Þingtíðindi Alþýðuflokksins - 29.11.1952, Page 21

fögnum við gestkomu hans nú, sem fulltrúa fyrir
bræðraflokk okkar í Danmörku, þann flokk, sem við
höfum frá upphafi samtaka okkar, haft náið samband
við og notið þaðan vinsemdar og góðs skilnings. Frá
Danmörku bárust fyrstu frækornin, sem sáð var í ís-
lenzkan akur, og upp af þeim spratt flokkur okkar. Við
hyllum hinn ágæta flokk Staunings og Hedtofts, þökk-
um honum fyrir ágætt samstarf, og þá fyrirmynd, sem
hann hefir gefið samtökum okkar.
Um leið og við þökkum flokksbróður okkar, Carl P.
Jensen, fyrir komuna, biðjum við hann að bera Alþýðu-
flokki Danmerkur beztu kveðjur flokksþingsins og árn-
aðaróskir, og bið ég fultrúa og gesti að standa upp því
til áréttingar.
Frá því að flokksþing var haldið fyrir 2 árum og
síðasti flokksstjórnarfundur fyrir einu ári síðan, hafa
margir menn úr alþýðuhreyfingunni fallið í valinn,
ekki einungis af eldri kynslóðunum, heldur einnig þeir,
er voru á miðjum aldri og stóðu mitt í vandasömum
störfum og striti fyrir hreyfinguna. Þetta á ekki ein-
ungis við um íslenzk flokkssystkin okkar, heldur einnig
um erlendar hetjur á sama vettvangi. Og þar sem sam-
tök jafnaðarmanna, hvar sem er í heiminum, eru bæði
þjóðleg og alþjóðleg, er vissulega ærin ástæða til þess
að minnast einnig hetjanna, sem hnigið hafa á erlend-
um vettvangi. Eg vil leyfa mér að minnast alveg sérstak-
lega tveggja erlendra forystumanna jafnaðarmanna, sem
nýlega eru fallnir frá.
Einn af fremstu forystumönnum franska alþýðu-
flokksins Salomon Grumbach er nýlega látinn, nokkuð
við aldur. Hann var Evrópuþekktur fræðimaður jafn-
19