Fréttablaðið - 02.12.2022, Page 32
Sætkartöflubaka með
sykurpúðum og kornflexi
Fyrir 4
1 meðalstór sæt kartafla
50 g smjör
80 g rjómi
2 egg
Salt og pipar
1 msk. vanilludropar
100 g púðursykur
50 g smjör
100 g kornflex
100 g litlir sykurpúðar
Sætkartaflan er bökuð heil í
hýðinu í 1 klst. á 180°C. Skerið
hana næst til helminga langsum
og kreistið innihaldið í skál.
Bætið út í rjóma, smjöri, eggjum,
vanilludropum, salti og pipar
meðan kartaflan er heit. Blandað
vel saman og setjið í eldfast mót.
Púðursykur og smjör er sett saman
í pott og hitað upp að suðu. Bland-
ið kornflexi saman við og dreifið
blöndunni næst yfir sætkartöflu-
bökuna. Toppið með sykurpúðum.
Bakað við 180°C með blæstri þar
til sykurpúðar verða gullinbrúnir
eða í um 10-15 mínútur.
Starri Freyr
Jónsson
starri
@frettabladid.is
Rósakálssalat með hnetum, parmaskinku og hunangi
Fyrir 4
16 stk. rósakál
Klípa af smjöri
Salt
100 g heslihnetur
10 g ólífuolía
50 g parmaskinka
1 krukka truffluhunang
Veltið heslihnetum upp úr
ólífuolíu og ristið í ofni á 180°C
hita í 10 mínútur. Brjótið svo
niður með botni á potti. Par-
maskinkan er skorin í strimla
og sett á kalda pönnu. Hitið
pönnuna á miðlungshita og
hrærið í á meðan. Þegar par-
maskinkan er orðin stökk og
brúnuð er hún tekin af hitanum
og sett í skál.
Rósakál er snöggsoðið í
sjóðandi vatni, sem hefur
verið vel saltað, í 45 sek. Skerið
endann af og skerið rósakálið
til helminga. Leyfið pönnu að
hitna við miðlungsháan hita
með örlitlu af olíu. Rósakálið
er sett á pönnuna með sárið
niður og leyft að brúnast í ca.
1 mínútu. Bætið smjöri út á og
salti eftir smekk. Lækkið hitann
aðeins og leyfið rósakálinu að
brúnast meðan hrært er í.
Setjið rósakálið í skál og
toppið með ristuðum hesli-
hnetum, stökkri parmaskinku
og trufflu hunangi.
Matreiðslumeistarinn Ísak
Aron Jóhannsson ætlar að
hafa það náðugt um jólin í
félagsskap sinna nánustu.
Boðið verður upp á ljúffeng-
ar veitingar, jólabjór verður
smakkaður og árlegur
göngutúr í náttúrunni er á
dagskrá.
Ísak Aron Jóhannsson, matreiðslu-
meistari og meðlimur Kokkalands-
liðsins, ætlar að verja jólunum
með sínum nánustu. „Á Þorláks-
messu held ég í þá hefð að fá mér
skötu, sem mér finnst nauðsyn-
legur forleikur að hátíðarmatnum.
Aðfangadagurinn er dagurinn sem
við eldum eitthvað öðruvísi, en þá
er Wellington nautasteik, önd og
hreindýr oftast á boðstólum. Svo
bíða auðvitað allir eftir möndlu-
grautnum. Á jóladag er boðið upp
á hangikjöt með uppstúf.“
Utan ljúffengra veitinga ver
Ísak oftast jólunum í að slaka
á. „Þá daga reyni ég að stunda
heilsurækt og fara í sund.
Einnig er það hefð hjá mér
og vini mínum að fara í
langa göngutúra í nátt-
úrunni og spjalla í leiðinni um
lífið og hvernig næsta ár verður.
Svo reyni ég að hitta vini mína og
smakka jólabjór á góðu spila-
kvöldi.“
Ísak Aron gefur lesendum
hér uppskriftir að meðlæti með
ólíkum jólasteikum, en einnig er
hann með uppskrift að humar-
súpu og döðlutertu á bls. 118.n
Nýtt og spennandi meðlæti
Gott
með
nautakjöti og
puru steik
Madeira-gljáð seljurót
Fyrir 4
1 stk. seljurót
Salt og olía
600 ml madeira rauðvín
25 g garðablóðberg
1 kanilstöng
4 anísstjörnur
250 g púðursykur
1 lítri kjúklingasoð
100 g klettasalat
40 g furuhnetur
¼ stk. fetaostkubbur
Seljurótin er skræld í stóra kúlu,
pökkuð í álpappír með salti og
olíu og bökuð á 210°C í 2 klst.
Á meðan er gljáinn gerður.
Madeira vín er sett í pott og
komið upp að suðu ásamt þurr-
vörum og blóðbergi. Þegar vínið
hefur soðið niður um helming
er bætt við rest af hráefnum
og því leyft að sjóða í dágóðan
tíma. Þegar gljáinn hefur soðið
niður um helming er hann sigt-
aður og soðinn enn meira niður
þangað til hann nær þykkri
áferð. Smakkið til með salti ef
þörf er á.
Seljurótin er tekin úr ofn-
inum og leyft að hvíla í álpapp-
írnum í um 30-40 mínútur.
Álpappírinn er næst tekinn af
og seljurótin sett í eldfast mót.
„Brennið“ seljurótina með eld-
brennara allan hringinn. Berið
næst gljáann á með pensli og að
lokum er seljurótin „brennd“
aftur með brennaranum.
Furuhnetur eru ristaðar á
miðlungshita á pönnu og selju-
rótin skorin í sneiðar. Kletta-
salat er sett í skál, seljurótin er
skorin í stóra bita og sett yfir
salatið, fetaostur rifinn yfir og
furuhnetum er dreift fallega
yfir í lokin.
Góð
með
lambakjöti
og hnetu
steik
Góð
með
kalkúni
Ísak Aron Jóhannsson er matreiðslumeistari og með-
limur Kokkalandsliðsins. fréttablaðiðr/valli
TIMBERLAND
Í JÓLAPAKKANN
Vatnsheldir úr gæðaleðri
Stattu traustum fótum með Timberland
1. hæð Kringlunni / 1. hæð Smáralind
timberland.is 533 2290 timberlandIceland
10 fréttablaðið 2. desember 2022jól 2022