Morgunblaðið - 17.03.2022, Qupperneq 64

dýptina. „Þegar við hófum þessa veg-
ferð rákum við okkur fljótt á það
hversu lítið af upplýsingum hægt var
að finna á netinu um vestfirsku skáld-
in. Við lögðum því leið okkar á Bóka-
safn Hafnarfjarðar og fundum hrein-
lega fjársjóð í kjallara safnsins,“
segir Rakel og rifjar upp að þau
Garðar hafi lagt mikla vinnu í ljóða-
valið. „Það fór mikill tími í að finna
ljóð sem við tengdum við og sem
segja einhverja áhugaverða sögu,“
segir Rakel og bendir á að ljóðin séu
líka mjög ólík í yrkisefni og stíl.
„Saga ljóðanna og yrkisefni fær
svolítið að ráða stemningu laganna
hverju sinni,“ segir Garðar og rifjar
upp að platan hafi að mestu verið
samin á aðeins einni viku í sumar-
bústað. „Við héldum nokkurs konar
vinnusmiðju þar sem við sömdum
þetta saman í góðu flæði. Oft byrjaði
Gaddi á einhverju stefi og ég söng
síðan laglínuna yfir það,“ segir Rakel.
„Í raun má segja að hljóðheim-
urinn hafi orðið til í kringum ljóðin
sjálf, enda voru textarnir ávallt
útgangspunkturinn. Það leynist svo
ótrúlega mikil músík í þessum text-
um sem auðveldar okkur að semja
lögin,“ segir Garðar og tekur fram að
þau Rakel hafi valið ljóð sem þeim
fannst lagleg. Þegar blaðamaður
hváir yfir orðinu útskýrir Garðar að
hann sé þar að vísa til þess að ljóðin
innihaldi góðan rytma.
„Það er nefnilega kúnst að velja
ljóð sem hægt er að búa til lag við.
Það er ekki músík í öllum ljóðum,“
segir Rakel og nefnir sem dæmi að
snúið hafi verið að finna laglegt ljóð
eftir Jón úr Vör. „Það er oft erfitt að
finna rytmann í hans ljóðum þar til
við rákumst á „Kötu gömlu í kof-
anum“, þar sem við bættist líka
skemmtileg saga af norn,“ segir Rak-
el og tekur fram að líta megi á plöt-
una sem ákveðið andsvar við mildum
og einföldum lagatextum í nútíma-
popptónlist.
Ákveðin fegurð í frelsinu
„Það er svo gaman að miðla flott-
um textum á fallegri íslenskri tungu.
Það kom okkur skemmtilega á óvart
þegar við fórum í tónleikaferðalagið
fyrir vestan síðasta sumar hversu vel
textarnir töluðu til áhorfenda,“ segir
Rakel. „Á tónleikum kynnir Rakel
hvert lag og gefur innsýn í tilurð
ljóðanna, sögu þeirra og upplýsingar
um höfunda textanna. Við fundum
skýrt hvað áhorfendur voru þakklátir
fyrir það,“ segir Garðar. „Í þeim
skilningi eru tónleikar okkar alltaf
líka hálfgerð sögustund þar sem við
kynnum heiminn sem við erum að
stíga inn í,“ segir Rakel.
Þegar blaðamaður hlustaði á plöt-
una leyndi leikhúsbakgrunnur Rak-
elar og Garðars sér ekki í tónlistinni,
en bæði starfa þau við Borgarleik-
húsið, hún sem leik- og söngkona og
hann sem hljóð- og tónlistarmaður.
„Auðvitað hefur leikhúsið mikil
áhrif á sköpun okkar. Ég er leikkona
og þar af leiðandi sögumaður,“ segir
Rakel og tekur fram að henni finnist
spennandi að rannsaka hljóðheim
raddarinnar. „Mér finnst röddin sem
hljóðfæri ótrúlega áhugavert, ekki
síst þar sem það býður upp á mjög
mikla möguleika til túlkunar. Ég er
sjálf mikið að kenna söng og nýti
röddina auðvitað sem hljóðfæri í leik-
húsinu. Ég er því sífellt að rannsaka
hvaða hljóð hægt sé að búa til með
röddinni,“ segir Rakel og bendir á að
vissulega sé hún að stíga aðeins út
fyrir rammann með því að senda frá
sér tónlist þar sem hún sé ekki bara
að syngja blítt og fallega. „Þegar
ljóðið og lagið kalla á það þá bý ég til
groddaleg, ljót og áhugaverð hljóð,
samanber nornina í „Kötu gömlu í
kotinu“,“ segir Rakel. „Hvað það
varðar skilur þessi tónlist sig líka frá
hefðbundna poppinu þar sem lengi
hefur verið við lýði að allt eigi að vera
fullkomið,“ segir Garðar. „Gaddi er
líka mikill rokkari og smitar mig af
því og litar alla okkar tónlist,“ segir
Rakel.
Talandi um tónlistarstíla þá eru
lögin á plötunni allt frá því að vera
melódískt popp og hörku rokk yfir í
djass og blús. Eruð þið meðvitað að
blanda saman stílum?
