Gátt - 2014, Qupperneq 104

104
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
FA. Markmiðið er að þróa viðmið sem henta til úttektar líkt
og EQM viðmið fyrir fræðslu. Tilraunaútgáfa með endur-
skoðuðum gæðaviðmiðum fyrir náms- og starfsráðgjöf hefur
verið send til fræðslu- og símenntunarmiðstöðva í þeim til-
gangi að þeir geti metið starfsemi sína út frá viðmiðunum
og gert úrbætur ef þörf krefðist og þannig undirbúið þennan
hluta starfseminnar fyrir gæðaúttekt.
Nýverið hófst tveggja ára verkefni um áframhaldandi
þróun á EQM gæðaviðmiðum fyrir fræðslu. Er verkefnið
styrkt úr Nordplus sjóðnum og unnið í samstarfi við Eista,
Litháa og Norðmenn.
N e M e N d A b ó K H A L d
FA skrifar og gefur út námsskrár sem 13 símenntunarmið-
stöðvar og Félagsmálaskóli alþýðu sjá um kennslu á. Vegna
þessa náms færa samstarfsaðilarnir nemendabókhald í
Námsnetið/MySchool. Einn aðili hefur gert samning við
Fræðslumiðstöð atvinnulífsins þess efnis að FA sjái um
færslu upplýsinga í nemendabókhaldið. 10 símenntunarmið-
stöðvar, Starfsmennt, IÐAN fræðslusetur og Fræðsluskrif-
stofa rafiðnaðarins nota Námsnetið í tengslum við skráningu
og umsýslu gagna um náms- og starfsráðgjöf.
Í framhaldi af úttekt Capacent kom í ljós talsverð gagn-
rýni á kerfið og frekari leiðbeininga þörf enda er starfsemi
samstarfsaðila FA fjölbreytt og notkun þeirra á kerfinu að
sama skapi misjöfn. Ákveðið var að fulltrúi FA ásamt fulltrúa
frá Stúdíu færu og heimsóttu samstarfsaðilana hvern fyrir sig
til að fara yfir reynslu þeirra af kerfinu, fara yfir vinnulag og
skoða hvað mætti betur fara hvað möguleika Námsnetsins
varðar.
M I Ð L U N U P P L ý S I N G A U M S T A R F Á
V e T T V A N G I F R A M H A L d S F R Æ Ð S L U
FA gefur árlega út ritið Gátt, ársrit um framhaldsfræðslu og
kemur það út í tengslum við ársfund Fræðslumiðstöðvar-
innar. Upplýsingum er auk þess miðlað með ýmsum hætti,
meðal annars með kynningarbæklingum, útgáfu námskráa
og dreifingu þeirra, þátttöku í ráðstefnum og móttöku gesta,
bæði innlendra og erlendra.
Starfsemi FA var á tímabilinu september 2013 – ágúst
2014 kynnt fyrir hátt á annað hundrað manns. Þar á meðal
erlendum hópum frá Færeyjum, Noregi, Finnlandi og Ung-
verjalandi og á ráðstefnum á Íslandi og Grænlandi. Umfjöll-
unarefni kynninganna var starfsemi FA, ráðgjöf í raunfærni-
mati, náms- og starfsráðgjöf framhaldsfræðslunnar og
almenn starfshæfni.
N Á M S e F N I S G e R Ð
Í þjónustusamningi MRN við FA er ákvæði um að FA vinni að
verkefnum tengdum námsefnisgerð eftir því fjármagn leyfir.
Á tímabilinu hefur verið unnið að frekari þróun Mæli-
stiku FA um gæði námsefnis, veitt ráðgjöf um námsefnisgerð
fyrir markhópinn og leiðbeint þeim sem vilja útbúa námsefni
á grundvelli námsskráa FA fyrir framhaldsfræðslu.
N ý I R H ó P A R Í F R A M H A L d S -
F R Æ Ð S L U
FA er ætlað að undirbúa aðkomu nýrra hópa að framhalds-
fræðslu. Ekki er um stóra hópa að ræða, þar sem allur þorri
fólks sem ekki hefur lokið framhaldsskóla er á vinnumarkaði
eða í atvinnuleit.
Síðsumars hófst vinna að umsókn um styrk til verkefnis í
náms- og starfsráðgjöf þar sem reynt verður að ná til þeirra
hópa sem verst eru staddir. Unnið var að umsókn í Erasmus
áætlunina, stefnumótunarflokk, undir forystu Belga. Í sumar-
lok barst staðfesting á að umsóknin hefði komist áfram inn í
næsta skref þ.e. að fullgera umsókn.
Í undirbúningi er að skoða aðstæður fanga sérstaklega.
Upplýsingar benda til að stór hluti fanga sé markhópur fram-
haldsfræðslulaga. Fyrstu skrefin voru tekin með því að tveir
starfsmenn sóttu ráðstefnu sem haldin var í Kaupmannahöfn
í september.
N o R R Æ N T T e N G S L A N e T U M N Á M
F U L L o R Ð I N N A ( N V L )
NVL (Norrænt tengslanet um nám fullorðinna) er verk-
efni starfrækt á vegum Norrænu ráðherranefndarinnar.
Mennta- og menningarmálaráðuneytið hlutaðist til um það
að FA tæki að sér að vista NVL á Íslandi og er Sigrún Kristín
Magnúsdóttir tengiliður fyrir Íslands hönd. Lesa má nánar
um starfsemi NVL í greininni Norrænt tengslanet um nám
fullorðinna í þessu riti.