Fréttablaðið - 02.12.2022, Side 90

Húsið er einstak-
lega fallegt á
aðventunni, sérstaklega
þegar snjóar.
Guðrún Birgisdóttir á gam-
alt, fallegt hús á Ísafirði með
glæsilegum garði. Guðrún
hefur einstaklega gaman af
því að skreyta húsið og ekki
síst pallinn, sem er mikið
notaður.
elin@frettabladid.is
Guðrún býr í gamla bænum, á
Eyrinni svokölluðu, og margir
vegfarendur stoppa við til að kíkja
á herlegheitin hjá henni. Guðrún
byrjar venjulega að skreyta í upp­
hafi aðventunnar en gerði það
aðeins fyrr nú. „Eldhúsið er alltaf
tilbúið þegar aðventan gengur í
garð. Ég skreyti bæði úti og inni
en gerði reyndar enn meira af
skreytingum áður fyrr. Hef dregið
úr þessu en, jú, ætli ég skreyti ekki
ansi mikið,“ segir hún. „Ég hef líka
verið dugleg að baka fyrir jólin,
geri vinsælustu smákökurnar og
fjölskyldan hefur gert piparköku­
hús saman sem er mjög skemmti­
legt. Einnig skerum við út laufa­
brauð svo fjölskyldustundirnar
eru margar,“ segir Guðrún. „Við
höldum í ákveðnar hefðir. Ég geri
til dæmis alltaf ístertu fyrir jólin
sem allir eru mjög ánægðir með.“
Jólasveinninn kemur á aðfanga-
dag og heilsar upp á fjölskylduna
Guðrún og eiginmaður hennar,
Halldór Guðlaugsson, eiga þrjú
börn og fjórtán barnabörn. „Það er
oft líf og fjör í húsinu. Við reynum
að hittast á aðventunni og erum
með sérstaka gleði á aðfangadag
þegar jólasveinninn kemur með
glaðning handa öllum. Þá fáum við
okkur heitt súkkulaði og jólasmá­
kökur. Fjölskyldan var öll búsett
hér á Ísafirði en annar sonurinn
flutti til Akureyrar í haust,“ segir
Guðrún og bendir á að á Vest­
fjörðum sé Þorláksmessa fyrsti
dagur hátíðarinnar með sinni
hefðbundnu skötuveislu. „Vinkona
mín býður okkur alltaf í frábæra
skötuveislu.“
Guðrún segist vera með ham­
borgarhrygg á aðfangadag og
svo verði einnig nú og hangikjöt
á jóladag. Þau hjónin fluttu til
Ísafjarðar fyrir 24 árum en hún
ólst upp í Ólafsvík og í Borgarnesi.
„Maðurinn minn er mjólkur­
fræðingur og við fluttum til Ísa­
fjarðar þegar mjólkurbúið var lagt
niður í Borgarnesi. Móðir mín er
Ísfirðingur og ég á því rætur hér,“
segir hún. Guðrún er skóla­ og sér­
kennslufulltrúi hjá Ísafjarðarbæ en
er menntuð leikskólakennari.
Hús þeirra hjóna var byggt 1903.
„Það stóð upphaflega á skóla­
lóðinni og var byggt sem heimili
skólastjóra. Fyrir tæpum þrjátíu
árum var það flutt á Tangagötu þar
sem það stendur núna. Þetta er hús
með rosalega góða sál,“ segir hún.
„Húsið var málað rautt þegar við
keyptum það og við höfum haldið
því. Það er einstaklega fallegt á
aðventunni, sérstaklega þegar
snjóar.“
34 kassar af jólaskrauti
Sólpallurinn við húsið fær einstakt
útlit á aðventunni. Þar má sjá ýmsa
Jólaskreyttur pallur
við meira en hundrað
ára gamalt hús
Guðrún hefur mjög gaman af því að
skreyta bæði úti og inni.
Það vantaði bara jólasnjóinn á Ísafirði þegar myndirnar voru teknar núna. En fallegt er það. MYNDIR/AÐSENDAR
Gamall sleði hefur fengið nýtt
hlutverk sem borð þar sem kerta-
luktirnar fá að skína.
Allt er úthugsað og smáhlutirnir fá
líka að vera með. Takið eftir jóla-
kúlunum á grindverkinu.
Séð yfir pallinn.
Í fyrra var hann
á kafi í snjó.
fallega hluti sem margir eiga langa
sögu. „Margir þessara gömlu hluta
eru til hér í geymslunni og ég dreg
þá fram á þessum árstíma. Fyrir
nokkrum árum átti ég 34 kassa af
jólaskrauti en börnin hafa fengið
eitthvað af því þannig að núna á
ég bara 15 eða 16 kassa,“ segir hún
brosandi. „Mér finnst mjög gaman
að fara á nytjamarkaði og finna
eitthvað sem hægt er að endur­
nýta. Ég jafnvel breyti hlutum og
geri þá að mínum,“ segir Guðrún,
sem var á leið í stutta heimsókn
til Danmerkur og ætlaði að kíkja á
jólamarkaði. „Ég á örugglega eftir
að falla fyrir einhverju þar,“ segir
hún.
Guðrún hefur undanfarin tvö
ár sett upp gjafaborð fyrir framan
húsið og leyft fólki að taka hluti
sem því líst vel á. „Mér hugnast
mjög vel að endurnýta hluti og
gefa þeim nýtt líf,“ segir hún.
Þegar Guðrún er spurð um
uppáhaldshlut, svarar hún: „Það
er gamalt jólatré sem amma mín
og afi keyptu þegar þau hófu
búskap 1939. Ég set það alltaf upp í
sjónvarpsherberginu okkar. Síðan
set ég alltaf danska fána á það.
Ruth Tryggvason heitin í gamla
bakaríinu gaf mér harðar kringlur
fyrstu jólin hér og ég set þær alltaf
á jólatréð ásamt fánunum, henni
til heiðurs. Við hjónin bjuggum
líka í Danmörku á meðan Halldór
var í námi. Okkur er því hlýtt til
landsins.“
Guðrún segir að þau hjónin
noti pallinn mikið allt árið þegar
veður leyfir. „Það er notalegt
að liggja í pottinum á kvöldin.
Síðasta vetur fylltist pallurinn
reyndar af snjó. Ég hef boðið vin­
konum mínum í aðventufagnað
á pallinum. Við fáum okkur heitt
súkkulaði og höfum það kósí.
Þetta er svo dásamlegur tími,“
segir Guðrún, sem hefur haldið
úti bloggi í tíu ár undir nafninu
Hvítar rósir og rómantík. „Þar
fjalla ég um ýmislegt varðandi
heimili og hvernig hægt er að
breyta og bæta,“ segir Guðrún
jólabarn á Ísafirði. n
68 FRÉTTABLAÐIÐ 2. desember 2022JÓL 2022