Bændablaðið - 01.12.2022, Blaðsíða 12

12 Bændablaðið | Fimmtudagur 1. desember 2022
FRÉTTIR
Drög að matvælastefnu kynnt í Hörpu:
Fögur framtíðarsýn
– Fylgt eftir með aðgerðamiðuðum stefnum og árlegri aðgerðaráætlun
Svandís Svavarsdóttir matvæla­
ráðherra kynnti á Matvælaþinginu
drög að matvælastefnu fyrir
Ísland.
Drögin samanstanda af tíu
meginköflum. Í fyrsta kaflanum,
Grunnur að matvælastefnu, kemur
fram að rætur þeirra draga, sem voru
kynnt á þinginu, nái aftur að útgáfu
á stefnunni Matarauðlindin Ísland,
matvælastefna Íslands til 2030 – sem
kom út í desember 2020.
Í kaflanum Leiðarljós íslenskrar
matvælaframleiðslu kemur fram
að á Íslandi sé framleitt mikið
magn matvæla sem sé mikilvægt
með tilliti til allra lykilhagstærða,
eins og landsframleiðslu,
útflutningsverðmæta og fjölda
starfa. Fá sambærileg samfélög
séu jafn efnahagslega háð
matvælaframleiðslu og Ísland.
Landið sé ríkt af auðlindum sem
gerir það að samkeppnishæfum
matvælaframleiðanda. Forsendur
séu fyrir hendi að byggja velsæld
þjóðarinnar áfram á sjálfbærri
nýtingu auðlinda, meðal annars til
matvælaframleiðslu og til að þróa
áfram nýjar framleiðslugreinar.
Matvælaframleiðslan árið 2040
Í kaflanum Framtíðarsýn fyrir árið
2040, eru dregin fram tíu atriði
sem eiga að endurspegla þá stöðu
sem uppi verður á þeim tíma í
matvælaframleiðslu á Íslandi. Þau
eru sett fram með það að leiðarljósi
að Ísland verði í fremstu röð ríkja í
framleiðslu hágæða matvæla.
1. Ísland er í fremstu röð ríkja í
gæðum framleiddra matvæla.
2. Framleiðsla sem byggir á
nýtingu lifandi auðlinda stenst öll
viðmið um sjálfbærni nýtingar og
hefur vísindi vistkerfis nálgunar og
varúðar að leiðarljósi.
3. Full nýting afurða er tryggð
í virðiskeðju matvælaframleiðslu.
4. Matvælaframleiðsla er
kolefnishlutlaus og kolefnisjöfnun
byggir á náttúrumiðuðum lausnum
sem samræmast alþjóðlegum
skuldbindingum.
5. Matvælaöryggi stendur á
traustum stoðum og öll framleiðsla
miðar að heilbrigðu umhverfi, heilsu
fólks og heilbrigði dýra.
6. Fæðuöryggi er tryggt.
Komið hefur verið á fót skipulagi
sem tryggir nauðsynlegar
lágmarksbirgðir matvæla í landinu
á hverjum tíma, sem og aðföng til
framleiðslunnar.
7. Framleiðsla er arðbær og
tryggir byggðafestu og uppbyggingu
þekkingar í samfélaginu.
8. Ákvarðanir um nýtingu
lifandi auðlinda taka jafnan mið
af samfélagsgæðum, jöfnuði óháð
efnahag, kyni, uppruna og búsetu,
og hag heildarinnar í efnahagslegu
tilliti.
9. Menntun í matvælatengdu
námi mætir þörfum atvinnulífsins
og markaðarins. Starfsmenn innan
matvælageirans hafa hæfni og
getu til að takast á við áskoranir
og tækifæri framtíðarinnar í
matvælaframleiðslu.
10. Rannsókna- og
n ý s k ö p u n a r s t a r f h e f u r
mælanlega aukið sjálfbærni,
fjölbreytni og verðmætasköpun
matvælaframleiðslu. Ísland er
með leiðandi hlutverk í hugviti og
tæknibreytingum tengt sjálfbærri
matvælaframleiðslu.
Aðgerðamiðaðar stefnur
Tilgreint er í kaflanum um
framtíðarsýnina, að til að hún geti
orðið að veruleika verði annars
vegar settar fram aðgerðamiðaðar
stefnur í einstökum málaflokkum
matvælaframleiðslunnar, þar sem
aðkoma stjórnvalda er skilgreind
nánar, og hins vegar verður árlega
lögð fram aðgerðaráætlun á grunni
stefnunnar – þvert á málaflokka.
