Bændablaðið - 01.12.2022, Blaðsíða 26

26 Bændablaðið | Fimmtudagur 1. desember 2022
LÍF&STARF
Að sýna hross yfir 9,00 fyrir
hæfileika er draumur flestra
atvinnumanna og sýnenda
kynbótahrossa.
Hans Þór Hilmarsson upplifði
þann draum á Landsmótinu í
sumar þegar hann sýndi Sindra
frá Hjarðartúni í 9,38 fyrir
hæfileika, sem er jafnframt hæsta
hæfileikaeinkunn sem gefin hefur
verið íslenskum hesti í kynbótadómi
frá upphafi.
„Sindri er með einstakt geðslag
og frábærar gangtegundir. Það sem
er sérstakt við hann er kannski
fyrst og fremst þetta fjaðurmagn
og léttleiki sem hann hefur á tölti
og brokki en samt með þetta rými
sem hann býr yfir. Það er kannski
það sem skilur hann frá mörgum
öðrum góðum hestum sem maður
hefur verið með,“ segir Hans en ef
skoðaðar eru umsagnir Sindra fyrir
eiginleikana í hæfileikadómi má
sjá orðunum léttstígt, ferðmikið,
takthreint og mýkt bregða ansi oft
fyrir.
Úthugsuð sýning
Þegar hross sýna svo mikil afköst
þarf að passa vel upp á þau og
varast að fara ekki fram úr þeim.
Að baki svona sýningum eru ófáar
þjálfunarstundir og mikilvægt er að
hesturinn sé líkamlega og andlega
tilbúinn í verkefni sem þetta.
„Í þessu tilviki var ég búinn að
setja upp og taka nokkrar æfingar þar
sem við fórum yfir hvernig ég ætlaði
að stilla sýningunni upp. Hvaða
gangtegundir hjálpuðu okkur yfir
í næstu gangtegundir og alls konar
þannig pælingar. Ég t.d. ákvað að
byrja á töltinu og klára það af, bæði
upp á fyrstu hughrif hjá dómurunum
og svo líka að það er þægilegt að
stilla hann inn á töltið. Ég var líka
búinn að ákveða að taka skeiðið á
eftir brokki, þar sem hann fær að
vera lægri og koma með bakið upp
og ég vissi líka að ég vildi koma
fetinu inn fyrir skeiðið til að hann
fengi aðeins andrými.“
Vallaraðstæður breyttust
Allar þessar æfingar áttu eftir
að skila þeim Hansa og Sindra
stóru tölunum. Fyrir sýninguna á
Landsmótinu tóku þeir félagar eina
æfingu á vellinum og ákvað Hansi
að ríða honum með léttari hlífar
en hann hafði gert áður þar sem
aðstæður á vellinum voru þannig.
Daginn sem hann sýnir svo Sindra
höfðu aðstæður þó breyst, það hafði
mikið rignt og brautin var orðin
mýkri.
„Það var ekki rétt hjá mér að ríða
honum á þessum hlífum. Ég fann
það strax í fyrstu ferðinni þegar ég
kom ríðandi inn á á tölti að hann
var ekki eins góður og hann gæti
verið. Ég vissi því að ég ætti inni
fyrir yfirlitið og ætti auðveldlega að
geta sótt hálfan punkt á tölti, en fyrir
yfirlitið var hann með 9,0 fyrir tölt.“
Hans og Sindri bættu þó heldur
betur í á yfirliti. Þeir sóttu þennan
hálfa sem Hansa fannst vanta á töltið
og hækkuðu einkunnirnar fyrir skeið
og fegurð í reið. Þeir enduðu með
þrjár tíur í farteskinu; 10 fyrir skeið,
10 fyrir samstarfsvilja og 10 fyrir
brokk en þeir höfðu fengið þær
einkunnir fyrir yfirlit.
Vildi sækja hálfan punkt
„Markmiðið á yfirlitinu var að sækja
þennan hálfa punkt á tölti sem ég
vissi að við áttum. Mig langaði
síðan að reyna við skeið og fegurð
í reið. Það var uppleggið á yfirlitinu.
Ég átti ekkert endilega von á því að
allar þessar dýrmætu einkunnir ættu
eftir að falla.
Ég átti alveg von og markmiðið
var að komast yfir 9,0 fyrir
hæfileika en ég átti ekki von á svona
tölu. Maður er nú ekki alveg það
ruglaður að gera sér vonir um að
ríða í 9,30 og eitthvað,“ segir Hansi.
