Arkitektúr og skipulag - 01.08.1992, Blaðsíða 28

höfn og höfundur mótuðu
sameiginlega þau markmið, er réðu
hönnun hússins.
Þau má draga saman í eftirfarandi
atriði:
1. Þegar byggt er fyrir aldraða með
stuðningi af almannafé, skal gæta
ýtrustu hagsýni.
2. Hagsýni ræður stærð og munaði.
3. Það sem best getur bætt upp
takmarkaða stærð er íverugildi.
4. Iverugildi íbúðar byggist á með-
ferð rýmis, efnis, ljóss og lita, þ.e.
„arkitektúr”.
5. Iverugildi íbúðar sem er tak-
mörkuð að stærð og hófleg að
munaði má bæta með kostum í
félagsaðstöðu og umhverfi.
6.1 félagsaðstöðu þarf að geta farið
fram fjölbreytileg starfsemi. Starf-
semi sem örvar samskipti íbúanna
innbyrðis en gefur jafnframt
ákjósanlegan snertiflöt við um-
heiminn.
7. Umhverfi þarf að vera íburðar-
laust og aðlaðandi. Aherslu má
leggja á að menn geti haft „útivist”
óháð illviðrum.
MÓTUN
Til þess að nálgast markmið
byggingarnefndar varð stærð íbúða
tveggjaog þriggja herbergja, á bib
inu 55 til 65 mA Byggingarefni eru
öll vel þekkt, þak með vatnshalla
og veggir steinsteyptir, gluggar
næstum því hefðbundnir. Helsta
frávik er hleðslugler í gangvegg og
lítill loftræstikúpull yfir hverri íbúð
miðri. Gangurinn að íbúðunum er
með þaki úr plasti, er hleypir góðri
birtu niður. Hann líkist því fremur
skjólgóðri götu heldur en hefð-
bundnum gangi. Ibúðarálmum er
skotið lítillega til, innbyrðis, en við
það dregur nokkuð úr rangalavirkni,
sem hætt væri við annars.
26