Bændablaðið - 01.12.2022, Blaðsíða 55

55Bændablaðið | Fimmtudagur 1. desember 2022
Hæstu einkunn í sínum flokki líkt
og í fyrra hlaut Fróði frá Flugumýri,
nú með aðaleinkunn upp á 8,58.
Þá hlaut hann verðlaun fyrir hæstu
aldursleiðréttu aðaleinkunn án skeiðs
á þessu ári á nýafstaðinni ráðstefnu
Fagráðs í hrossarækt. Fróði er undan
Hring frá Gunnarsstöðum I og Fýsn
frá Feti. Ræktendur eru Eyrún Ýr
Pálsdóttir og Teitur Árnason en
eigandi er Eyrún Ýr Pálsdóttir.
Fróði stóð efstur á Landsmótinu
í flokki 5 vetra stóðhesta. Fróði er
mjög vel gerður hestur með 8,64 í
sköpulag, þar ber helst að nefna
úrvalsgóðan háls, herðar og bóga með
9,5 í einkunn, hann er með 9,0 fyrir
samræmi enda fram- og fótahár. Fróði
er úrvals klárhestur með 8,54 fyrir
hæfileika, enda hágengur, skrefmikill
og samstarfsfús. Hann hlaut 9,5 fyrir
tölt og fegurð í reið og 9,0 fyrir brokk,
greitt og hægt stökk, samstarfsvilja
og hægt tölt.
Stóðhestar 6 vetra
Í flokki 6 vetra stóðhesta voru sýndir
62 hestar til fullnaðardóms eða um
7% sýndra hrossa.
Þriðju hæstu einkunn ársins hlaut
eðaltöltarinn Sólfaxi frá Herríðarhóli
en hann er einn þriggja hrossa sem
hlotið hafa tíu fyrir bæði tölt og hægt
tölt. Sólfaxi var sýndur á Vorsýningu
á Gaddstaðaflötum og fékk þar
8,51 í aðaleinkunn. Hann er undan
Óskasteini frá Íbishóli og Hyllingu frá
Herríðarhóli sem er undan Herkúles
frá sama bæ. Ræktandi Sólfaxa er
Ólafur Arnar Jónsson en eigendur
eru Anja Egger-Meier, Grunur ehf
og Kronshof GbR. Fyrir sköpulag
hlaut Sólfaxi 8,69, þar af 9,0 fyrir
háls, herðar og bóga, bak og lend og
samræmi. Þessi gæði koma vel fram í
reið þar sem jafnvægi og frambygging
njóta sín afar vel. Fyrir hæfileika
hlaut hann 8,41 en auk tíanna sinna
fyrir tölt fékk hann 9,5 fyrir fegurð
í reið sem og samstarfsvilja. Sólfaxi
var í öðru sæti á Landsmótinu í flokki
6 vetra stóðhesta.
Með aðra hæstu einkunn
stóðhesta í 6 vetra flokki var Sindri
frá Lækjamóti ræktaður af og í eigu
Guðmars Hólm Ísólfssonar Líndal.
Faðir Sindra er Skýr frá Skálakoti
og móðir er Hágangsdóttirin Rödd
frá Lækjamóti. Sindri fór hæst í 8,52
á vorsýningu á Hólum í Hjaltadal.
Sindri er afar vel gerður hestur með
8,82 fyrir sköpulag þar sem hann
státar af 10 fyrir prúðleika og úrvals
bak og lend og fótagerð með 9,5 í
einkunn fyrir þá þætti, auk 9,0 fyrir
hófa. Sindri er jafnvígur skrefgóður
alhliðahestur með góð gangskil og er
með 8,5 fyrir flesta þætti hæfileika.
Sindri var í fjórða sæti í sínum flokki
á Landsmótinu.
Með hæstu einkunn í flokki sex
vetra stóðhesta á árinu er Magni frá
Stuðlum með 8,56 í aðaleinkunn.
Ræktendur hans eru Edda Björk
Ólafsdóttir og Páll Stefánsson
en eigendur eru Páll Stefánsson,
Hrafnkell Áki Pálsson og Ólafur
Tryggvi Pálsson. Magni er undan
Konsert frá Hofi og Stöku frá
Stuðlum. Magni er glæsilegur hestur
með 8,72 fyrir sköpulag, hæst hlaut
hann 9,0 fyrir samræmi, fótagerð,
hófa og prúðleika. Fyrir hæfileika
hlaut Magni 8,47 þar af 9,5 fyrir
úrvalsskeið og 9,0 fyrir þjálan og
góðan samstarfsvilja.
