Gátt - 2004, Blaðsíða 82

82
F R Æ Ð S L U M I Ð S T Ö Ð A T V I N N U L Í F S I N S
Samkvæmt samningi Fræðslumið-
stöðvar atvinnulífsins við mennta-
málaráðuneytið er meginmarkmið
hennar að veita fólki á vinnumarkaði
með litla grunnmenntun tækifæri til
að afla sér menntunar og bæta stöðu
sína á vinnumarkaði. Náms- og
starfsráðgjöf er mikilvægt tæki til að
aðstoða og hvetja fólk til að bæta
stöðu sína á vinnumarkaði m.a. með
námi. Mikilvægt hlutverk ráðgjafar
felst einnig í því að stuðla að því að
mannauður á vinnumarkaði og
menntun nýtist sem best með því að tefla saman áhuga
og færni einstaklinga annar vegar og starfs- og náms-
tækifærum hins vegar. Fræðslumiðstöð mun með
verkefnum sínum stuðla að uppbyggingu náms- og
starfsráðgjafar fyrir fólk á vinnumarkaði með litla grunn-
mentun.
Þetta er í samræmi við þær umræður og þá stefnumótun
sem undanfarin ár hefur verið að ryðja sér til rúms á
alþjóðlegum vettvangi. Í Kaupmannahafnaryfirlýsingunni
2002 er lögð áhersla á að efla upplýsingagjöf og ráðgjöf
sérstaklega varðandi aðgengi að námi, starfsmenntun og
starfsþjálfun ásamt viðurkenningu á færni í því skyni að
gera hana gagnsæja og gilda á milli landa. Alþjóðlega
vinnumálastofnunin (ILO) gaf út þau tilmæli á ráðstefnu
1. júní 2004 í Genf að til þess að skapa jöfn tækifæri og
aðgengi að námi þarf náms- og starfsráðgjöf ásamt
möguleikum á uppbyggingu færni að vera fyrir hendi fyrir
alla einstaklinga á vinnumarkaði (www.ilo.org Ref: ILC92-
PR20-261). Stofnunin mælir enn fremur með því að aðild-
arríki beiti sér fyrir að tryggja og auðvelda aðgengi ein-
staklinga í öllum aldurshópum að náms- og starfsráðgjöf.
Í þessu felst m.a. þörf fyrir að auðvelda aðgengi að
upplýsingum um nám og störf og að hagsmunaaðilar (s.s.
vinnumiðlanir, fræðsluaðilar og stéttarfélög) skilgreini
hlutverk sitt og ábyrgðarsvið hvað varðar náms- og
starfsráðgjöf.
Námsráðgjöf á vinnustað
Í samstarfi við Eflingu – stéttarfélag, Starfsafl – Starfs-
mennt Samtaka atvinnulífsins og Flóabandalagsins, og
Mími – símenntun hefur Fræðslumiðstöð atvinnulífsins
unnið að verkefni sem gengur út á að færa ráðgjöf nær
fólki á vinnumarkaði. Náms- og starfsráðgjafar frá
Fræðslumiðstöðinni og Mími-símenntun hafa sl. ár haft
umsjón með því að skipuleggja og veita námsráðgjöf á
vinnustöðum. Í þessu verkefni er lögð áhersla á að mæta
starfsmanninum í hans umhverfi og útfrá hans forsendum.
Vinnuferli
Ferlið gengur þannig fyrir sig að í upphafi er haft sam-
band við fyrirtæki og verkefnið kynnt. Lögð er áhersla á
að ekki sé verið að hvetja starfsmenn til að skipta um
starf heldur að kynna fyrir þeim þær leiðir sem umhverfið
hefur upp á að bjóða hvað varðar uppbyggingu á færni og
þekkingu. Kynningarefni með upplýsingum um verkefnið
er dreift á vinnustaðnum (veggspjöld og bæklingar). Á
kynningarfundi fyrir starfsmenn kynna náms- og starfs-
ráðgjafar verkefnið fyrir starfsmönnum, lýsa því hvað
ráðgjöfin felur í sér og fjalla stuttlega um gildi símenntun-
ar fyrir einstaklinginn. Í lok kynningar er starfsmönnum
boðið að skrá sig í hálftíma viðtal hjá ráðgjafa. Fyrsta
viðtalið fer fram á vinnustað á vinnutíma. Ef starfsmaður
kýs að koma í annað viðtal þarf hann að gera það í eigin
tíma. Hlutverk náms- og starfsráðgjafanna felst m.a. í því
að leiðbeina starfsmönnum við að skilgreina markmið í
tengslum við nám og störf og finna leiðir að þeim.
Vinnustaðir
„Námsráðgjöf á vinnustað“ hefur nú þegar verið veitt í 8
fyrirtækjum en um 100 starfsmenn úr 12 fyrirtækjum hafa
komið í einstaklingsviðtöl. Starfsumhverfi fyrirtækja er
mjög fjölbreytt og fyrir hvert þeirra hafa ráðgjafar í
samráði við aðila fyrirtækisins þurft að finna hentugar
leiðir til að nálgast starfsmennina. Ráðgjafar hafa hitt
starfsmenn við ýmiss konar aðstæður á kaffistofum
þeirra, skrifstofum, í setustofum og á göngum vinnustaða.
Fjóla María Lárusdóttir
N Á M S - O G S T A R F S R Á Ð G J Ö F
Þ R Ó U N R Á Ð G J A F A R Á V I N N U S T Ö Ð U M