipulagsmálum sveitarfélaga
verður að gera þá kröfu að hluti
byggingarsvæða verði
ætlaður fyrir almennar
íbúðir, félagslegar
íbúðir og leiguíbúðir
fyrir eldra fólk. Eðli-
legt er að sveit-
arstjórnir hlutist til um
byggingu leiguíbúða
fyrir eldra fólk á við-
ráðanlegu leiguverði.
Fjölgum „lífsgæða-
kjörnum“
Nauðsynlegt er að
fjölga svokölluðum
„lífsgæðakjörnum“ þar
sem heimili og þjónusta eru tengd
saman. Í lífsgæðakjörnum er að
finna minni leiguíbúðir sem tengjast
hvers konar þjónustu og skapa ör-
yggi og samveru. Eldra fólk krefst
fjölbreyttari búsetuúrræða með val-
frjálsri þjónustu í tengslum við
þjónustumiðstöðvar og heilsugæslu.
Velferðartækni ætti að vera mik-
ilvægur þáttur í öryggi og bættri að-
stöðu í heimahúsum eldra fólks og
nauðsynleg viðbót við aðra þætti
heimahjúkrunar. Þá þarf að styðja
við möguleika á heilsueflingu á veg-
um sveitarfélaga, íþróttafélaga og
félaga eldra fólks um land allt. Sér-
stakan samning væri nauðsynlegt
að gera milli sveitarfélaga, ríkisins,
íþróttahreyfingarinnar og félaga
eldra fólks um fjármögnun og fram-
kvæmd heilsueflingarátaks meðal
eldra fólks og með því ýta undir
hvata til þátttöku.
Afsláttur af fasteignagjöldum
Afsláttur sveitarfélaga af fast-
eignagjöldum er mikilvægur til að
draga úr húsnæðiskostnaði eldra
fólks en hann er mismikill eftir
sveitarfélögum og tekjumörk
breytileg. Í samanburði við sveit-
arfélögin á höfuðborgarsvæðinu
mætti Reykjavíkurborg gera betur
hvað varðar þá sem eiga kost á
100% afslætti því tekjuviðmiðin eru
svo lág og talsvert lægri en í öðrum
sveitarfélögum. Mikilvægt er að af-
slátturinn breytist í takt við breyt-
ingar á fasteignasköttum og þannig
sé tryggt að hann haldi verðgildi
sínu.
Ég hef átt þess kost að starfa með
Ragnhildi Öldu, sem nú býður sig
fram í 1. sæti á lista Sjálfstæð-
isflokksins, í öldungaráði Reykjavík-
urborgar, og treysti henni vel fyrir
því að gera lagfæringar á málefnum
sveitarfélagsins sem varða eldra
fólk í okkar samfélagi. Hún er fljót
að sjá lausnirnar á vandamálunum
sem blasa við og áhugasöm um
menn og málefni og mikill mann-
vinur. Ég sé hana vel fyrir mér sem
leiðtoga Sjálfstæðisflokksins í borg-
inni og treysti henni til góðra verka
í okkar þágu. Tryggjum Öldu breyt-
inga í þágu eldra fólks og veitum
henni brautargengi í prófkjöri Sjálf-
stæðisflokksins í Reykjavík, sem
fram fer um helgina.
Eftir Ingibjörgu H.
Sverrisdóttur »Kjósum Ragnhildi
Öldu Vilhjálms-
dóttur í 1. sæti og
tryggjum Öldu breyt-
inga í þágu eldra fólks.
Ingibjörg H
Sverrisdóttir
Höfundur er formaður Félags eldri
borgara í Reykjavík.
Ragnhildi Öldu í 1. sæti
Nú finnur
þú það sem
þú leitar að
á FINNA.is