Morgunblaðið - 17.03.2022, Qupperneq 55

MINNINGAR 55
MORGUNBLAÐIÐ FIMMTUDAGUR 17. MARS 2022
Þegar ég sest nið-
ur til að skrifa minn-
ingargrein um mína
ástkæru tengdamóð-
ur, hana Bíbí, er svo ótalmargs að
minnast. Kynni okkar hafa staðið í
hartnær 30 ár og lengur en ég
þekkti mína eigin móður. Bíbí kom
mér á margan hátt í móðurstað
enda kallaði ég hana oft mömmu
án þess að vera það ljóst. Bíbí var
mér mikilvæg og dýrmæt fyrir-
mynd á ótalmarga vegu. Fólkið
hennar var það sem skipti hana
máli og ekkert annað. Hún gekk
oft ansi langt í því að verja það og
hlúa að því á sinn einstaka hátt.
Veislurnar og veitingarnar hennar
voru göldrum líkastar og engu lík-
ara en að hún byggi yfir galdrastaf
í eldhúsinu og það einkenndi
margt annað sem hún tók sér fyrir
hendur. Þegar hún hætti sem mat-
ráður í Digranesskóla þurfti að
ráða tvo starfsmenn til að anna
starfinu sem hún hafði gegnt ein.
Síðustu árin var Bíbí veik af alz-
heimer sem tók þó aldrei frá henni
kjarnann sem var gleði yfir að sjá
fólkið sitt og mjög lengi spurði hún
frétta af fólkinu sínu, jafnvel eftir
að hún mundi ekki nöfn þess né
heldur um hverja hún var að
spyrja.
Þegar kemur að leiðarlokum er
mér efst í huga þakklæti fyrir allt,
fallegt líf fallegrar konu, um-
hyggju hennar, stuðning og hvatn-
ingu og umfram allt alla hennar
skilyrðislausu elsku í minn garð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Valdimar Briem)
Bíbíar verður saknað en minn-
ingin um einstaka konu lifir áfram
með okkur sem eftir lifum og
þannig mun ég varðveita minningu
hennar í mínu hjarta það sem eftir
er.
Steingerður Kristjánsdóttir
(Gerða).
Yndislega tengdamamma mín
hún Bíbí er fallin frá. Hjarta mitt
er fullt af sorg.
Ég kynntist Bíbí á gamlárs-
kvöldi og árið var 1994 þegar ég og
Siggi, sonur Bíbíar og Jóa, fórum
að vera saman. Mér var boðið í ára-
mótapartý á Kópavogsbrautina og
þetta kvöld steig ég inn í veröld
Bíbíar og Jóa sem var svo hlý og
Vilborg Fríður
Björgvinsdóttir
✝
Vilborg Fríður
Björgvins-
dóttir, alltaf kölluð
Bíbí, fæddist 7.
október 1935. Hún
lést 1. mars 2022.
Útförin fór fram
16. mars 2022.
notaleg og ég sakna
svo heitt. Yndislegri
hjónum hafði ég ekki
kynnst og þau tóku
mér með opnum
örmum, knúsi og
kossum. Heimilislífið
hjá Bíbí og Jóa var
ólíkt því sem ég hafði
upplifað í minni
æsku verandi einka-
barn en heimilið
þeirra var ávallt
þéttsetið af vinum og vandamönn-
um í mat og kaffi. Bíbí var einstak-
lega gestrisin, vinamörg og hún
elskaði að fá fólkið sitt í heimsókn
og bjóða í mat og kaffi. Bíbí lifði
fyrir barnabörnin sín og barna-
barnabörnin. Þegar Viktor Snær
kom í heiminn var hún stoltasta
amma í heimi og var alltaf tilbúin
að aðstoða okkur með hann hve-
nær sem var. Líf fjölskyldunnar
breyttist umtalsvert eftir fæðingu
Sunnu Valdísar árið 2006 en hún
fór fljótlega að veikjast alvarlega
eftir fæðingu og tók það verulega á
okkur öll. Dagarnir urðu að vikum
á Barnaspítalanum oft og tíðum og
Bíbí var alltaf boðin og búin að
hjálpa til með Viktor á meðan við
Siggi vorum á spítalanum með
Sunnu. Styrkurinn og stuðningur-
inn frá elsku Bíbí var ómetanlegur
þegar við Siggi vorum við það að
bugast með elsku Sunnu. Hún gaf
okkur alltaf góð ráð og kom til okk-
ar á spítalann óbeðin með mat og
annað sem okkur vanhagaði um.
