Gátt - 2014, Page 83

83
F r Æ Ð s L U M i Ð s t Ö Ð A t V i N N U L Í F s i N s
g á t t – á r s r i t – 2 0 1 4
N Á M S K e I Ð I Ð
Sem fyrr greinir hófst námskeiðið í lok janúar 2014 og var
það í höndum kennara Promenntar, verkefnastjóra Fjöl-
menntar og einhverfuráðgjafa. Námskrá Promenntar fyrir
námið Tölvuviðgerðir – CompTIA A+ var lögð til grundvallar
án mikillar aðlögunar en með þeim stuðningi og eftirfylgd
sem hópurinn þurfti. Meginviðfangsefni námskeiðsins var
fræðileg og verkleg kennsla í að setja saman tölvu, bilana-
greina, stilla vélbúnað og stýrikerfi og þekkja helstu íhluti og
hugtök sem fylgja tölvubúnaði. Nemendur urðu sex talsins
eins og að var stefnt, fimm karlar og ein kona. Mæting var
einstaklega góð og ekkert brottfall var úr hópnum.
Í upphafi var áætlað að námskeiðið yrði kennt einu sinni
í viku í átta vikur, fjórar kennslustundir í senn. Þegar líða tók
á námskeiðstímann var ljóst að nemendahópurinn hafði allar
námslegar forsendur til að ljúka þátttöku sinni með alþjóð-
legu prófi. Til þess að það gæti orðið var nauðsynlegt að
lengja námskeiðið um fjórar vikur eða 16 kennslustundir svo
hægt væri að fara yfir allt það námsefni sem undirbúningur
fyrir prófið krafðist. Hópurinn sýndi því mikinn áhuga og
var því sótt um aukafjárveitingu til verkefnisins. Fjárveiting
fékkst og lauk hópurinn tilskyldum kennslustundafjölda.
Stuðningi við nemendur á námskeiðinu var þannig
háttað að verkefnastjóri frá Fjölmennt sat allar kennslu-
stundir, nemendum og kennara til aðstoðar. Á þann hátt
gat verkefnastjóri fylgt eftir því sem kennari var að leggja
fram á einstaklingsmiðaðan hátt – fylgst með og boðið fram
stuðning ef á þurfti að halda. Að auki var verkefnastjóri í
samskiptum við nemendur og aðstandendur þeirra á nám-
skeiðstímanum til þess að miðla upplýsingum og gera grein
fyrir framgangi mála.
e F T I R F y L G d o G M A T Á N Á M -
S K e I Ð I
Eftir að námskeiðinu lauk var öllum nemendum boðið upp
á viðtal með eða án aðstandenda og sáu einhverfuráð-
gjafi og verkefnastjóri um að leiða þau. Tilgangur þeirra
var þríþættur; að fá fram skoðun nemenda á námskeiðinu,
að hvetja þá til þess að fara í próf og í þriðja lagi að ræða
hvernig þeir gætu nýtt sér þekkinguna til frekara náms eða
atvinnu. Í viðtalinu lögðu nemendur drög að undirbúningi
sínum fyrir prófið, hvernig stuðning þeir þyrftu og settu sér
markmið sem gætu einfaldað þeim prófundirbúninginn. Skyldi þetta virka?
Sýnikennsla hjá Pétri kennara.
Að gera tilraunir.