Stóðhestar 7 vetra og eldri
Í elsta flokki stóðhesta voru sýndir
77 hestar eða um 9% sýndra hrossa.
Þriðju hæstu einkunn ársins
hlaut Seðill frá Árbæ undan
Sleipnisbikarhafanum á Landsmóti
2022, Sjóði frá Kirkjubæ og
Aronsdótturinni Verónu frá Árbæ.
Ræktandi hans og eigandi er
Maríanna Gunnarsdóttir. Seðill hlaut
hæst 8,75 í aðaleinkunn á vorsýningu
á Sörlastöðum en á landsmótinu
hafnaði hann í fimmta sæti. Seðill
er afskaplega vel gerður hestur
með úrvals frambyggingu, bak og
lend, og fótahátt og jafnvægisgott
samræmi. Hann hlaut 8,79 fyrir
sköpulag þar sem hæst ber 9,0
fyrir framantalda þætti auk hófa.
Seðill er afbragðsalhliðahestur með
takthreinar, skrefgóðar vel aðskildar
gangtegundir. Hann hlaut 8,72 fyrir
hæfileika, 9,0 fyrir brokk, skeið,
samstarfsvilja og fegurð í reið.
Með næsthæstu aðaleinkunn
ársins er hinn magnaði léttleikahestur
með sitt frábæra jafnvægi í geði og
gangi, Sindri frá Hjarðartúni. Hann
stóð efstur á Landsmótinu í sínum
flokki með 8,99 í aðaleinkunn og
hæstu hæfileikaeinkunn sem gefin
hefur verið eða 9,38. Sindri er undan
Stála frá Kjarri og Aronsdótturinni
Dögun frá Hjarðartúni. Ræktandi
er Óskar Eyjólfsson en eigendur
Einhyrningur ehf, Bjarni Elvar
Pétursson og Kristín Heimisdóttir.
Sindri er ágætlega gerður hestur
með 8,28 fyrir sköpulag. Sindri
hlaut tíu fyrir brokk, skeið og
samstarfsvilja, 9,5 fyrir tölt og
fegurð í reið og 9,0 fyrir hægt tölt.
Miðað við frammistöðu á vellinum
og uppgefnar einkunnir má segja að
Sindri falli afskaplega vel að þeim
eiginleikum sem tilgreindir eru í
ræktunarmarkmiði íslenska hestsins.
Hæstu aðaleinkunn ársins í
elsta flokki stóðhesta, 9,04 hlaut
Viðar frá Skör. Það er jafnframt
hæsta aðaleinkunn sem hross
hefur nokkru sinni hlotið. Viðar er
undan Hrannari frá Flugumýri II
og Vár frá Auðsholtshjáleigu sem
var undan Spuna frá Miðsitju. Karl
Áki Sigurðsson er ræktandi Viðars
en eigendur hans eru Flemming
og Gitte Fast Lambertsen. Viðar
er einstaklega vel gerður hestur
með 8,89 fyrir sköpulag. Fyrir bak
og lend og samræmi hlaut hann
úrvalseinkunnina 9,5 sem einkennist
af afar góðu jafnvægi og fótahæð.
Réttleiki er einnig úrval upp á 9,0
en fyrir aðra þætti sköpulags hlaut
Viðar 8,5. Ekki eru hæfileikarnir
síðri en fyrir þá hlaut Viðar 9,12
þar sem hæst ber 9,5 fyrir brokk
og fet og 9,0 fyrir tölt, skeið og
fegurð í reið. Ganghæfni Viðars er
afbragð og einkennist af takthreinum
gagntegundum með háum fótaburði
og skrefmikilli og jafnvægisgóðri
framgöngu með hvelfda yfirlínu.
Að lokum er rétt að þakka öllu
starfsfólki sýninganna fyrir vel unnin
störf. Hópurinn sem að þessu kemur
er vel þjálfaður og samhentur. Einnig
ber að þakka fyrir gott samstarf við
staðarhaldara á hverjum stað en það
er ómetanlegt hvað þeir hafa sýnt
mikinn áhuga og metnað til að hafa
alla aðstöðu sem besta. Sömuleiðis
ber að þakka sýnendum, ræktendum
og eigendum fyrir gott samstarf.