Bíbí var ekki einungis tengda-
mamma mín heldur einnig yndis-
leg vinkona sem ég gat ávallt leitað
til. Hún studdi okkur Sigga í einu
og öllu og var alltaf reiðubúin að
rétta fram hjálparhönd. Ég mun
aldrei gleyma ljúffengu frönsku
súkkulaðitertunum sem hún og
Gerða mágkona bökuðu fyrir 100
manna brúðkaupsveislu okkar
Sigga árið 2003 og síðan er þessi
uppskrift notuð óspart á okkar
heimili. Ekki má gleyma innpökk-
un á fallegu jólakortunum og
merkimiðunum sem við seldum til
styrktar Sunnu og AHC-samtök-
unum fyrir hver jól í sex ár. Öll sú
innpökkun kom frá elsku Bíbí.
Söknuður eftir hjartans Bíbí er
mikill en ég veit að henni líður vel
núna hjá Jóa sínum og að hún fylg-
ist með okkur öllum frá hlýja Sum-
arlandinu.
Hjartans þakkir fyrir allar
dásamlegu stundirnar okkar sam-
an, elsku Bíbí mín.
Þín alltaf, Ragga.
Ragnheiður Erla
Hjaltadóttir.
Elsku amma. Nú er kominn tími
til að kveðja þig, er þú ferð í þína
síðustu ferð, til fundar við afa Jóa.
Þegar ég hugsa til baka yfir stund-
irnar okkar saman verður mér
fyrst og fremst hugsað til hlýjunn-
ar og kærleikans sem þú gafst af
þér. Sama hvernig stóð á varstu
alltaf tilbúin til þess að taka á móti
manni með breiðu brosi. Það var
ávallt gott að koma í heimsókn,
drekka kaffi saman (eða te), spjalla
um heima og geima, eða einungis
til þess að vera og njóta stundar-
innar.
Frá því að ég fæddist varst þú
til staðar fyrir mig. Fyrst sem guð-
móðir, og, eftir því sem árin liðu,
sem trúnaðarvinur. Frá því að ég
fæddist sástu til þess að ég sæi
ekkert og ég vissi að ég gæti alltaf
leitað til þín. Á þessum síðustu og
verstu gerðir þú þitt allra besta til
þess að láta þínu fólki líða vel. Ég
hef alltaf dáðst að hógværð þinni
og góðmennsku sem þú hefur svo
sannarlega stimplað inn hjá mér.
Amma mín, þú hafðir svo mikil
áhrif á fólkið í kringum þig. Þín
verður sárt saknað úr þessum
heimi. Ég er ævinlega þakklátur
fyrir að hafa kynnst þér, og fyrir
allar stundirnar sem við áttum
saman. Ég vona að þessi hvíld veiti
þér langþráða líkn, og að þú hittir
afa Jóa á ykkar auðnustað.
Jóhannes Bjarki
Bjarkason.
Elsku fallega amma Bíbí, nú er
komið að kveðjustund.
Það er svo gott að ylja sér við
minningarnar í Kópavogslaug og
bakaríinu á móti, fílatalningarnar,
veislurnar. Það var alltaf veisla að
koma í heimsókn til þín og hlusta á
sögurnar þínar.
Þú varst svo góð amma, alveg
svona ekta amma, og þegar stelp-
urnar komu í heiminn þá varstu
líka besta langamman. Þær minn-
ast þín svo fallega, og muna hvað
þú varst alltaf mjúk og hlý og góð.
Takk fyrir allt og allt elsku
amma mín.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka
hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynn-
ast þér.
(Ingibj. Sig.)
Þangað til næst elsku amma
Bíbí,
Ellen.
Elsku amma mín, ég sakna þín.
Það var svo gaman að dansa við
ykkur afa við þetta lag:
Komdu nú með inn í álfanna heim
þar sem ekkert er eins og það sýnist.
Þar takast á öflin úr veröldum tveim
og örlítill tannálfur týnist.
Og við svífum úr heimi í heim
ekkert fær okkur nú stöðvað.
Og við svífum úr heimi í heim
viltu’ ekki koma með mér?
Ferðumst á snjóhvítum svan yfir fjöll
og syngjum um það sem við sjáum.
Berjumst við dreka og dökkálfa og tröll
sem dveljast í hellinum háum.
