Þingtíðindi Alþýðuflokksins - 29.11.1952, Side 65

legt, að þessar kosningar hafa valdið nokkru missætti
innan sumra stjórnmálaflokka. Það er kunnugt, að ein-
um manni var vikið úr kommúnistaflokknum fyrir þær
sakir að hafa beitt sér gegn og andæft afstöðu forystu-
mannanna sumra og aðalflokksblaðsins gegn Ásgeiri
Ásgeirssyni. Meiri rígur og ósamlyndi mun og hafa
risið upp þar í sveit út af forsetakcsningunum.
En mest mun þó hafa gætt átaka og ósamlyndis í
Sjálfstæðisflokknum út af þessu máli. Sumir fremstu
forystumennirnir hafa ekki gleymt né fyrirgefið mörg-
um þeim, er sérstaklega höfðu sig í frammi til stuðn-
ings kosningu Ásgeirs Ásgeirssonar. Þar er ekki gróið
um heilt, hvað sem úr kann að verða, þegar á reynir.
Hver sem áhrif forsetakosninganna kunna að verða,
þá er það víst og áreiðanlegt, að þær ollu verulegu um-
róti og að vissu leyti nýjum straumhvörfum í stjórn-
málalífinu. Margir úr þeirri stóru fylkingu, er stóðu að
kosningu Ásgeirs Ásgeirssonar, hafa fundið, að þeir
gætu átt samleið, ef mikið liggur við. Vera kann að
leiðir sumra kynnu að geta legið eitthvað saman, til
úrlausnar mikilsverðum málum.
Framtíð og horfur.
Hér á undan hefir verið litið nokkuð yfir farinn veg
síðustu tveggja ára, en þó aðeins minnzt á nokkur höfuð-
atriði, er varpa þó nokkru ljósi á veginn. Vona ég, að
einnig sjáist af þessari skýrslu, að stjórn og þingmenn
Alþýðuflokksins hafi leitazt við af fremsta megni og
eftir því sem ástæður frekast leyfa, að framfylgja mark-
aðri stefnu flokksins, og berjast fyrir henni á þeim vett-
vöngum, sem fyrir hendi eru. Vænti ég þess, að það sé
ljóst, að hin góðu málefni ílokksins hafi síður en svo
63