„Við leitum í hljóðheim Nick Cave,
Tom Waits og The Kills,“ segir Garð-
ar. „Ég myndi segja að við náum
ágætri fjölbreytni,“ segir Rakel. „Við
erum heldur ekki að elta einhvern
ákveðinn stíl heldur gerum það sem
okkur langar hverju sinni,“ segir
Garðar. „Í raun má segja að það birt-
ist ákveðin fegurð í því frelsi sem við
höfum. Við erum bara að leika okkur
og höfum þar fullt frelsi þar sem lög-
in eru okkar og við erum sjálf að taka
upp og framleiða. Fyrst og síðast
finnst okkur hrikalega skemmtilegt
að semja og taka upp tónlist. Við von-
um auðvitað að fólk njóti þess að
hlusta, en það er bara hreinn bónus,“
segir Rakel. „Annað sem við erum að
vinna með er einföld og hrá umgjörð
laganna,“ segir Garðar. „Við vildum
ná þeirri stemningu að lagið væri í
raun flutt í rauntíma. Við tókum
þetta nánast allt upp í stúdíóinu sem
við erum búin að koma okkur upp hér
á heimilinu okkar hér í Hafnarfirði.
Þannig að þetta er svona beint frá
býli þar sem við gerum allt sjálf og
einnig beint frá hjartanu,“ segir Rak-
el.
Reiknið þið með að vinna fleiri
plötur eftir sama konsepti?
„Já, við erum þegar farin að horfa
á næsta stað, sem væri þá Norður-
land. Sem fyrr myndi verkefnið byrja
með því að við förum á Bókasafn
Hafnarfjarðar og skoðum norð-
lenskar perlur og skemmtilegar sög-
ur,“ segir Garðar og bætir við: „Það
er allt enn í mótun enda langar okkur
fyrst að fylgja þessari plötu vel eftir,
m.a. með endurteknu tónleika-
ferðalagi á Vestfjörðum næsta sumar
þar sem okkur langar að spila færri
og stærri tónleika.“
Morgunblaðið/Eggert
„Beint frá hjartanu“
- Hljómsveitin ÞAU sendir frá sér sína fyrstu plötu sem nefnist ÞAU taka Vestfirði og inniheldur
frumsamda tónlist við ljóð vestfirskra skálda - Fundu fjársjóð í kjallara Bókasafns Hafnarfjarðar
Afslöppuð Rakel Björk Björnsdóttir og Garðar Borgþórsson, sem skipa dúóið ÞAU, á heimili sínu í Hafnarfirði þar sem er einnig heimastúdíó þeirra.
VIÐTAL
Silja Björk Huldudóttir
silja@mbl.is
„Tilurð plötunnar má rekja til þess að
við fórum í tónleikaferðalag um Vest-
firðina síðasta sumar,“ segir söng- og
leikkonan Rakel Björk Björnsdóttur
sem ásamt tónlistarmanninum
Garðari Borgþórssyni skipar hljóm-
sveitina ÞAU sem nýverið sendi frá
sér tólf laga plötu sem nefnist ÞAU
taka Vestfirði og m.a. er aðgengileg á
Spotify. Platan inniheldur frumsamin
lög þeirra við ljóð eftir vestfirsk skáld
en ÞAU munu fylgja útgáfunni eftir
með tónleikum í Bæjarbíói miðviku-
daginn 6. apríl kl. 20 undir yfirskrift-
inni: „ÞAU taka Bæjarbíó“ þar sem
píanóleikarinn Agnar Már Magnús-
son kemur fram með þeim. Á plöt-
unni leika hins vegar með þeim
Hjörtur Ingvi Jóhannsson á píanó og
Aron Steinn Ásbjarnarson á saxófón.
„Það var í raun hálfgerð tilviljun
sem réð því að við fórum í þetta
ferðalag. Vinur okkar, Ingimar Ingi-
marsson, orgelleikari á Reykhólum,
skipulagði tónleikaferðalagið á Vest-
fjörðum með okkur og spilaði með
okkur á þeim 14 stöðum þar sem við
komum fram,“ segir Rakel. „Upp-
haflega ætluðum við bara að spila
vestfirska tónlist, en svo fæddist sú
hugmynd að grafa upp þessi gömlu
skáld og gera tónlistina bara sjálf,
sem er auðvitað miklu skemmti-
legra,“ segir Garðar.
Mikilvægt að velja lagleg ljóð
Meðal höfunda ljóðanna á plötunni
eru Eiríkur Örn Norðdahl, Guð-
mundur Ingi Kristjánsson, Halla
skáldkona, Jakobína Sigurðardóttir,
Jón úr Vör, Ólína Þorvarðardóttir og
Steinn Steinarr. „Lögin og ljóðin
veita innsýn í sögu, menningu og líf
fólks í landinu okkar á ólíkum tímum.
Þarna sameinast gamlar raddir og
ungar í blóma. Þannig má segja að
fortíðin hitti nútíðina,“ segir Rakel og
tekur fram að það sé einstaklega
gaman að syngja svona safaríka texta
þar sem tækifæri gefst til að fara á
64 MENNING
MORGUNBLAÐIÐ FIMMTUDAGUR 17. MARS 2022
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
Með kaupum á 100 lítra+ fiskabúrum
fylgir afsláttarkort sem veitir 20% afslátt
af öllu í fiskadeild í 30 daga