Gátt - 2014, Side 32

32
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
ALEKsANdrA ChLipAłA og sóLBorg jóNsdóttir
G R e I N I N G Á S T A R F S M e N N T U N P ó L S K R A
A T V I N N U L e I T e N d A
Haustið 2013 stóð Mímir-símenntun fyrir rafrænni
könnun um starfsmenntun pólskra atvinnuleitenda á
Íslandi. Verkefnið var styrkt af mennta- og menningar-
málaráðuneytinu í gegnum sjóðinn Nám er vinnandi
vegur. Samstarfsaðili í könnuninni var Vinnumála-
stofnun. Aleksandra Chlipała sá um framkvæmd könn-
unarinnar og úrvinnslu hennar í samstarfi við Sólborgu
Jónsdóttur.
Markmiðið með könnuninni var að kortleggja
starfsmenntun pólskra atvinnuleitenda og kanna áhuga
meðal þeirra á frekari starfsmenntun á Íslandi. Niður-
stöðurnar er hægt að nýta til að þróa starfs mennta-
úrræði og raunfærnimat sem hentar markhópnum.
Pólverjar eru stærsti hópur nýrra íbúa landsins. Starfs-
menntun í Póllandi er af mjög fjölbreyttum toga og alls ekki allt sem er í boði þar er til á Íslandi. Það hefur því
stundum reynst Pólverjum erfitt að fá menntun sína og starfsreynslu metna hér á landi. Með því að kortleggja
þessa menntun og kynna hana verður hún vonandi sýnilegri og auðveldara að bera hana saman við íslenska
menntakerfið og íslenskan vinnumarkað. Vonandi verður það til þess að auka möguleika innflytjenda til fjöl-
breytts starfsnáms og til að efla raunfærnimat.
Sólborg JónsdóttirAleksandra Chlipała
F R A M K V Æ M d
Úrtakið var 1.540 einstaklingar sem höfðu verið á atvinnu-
leysisskrá í sex mánuði eða lengur á tímabilinu 1. janúar
2010 til 31. desember 2012. Könnunin var nafnlaus og
fengu 1.340 einstaklingar sendan tölvupóst með tengli á
rafræna könnun. Hvatning til að taka þátt var send tvisvar
sinnum með sms-skilaboðum en einnig var hringt í 30 ein-
staklinga sem höfðu ekki tölvupóst og þeim boðið að taka
þátt. Spurningarnar voru á pólsku og voru niðurstöður ekki
persónugreinanlegar. Alls 258 manns svöruðu könnuninni,
eða 19,3%. 26 einstaklingar neituðu þátttöku eða 1,94%.
Þótt svarhlutfall geti talist lágt er það mat greinarhöfunda að
niðurstöðurnar gefi góðar vísbendingar um bæði menntunar-
stig og þá tegund starfsmenntunar sem pólskir innflytjendur
á Íslandi búa yfir.
Spurningarnar voru alls 13. Spurt var um:
1. Kyn
2. Aldur
3. Menntun
4. Starfsheiti
5. Starfsreynslu (alla reynslu lengri en 6 mánaða)
6. Áhuga á að taka þátt í starfstengdu námi
7. Hvers konar starfstengdu námi væri áhugi fyrir
8. Áhuga á að taka þátt í tungumálanámskeiði
9. Hvers konar tungumálanámskeiði væri áhugi fyrir
10. Hvort viðkomandi hefði unnið við sína starfsgrein á
Íslandi
11. Hvort viðkomandi ynni núna á Íslandi
12. Kunnáttu í íslensku (sjálfsmat)
13. Gefinn var möguleiki á athugasemdum og spurn-
ingum frá þátttakendum.