Bændablaðið - 01.12.2022, Qupperneq 33

33Bændablaðið | Fimmtudagur 1. desember 2022
Hvergi annars staðar á jörðinni er nú fleiri jarðsprengjur að finna en í Úkraínu
sem gera víðáttumikil jarðræktarsvæði óstarfhæf. Þær hafa grandað mörgum
landbúnaðarvélum og orðið mönnum að aldurtila.
í stríðsrekstur. Allmargir bændur
hafa þegar lagt upp laupana eftir
hörmulegt ár, rekstrarreikningarnir
eru logandi rauðir þar sem ekki
fékkst verð sem samsvaraði
framleiðslukostnaði. Margir bændur
sjái því lítinn tilgang í að leggja út
fyrir næsta ræktunarári. Við það
brestur fæðuöryggi þjóðarinnar.
Fleiri valkostir styrkja
framleiðslukerfi
Olgu er tíðrætt um seiglu. Til þess
að öðlast meiri viðnámsþrótt er mál
að búa til fleiri tengingar. Hún talar
um framleiðslukerfi í því samhengi.
Augljóst sé að það veiki kerfi að láta
öll eggin í sömu körfuna. Gæta þurfi
að fjölbreytni, til dæmis að treysta
ekki aðeins á eina flutningsleið eða
einn einangraðan markað.
„Strax árið 2014, þegar átök
brutust út á Krímskaga, þá blasti
við okkur hversu háð Úkraína var
Rússlandi. Við treystum alveg á að
geta flutt þangað vörur. Við áttuðum
okkur á því að við þyrftum að finna
fleiri markaði, til að styrkja kerfið.“
Nú þegar hriktir í framleiðslu­
kerfum víða um heim koma
veikleikar þeirra í ljós. Hægt sé að
brýna kerfi betur nú með því að auka
fjölbreytni aðfangaleiða.
Starfandi í ógninni
Olga er nú búsett í Berlín ásamt tíu
ára dóttur sinni. Foreldrar hennar,
mörg ættmenni og vinir eru enn
heima við og flýgur hún reglulega
til Kyiv. Olga kemur frá Sumy
héraðinu, í norðausturhluta landsins,
nálægt landamærum Rússlands þar
sem foreldrar hennar búa.
Hún segir að þrátt fyrir að
svæðið sé ekki í hringiðu átaka
eigi stórskotalið það til að ganga
berserksgang á búum, drepa búfé og
eyðileggja vélar og húsnæði.
Þó ótrúlegt megi virðast halda þó
bændur áfram að yrkja jörð sína og
sinna skepnum og störfum sínum.
Um leið og tilkynningar berast um
mögulega aðsteðjandi hættu er leitað
skjóls, en að öðru leyti heldur fólk
áfram sínum daglegu störfum.
Þó stríðið eyðileggi inniviði og
setji efnahaginn í rúst er seiglan
ótrúleg, segir Olga. Þó höktandi
séu og á minni skala halda
framleiðslukerfin áfram að starfa.
Kornakrar brenna, Rússar hafa skilið eftir sig sviðna jörð í Úkraínu.
Við Norðurlandsveg - 560 VarmahlíðSími: 453 8888 - Opið virka daga kl. 9-17
HLIÐGRINDUR
Margar stærðir í boði á flottu verði!
velaval.is
alltaf opin!
Hliðgrind án nets Hliðgrind með neti Hornstaurar
Sendum
um land
allt!
MIKIÐ ÚRVAL AF LEIKFÖNGUM
LCI Lely Center Ísland
Krókhálsi 5f 110 Reykjavík
Óðinsnesi 2 603 Akureyri lci.is