Gátt - 2004, Side 91

91
F R Æ Ð S L U M I Ð S T Ö Ð A T V I N N U L Í F S I N S
Upplýsinga er aflað með símaviðtölum. Þegar látnir og
búsettir erlendis hafa verið dregnir frá er svarhlutfall 85-
90% en það telst hátt svarhlutfall miðað við aðrar úrtaks-
kannanir hér á landi.
Starfandi
Venjulega eru þátttakendur í vinnumarkaðskönnun
Hagstofunnar spurðir um atvinnuþátttöku í fyrstu viku
apríl og í fyrstu viku nóvember, áður en sumarvinna hefst
og eftir að henni er lokið.
Til starfandi fólks teljast svarendur sem höfðu
A. starfað a.m.k. eina klukkustund í viðmiðunarvikunni.
B. verið fjarverandi frá starfi sem það er ráðið til.
Að meðaltali voru 157.400 manns starfandi árin 2000-
2002. 62% þeirra búa á höfuðborgarsvæðinu en 38% utan
þess. Konur eru 47% starfandi fólks en karlar 53%.
Athygli vekur munur á stöðu karla og kvenna með grunn-
menntun og karla og kvenna með sérskólamenntun.
Starfandi konur með grunnmenntun eru um 45% fleiri en
starfandi karlar með grunnmenntun. Karlar með sér-
skólamenntun eru hins vegar 150% fleiri en konur með
sérskólamenntun.
Svarandi telst vera í fullu starfi ef hann vinnur að jafnaði
35 klst. eða meira á viku. Hann telst vera í hlutastarfi ef
hann vinnur 1-34 klst. að jafnaði á viku.
Eins og sjá má af töflunni hér fyrir neðan eru konur mun
líklegri en karlar til að vera í hlutastarfi. Konur með
grunnmenntun, starfsnámskeið eða gagnfræðapróf eru
22% starfandi fólks en karlar 20%. Um 45% kvennanna
eru í hlutastarfi en fjórðungur karlanna.
Starfandi eft i r menntun
Í vinnumarkaðskönnun Hagstofunnar er spurt um hæstu
prófgráðu þátttakenda. Flokkarnir grunnmenntun og
framhaldsskólamenntun eru nánar skilgreindir svona:
Hæsta prófgráða Alls Konur Karlar Höfuðb- Utan
svæði hbsv.
Grunnmenntun . . . . . . . . . . 26% 16% 11% 14% 12%
Starfsnámskeið/gagnfræðapróf . . 15% 6% 9% 8% 7%
Framhaldsskólamenntun . . . . . 28% 13% 15% 18% 10%
Sérskólamenntun . . . . . . . . . 14% 4% 10% 9% 5%
Háskólamenntun . . . . . . . . . 16% 7% 9% 13% 4%
Samtölur 100% 47% 53% 62% 38%
Heimild: Hagstofa Íslands
Konur Karlar
Hæsta prófgráða Hlutastarf Fullt starf Hlutastarf Fullt starf Alls
Grunnmenntun . . . . . . . . . . . 8% 8% 3% 8% 26%
Starfsnámskeið/gagnfræðapróf . . 2% 4% 1% 8% 15%
Framhaldsskólamenntun . . . . . . 6% 7% 2% 13% 28%
Sérskólamenntun . . . . . . . . . . 2% 2% 0% 10% 14%
Háskólamenntun . . . . . . . . . . 2% 6% 1% 8% 16%
Samtölur 20% 27% 6% 47% 100%
Heimild: Hagstofa Íslands