Tímarit hjúkrunarfræðinga - 2021, Síða 52

52 Tímarit hjúkrunarfræðinga | 2. tbl. 97. árg. 2021
Fagdeild stjórnenda
innan Félags íslenskra
hjúkrunarfræðinga er
nú orðin Fagdeild um
forystu í hjúkrun
Frá stjórn Fagdeildar um forystu í hjúkrun til
allra hjúkrunarstjórnenda og leiðtoga í hjúkrun
Fagdeild um forystu í hjúkrun,
sem hét áður Fagdeild
stjórnenda innan Félags
íslenskra hjúkrunarfræðinga,
hefur auk nafnbreytingar
endurskoðað markmið sín
og það hverjum fagdeildin er
opin. Tillögur að breytingum
voru lagðar fyrir aðalfund
fagdeildarinnar 13. apríl sl. og
voru þær samþykktar einróma.
Með breytingunum færir fagdeildin sig nær
nútímastjórnun og forystu í hjúkrun þar sem
ekki er eingöngu lögð áhersla á hlutverk þeirra
sem gegna formlegum stjórnunarstörfum
heldur litið til hjúkrunarfræðinga í fjölbreyttum
störfum stjórnenda og leiðtoga í heilbrigðis- og
velferðarmálum. Breytingarnar eru í anda þess
sem Alþjóðaráð hjúkrunarfræðinga (ICN) hefur
boðað síðustu ár, þar sem unnið er að því að efla
alla hjúkrunarfræðinga sem leiðtoga, og ábendinga
Alþjóðaheilbrigðisstofnunarinnar (WHO) um
mikilvægt leiðtogahlutverk hjúkrunarfræðinga í
heilbrigðisþjónustu um víða veröld.
Texti: Helga Bragadóttir, f.h. stjórnar Fagdeilar um forystu í hjúkrun.
Fagdeild