Og við svífum úr heimi í heim
ekkert fær okkur nú stöðvað.
Og við svífum úr heimi í heim
viltu’ ekki koma með mér?
(Þorvaldur Bjarni Þorvaldsson)
Þín alltaf,
Sunna Valdís.
Látin er eldri systir mín eftir
langa baráttu við hinn illvíga sjúk-
dóm alzheimer, en þessi sjúkdóm-
ur gerði fyrst vart við sig fyrir um
fimm árum. Eiginmaður hennar,
Jóhannes Sigurðsson, varð sama
sjúkdómi að bráð nokkru fyrr.
Hún gekk ávallt undir nafninu Bíbí
og alla tíð var mjög gott samband
okkar á milli enda var hún einstak-
lega blíð og góð kona. Það var ekki
svo sjaldan á æskuárum okkar að
við systkinin leituðum til hennar
og gátum alltaf treyst á góðar
lausnir og hjálpsemi frá hennar
hendi. Hún var bara unglingur
þegar faðir okkar dó og varð hún
ásamt móður okkar að taka á sig
ábyrgð sem fyrirvinna fjölskyld-
unnar svo mamma gæti greitt af
lánum og framfleytt fjölskyldunni.
Til dæmis man ég að hún var bara
13 ára í vinnu hjá Allianz í Skerja-
firðinum. Ef eitthvert okkar van-
hagaði um eitthvað setti Bíbí sig
alltaf aftast í röðina og lét okkur
hin njóta. Ég man að fljótlega fór
hún að vinna í litlu bakaríi á Hverf-
isgötunni og það var ekki svo sjald-
an að ég og strákagemlingarnir úr
fótboltanum heimsóttum hana
þangað og fengum þá vínarbrauðs-
enda sem var nú aldeilis vinsælt.
Einnig vann hún um tíma í verslun
Kron og stundaði einnig eigin
verslunarrekstur með litla búð við
Óðinstorgið þar sem hún seldi sæl-
gæti og fleira. Þessa verslun rak
hún í nokkur ár.
Bíbí eignaðist fimm börn með
eiginmanni sínum og komust þau
öll vel til manns og urðu góðir og
nýtir þjóðfélagsþegnar og eru öll
lifandi. Börn þeirra og barnabörn
hændust mjög að Bíbí og hugsaði
hún fyrst og síðast um þau og inn-
rætti og kenndi þeim góða siði. Þá
hugsaði hún einnig sérstaklega vel
um eiginmanninn þegar hann
þurfti að berjast við sín veikindi
sem stóðu yfir í mörg ár.
Ég heimsótti bæði Jóa og Bíbí
reglulega í þeirra veikindum og
það vildi svo til að ég heimsótti þau
bæði nokkrum dögum áður en þau
kvöddu þennan heim og þegar ég
kvaddi Jóa á sínum tíma í hinsta
sinn sagði ég við hann: „Manstu
þegar við duttum í það saman að
þá sungum við alltaf „What am I
living for“?“ og kom þá sælubros
yfir andlit hans. Bíbí hvíslaði svo
einhverju að honum og seinna
spurði ég hana hverju hún hefði
hvíslað og sagði hún mér að hún
hefði hvíslað að honum: „Jói minn
- þegar ég kem yfir um til þín þá
förum við í langan göngutúr,“ og
við það kom annað sælubros á
andlit Jóa heitins. Samband þeirra
Jóa byrjaði á unga aldri og bar
aldrei skugga á það hjónaband
enda var skapgerð þeirra mjög lík.
Þau tóku veikindum sínum af
miklu æðruleysi og kvörtuðu aldr-
ei, en nú hafa þau bæði losnað við
þessi veikindi og njóta vonandi
samveru á nýjan leik í sumarland-
inu.
Ég og fjölskylda mín kveðjum
Bíbí systur með miklum söknuði
og ég mun alltaf minnast hennar
fyrir allt það góða sem hún hefur
gert fyrir mig og fjölskyldu mína.
Ég og fjölskylda mín sendum
eftirlifandi börnum og ættingjum
okkar innilegustu samúðarkveðj-
ur.
Þinn bróðir,
Birgir Hólm
Björgvinsson.
Elskulegur faðir okkar, tengdafaðir, afi
og langafi,
HANNES STEINGRÍMSSON,
Víðilundi 24,
er lést á Sjúkrahúsinu á Akureyri
fimmtudaginn 3. mars, verður jarðsunginn
frá Akureyrarkirkju föstudaginn 18. mars klukkan 13.