Aðrir kaflar draganna fjalla um
sjálfbærni matvælaframleiðslu,
umhverfis- og loftslagsmál,
samfélag og byggðamál, fæðu- og
matvælaöryggi, þarfir neytenda,
rannsóknir og nýsköpun.
Á þinginu voru efnisatriði
meginkaflanna rædd á örmálstofum
og mun matvælaráðuneytið svo
vinna úr þeirri umræðu áður en
matvælastefnan verður sett í
Samráðsgátt stjórnvalda. Í kjölfarið
verður unnin þingsályktunartillaga
um matvælastefnu og hún lögð fyrir
Alþingi.
Drög að matvælastefnu fyrir
Ísland eru aðgengileg í gegnum vef
Stjórnarráðs Íslands, stjr.is. /smh
Svandís Svavarsdóttir matvælaráðherra kynnir drögin á Matvælaþinginu. Mynd / Gunnar Vigfússon
Fjölmennt var á matvælaþingi í Hörpu þann 22. nóvember sl. Mynd / ghp
Stjórn Meistaradeildar Líflands
í hestaíþróttum hefur samið við
eigendur Ingólfshvols í Ölfusi um að
öll reiðhallarmót deildarinnar verði
haldið þar keppnistímabilið 2023.
„Á Ingólfshvoli er hægt að bjóða
upp á upphitunarsvæði innandyra
sem er tengt keppnissvæðinu og
er orðið algjört lykilatriði fyrir
bæði hesta og knapa. Skeiðmótið
verður síðan haldið á Brávöllum á
Selfossi í samstarfi við Sleipni og
Skeiðfélagið,“ segir í tilkynningu frá
stjórn Meistaradeildarinnar en enn
fremur voru tilkynntar dagsetningar
keppnanna, sem verða eftirfarandi:
26. janúar - Fjórgangur
9. febrúar - Slaktaumatölt
3. mars - Fimmgangur
23. mars - Gæðingafimi
8. apríl - Gæðingaskeið
og 150 m skeið
15. apríl - Tölt og 100 m skeið
og lokahátíð.
Meistaradeild hestaíþrótta
áfram á Ingólfshvoli
Íslenskt viskí í sókn í Kína
Eimverk Distillery, framleiðandi
Flóka viskí, skrifaði nýlega undir
stóran samning við kínverska
ríkisfyrirtækið China Poly Group
um sölu á Flóka þar í landi.
Samningurinn var undirritaður á
stórsýningunni China International
Import Expo (CIIE) í Sjanghæ.
Eimverk hefur verið þátttakandi
ásamt fjölda íslenskra fyrirtækja
undanfarin ár. Flóki er fyrsta og enn
þá eina íslenska viskíið á markaði í
dag og hefur verið í stöðugri sókn
á erlendum mörkuðum. Flóki er nú
fluttur út til yfir tuttugu landa.
„Við erum afar ánægð með
þennan samning, við höfum unnið að
markaðssetningu í Kína frá 2019 og
þetta er spennandi þróun. Poly Group
fékk fyrstu prufusendingu frá okkur
fyrr á þessu ári og seldist hún hratt
upp,“ segir Haraldur Þorkelsson,
framkvæmdastjóri Eimverks.
Samningurinn er í takt við áform
félagsins um kraftmikla markaðssókn
og stækkun framleiðslugetu allt að
tífalt á næstu tíu árum.
„Það er okkar markmið að koma
Íslandi á kortið í viskíheiminum,
hér eigum við nægt bygg, frábært
vatn og græna orku,“ segir Sigrún
Barðadóttir, stjórnarformaður
Eimverks.
Eimverk nýtur þess í dag að
hafa fengið styrk frá Matvælasjóði
til að styrkja markaðsstarf erlendis
verulega og hefur að auki fengið
aðstoð frá viðskiptafulltrúum
sendiráða Íslands á erlendri grundu.
Eimverk var stofnað 2009 með
áherslu á að framleiða Flóka viskí
úr íslensku byggi. Fyrirtækið er til
húsa við Lyngás 13 í Garðabæ.
/MHH
Við undirritun samningsins. Á myndinni eru frá vinstri: Ji Xia, starfsmaður
Eimverks í Kína, Þórir Ibsen, sendiherra Íslands í Kína, Wanshun Zhang,
framkvæmdastjóri Poly Group Co Ltd. og Qinghai Kong, framkvæmdarstjóri
Poly Liquor Company Ltd. Mynd / Aðsend