Magni frá Suðlum, knapi Haukur Baldvinsson Valíant frá Garðshorni á Þelamörk, knapi Agnar Þór.
Fjöldi
afkvæma Meðalaldur SKÖPULAG HÆFILEIKAR
Spuni frá Vesturkoti 42 6,4 8,16 8,05
Konsert frá Hofi 42 5,9 8,29 8,02
Skýr frá Skálakoti 41 5,4 8,23 8,04
Stáli frá Kjarri 30 7,0 8,05 7,99
Ölnir frá Akranesi 29 6,0 8,25 7,82
Ómur frá Kvistum 27 6,4 8,17 7,91
Draupnir frá Stuðlum 25 5,0 8,21 7,91
Arion frá Eystra-Fróðholti 22 6,3 8,17 8,08
Álfur frá Selfossi 21 6,7 8,00 7,65
Hrannar frá Flugumýri 21 6,3 8,13 8,15
Hringur frá Gunnarsstöðum 21 5,9 8,17 7,89
Trymbill frá Stóra-Ási 19 6,2 8,15 8,07
Skaginn frá Skipaskaga 18 5,2 8,28 7,98
Ljósvaki frá Valstrýtu 16 5,0 8,12 7,72
Jarl frá Árbæjarhjáleigu 15 6,0 8,01 7,92
Fimmtán stóðhestar sem feðra flest sýnd afkvæmi.
Fasteignamiðstöðin Hlíðasmára 17, 201 Kópavogi sími
550 3000 er með til sölu jörðina Vogalækur í  Borgarbyggð.
Bæjarhúsin sem eru í misjöfnu ástandi standa á hól á bakka
Vogalækjarins. Land Vogalækja sem er talið vera 239 hektarar
þar af ræktað land samkvæmt Þjóðskrá um 13,8 hektarar og
liggur að landi Hofstaða að norðan. Að austan eru merki á
mót Smiðjuhólsveggjum,  en að sunnan er land Sveinsstaða.
Á norðurmörkum jarðarinnar er stórt vatn nefnt Heyvatn um
208 hektarar að stærð. Ábúandi hafði undanfarinn ár rekið
búvélaverstæði að Vogalæk og hefur engin hefðbundin búskapur
verið stundaður  þar undanfarinn ár en tún nytjuð. Jörðin er án
bústofns véla og án framleiðsluréttar.
Nánari upplýsingar gefur Magnús Leópoldsson,
lögg. fasteignasali magnus@fasteignamidstodin.is
sími 550 3000 eða 892 6000
Sagan af ósvífnustu fjársvikurum
landsins sem settust að í
Gaulverjabæ í Flóa fyrir 100
árum síðan, sviku bændur um
allt Suðurland og flógu þá inn
að skyrtunni. Margir misstu
aleiguna og sumir lífið. Þeir Jón
Magnússon, Björn Gíslason og
Erasmus Gíslason skildu eftir sig
sviðna jörð og stærsti sparisjóður
landsins varð gjaldþrota. Hvernig gat þetta gerst?
„Ævintýraleg saga sögð á skýran og skeleggan hátt.“ Inga
Lára Baldvinsdóttir sagnfræðingur.
„Frábærlega vel skrifuð bók.“ Jón Þ. Þór sagnfræðingur.
Bókin er vel myndskreytt. Fæst aðeins hjá útgefanda.
Sími 861-6678. jonmivars@gmail.com
Heimsend frítt um land allt.
Í skugga
Gaulverjabæjar
höfundur: Jón M. Ívarsson
Ráðgjafarmiðstöð landbúnaðarins
516-5000 | rml@rml.is | www.rml.is
Sauðárbændur athugið!
Við sérhæfum okkur í þinni starfsemi
Vegna vinnu við endurbætur á prentuðum vorbókum verða
vorbækurnar að óbreyttu ekki sendar út nú í nóvember og desember
heldur þegar ný útgáfa af þeim verður tilbúin snemma á næsta ári.
Ef þið óskið hins vegar eftir að fá vorbók á venjulegum tíma, og þá án
breytinga, er hægt að hringja í aðalnúmer okkar, 516-5000, láta vita á
næstu starfsstöð eða senda tölvupóst í sk@rml.is.
Við biðjumst velvirðingar á því ef þessar breytingar kunna að valda
einhverri röskun en í staðinn vonumst við til að uppfærð útgáfa
vorbókarinnar nýtist vel í framtíðinni.
Sjá nánar á heimasíðu okkar, www.rml.is.