Þeim sem vilja minnast hans er bent á að hafa samband við
Oddfellowstúkuna nr. 2, Sjöfn, á Akureyri.
Svavar Hannesson
Steingrímur Hannesson Erla Elísabet Sigurðardóttir
afa- og langafabörn
Eiginmaður minn, faðir, tengdafaðir, afi og
langafi,
SVEINN JÓHANN ÞÓRÐARSON,
bóndi og kaupmaður,
Innri-Múla, Barðaströnd,
lést á Hrafnistu Hafnarfirði miðviku-
daginn 9. mars. Útförin fer fram frá
Vídalínskirkju fimmtudaginn 7. apríl klukkan 15.
Kristín Hauksdóttir
Sigríður Sveinsdóttir Þorkell Arnarsson
Þórður Sveinsson Silja Björg Ísafoldardóttir
Jóna Jóhanna Sveinsdóttir
Barði Sveinsson
Haukur Þór Sveinsson Guðrún Pétursdóttir
Þórólfur Sveinsson Þorgerður Sævarsdóttir
Hörður Sveinsson Ólafía Línberg Jensdóttir
Ásgeir Sveinsson Birna Friðbjört Hannesdóttir
barnabörn og barnabarnabörn
Ástkær faðir minn, tengdafaðir og afi,
ÓLAFUR BJARNASON
pípulagningameistari,
lést á sjúkrahúsi Siglufjarðar fimmtudaginn
10. mars. Útför hans fer fram frá
Siglufjarðarkirkju laugardaginn 26. mars
klukkan 14. Streymt verður frá útförinni.
Hlekk á streymi má nálgast á www.mbl.is/andlat.
Svala Júlía Ólafsdóttir Gunnar Áki Halldórsson
Sigrún Sara Gunnarsdóttir
Ólafur Þór Gunnarsson
Ástkær móðir okkar, amma og langamma,
HAFÞÓRA BERGSTEINSDÓTTIR,
lést föstudaginn 11. mars
á Landspítalanum.
Útförin verður auglýst síðar.
Kolbrún Stefánsdóttir
Valdís Stefánsdóttir
Valdimar Stefánsson
barnabörn og aðrir afkomendur
Móðir okkar, tengdamóðir, amma
og langamma,
STEINUNN JÓNA BÁRÐARDÓTTIR
húsmóðir,
Sléttuvegi 17, Reykjavík,
lést á Landspítala Fossvogi þriðjudaginn
15. mars.
Fyrir hönd aðstandenda,
Bárður Marteinn Níelsson
Karen Níelsdóttir
Ástkær faðir minn og bróðir,
GYLFI ÞÓR SIGURÐSSON
frá Indriðastöðum í Skorradal,
Norðurbrún 1, Reykjavík,
lést á heimili sínu 24. febrúar.
Útförin hefur farið fram.
Hafdís Gylfadóttir
Guðlaug Ágústa Sigurðardóttir
Sveinn Sigurðsson
Elsku frændi okkar,
JÓHANNES HELGASON,
hagleiksmaður og bóndi,
Brenniborg,
Skagafirði,
lést á Heilbrigðisstofnun Norðurlands á
Sauðárkróki sunnudaginn 6. mars.
Útförin fer fram frá Víðimýrarkirkju laugardaginn
19. mars klukkan 14.
Útförinni verður útvarpað á FM 107,2.
María Bergþórsdóttir
Helgi Bergþórsson
Kristín Bergþórsdóttir
Ingibjörg Halldóra Bergþórsdóttir
Guðmundur Örvar Bergþórsson
Rúnar Þór Bergþórsson
Haukur Þór Adólfsson
Guðrún Ingibjörg Adólfsdóttir
Helga Adólfsdóttir
Sigurlaug Anna Adólfsdóttir
og fjölskyldur okkar
Við þökkum auðsýnda samúð vegna
andláts og útfarar ástkærrar móður,
stjúpmóður, tengdamóður, ömmu og
langömmu okkar,
SIGURLÍNU JÓHANNSDÓTTUR.
Guð blessi ykkur öll.
Guðný Einarsdóttir Robert Pearson
Guðrún Margrét Einarsdóttir
Guðni Einarsson Guðfinna Helgadóttir
Sigurmundur Gísli Einarsson Unnur Ólafsdóttir
barnabörn og barnabarnabörn