Eftir sýninguna á yfirlitinu tók
við smá bið eftir að lesnar voru upp
hækkanir sem höfðu átt sér stað í
hollinu þeirra. Það mátti skynja
spennuþrungið andrúmsloftið en
áhorfendabrekkan var á iði og þegar
lesnar voru upp hækkanirnar brutust
út mikil fagnaðarlæti enda var þetta
sannkölluðu gæsahúðarsýning.
Stefna á Landsmót 2024
„Mér leið mjög vel allan tímann
sem ég sýndi hestinn. Ég hafði á
tilfinningunni þegar ég reið úr braut
eftir yfirlitið að eitthvað væri að
fara að gerast. Andrúmsloftið eftir
síðustu ferðina var bara þannig.
Það helltist yfir mann hálfgerð
geðshræring þegar tölurnar voru
lesnar upp. Rugl augnablik sem
maður er þakklátur að fá að upplifa.“
Hansi og Sindri stefna nú á
keppnisbrautina og ætla sér að mæta
firnasterkir til leiks í A flokkinn á
Landsmóti hestamanna 2024.
Dómur Sindra frá Hjarðartúni
Sköpulag Hæfileikar
Höfuð 8,5
Vel borin eyru
- Skarpt/þurrt -
Svipgott
Tölt 9,5
Mjúkt - Léttstígt - Há fótlyfta
- Góð skreflengd - Ferðmikið -
Framhátt - Takthreint
Háls/herðar/bógar 8
Meðal
hálssetning -
Langur - Klipin
kverk -
Góð yfirlína
Brokk 10
Fjaðrandi - Léttstígt
- Há fótlyfta - Skrefmikið -
Svifmikið - Ferðmikið - Öruggt
- Takthreint
Bak og lend 8,5 Jöfn lend Skeið 10 Ferðmikið - Sniðgott - Öruggt
- Taktgott - Jafnvægisgott
Samræmi 8,5 Léttbyggt -
Hlutfallarétt Greitt stökk 8,5 Ferðmikið
Fótagerð 8 Þurrir fætur Hægt stökk 8
Réttleiki 8 Samstarfsvilji 10
Mikil framhugsun - Mikil
þjálni - Yfirvegun - Vakandi -
Samstarfsfús
Hófar 8,5 Þykkir hælar - Vel
lagaðir Fegurð í reið 9,5 Mikill fótaburður - Léttleiki -
Framhátt - Mýkt
Prúðleiki 8 Fet 7,5
Sköpulag 8,28 Hæfileikar 9,38
Hægt tölt 9 Há fótlyfta - Afar mjúkt
Hæfileikar án skeiðs 9,26
Aðaleinkunn án skeiðs 8,92
Hulda Finnsdóttir
hulda@bondi.is
Hestamennska:
Upplifði
drauminn
Hans Þór Hilmarsson upplifði þann draum á Landsmótinu í sumar þegar hann sýndi Sindra frá Hjarðartúni að fá
9,38 fyrir hæfileika, sem er jafnframt hæsta hæfileikaeinkunn sem gefin hefur verið íslenskum hesti í kynbótadómi
frá upphafi. Mynd / Aðsend
Aðaleikunn 8,99
Hans Þór tekur við viðurkenningu á Hrossarækt 2022. Með honum eru Sveinn
Steinarsson, formaður deildar hrossabænda, og Heiðrún Ósk Eymundsdóttir,
varaformaður. Mynd /GB1
bondi@byko.is
Stöðluð stálgrindarhús
Stærðir: 80m², 150m², 250m² og 350m²
Stálgrindin er heitgalvaniseruð og er
sérsmíðuð fyrir íslenskar aðstæður. Húsin
standast mestu snjó-og vindálagskröfur
sem gerðar eru í byggð á Íslandi og henta
því sem geymslu-og vélaskemmur í öllum
landshlutum. Húsin eru klædd 60mm PIR
yleiningum á veggi og 80/125mm yleiningum á
þök. Mögulegt er að velja liti á klæðningarnar.
Húsunum fylgja allar nauðsynlegar teikningar
til að fá byggingarleyfi ásamt teikningum
af grunni og vinnuteikningum. Einnig fylgir
keyrsluhurð, einn gluggi og tvær gönguhurðir.
Reyklosunargluggar eru á þaki sem hleypa
inn birtu.
á hagstæðu verði