Þingtíðindi Alþýðuflokksins - 29.11.1952, Side 69

Ályktanir og samþykktir.
Þingið samþykkti samhljóða eftirfarandi:
Frumvarp að stjórnmálaályktun frá miðstjóm Al-
þýðuflokksins, flutt af stjórnmálanefnd. Framsögu-
maður: Gylfi Þ. Gíslason.
Næsta sumar kjósa Islendingar til Alþingis. Alþýðu-
flokkurinn vill nú þegar skýra þjóðinni frá því, fyrir
hvaða málum hann mun berjast í þessum kosningum
og hvaða stjórnarstefnu hann vill, að fylgt verði á næsta
kjörtímabili.
Aiþýðuflokkurinn hefur frá upphafi barizt fyrir því,
að samtímis því sem ný og bætt tækni væri tekin í
þjónustu atvinnulífsins væri þjóðfélagsháttum breytt
þannig, að hagsæld almennings ykist sem mest. Islenzk
alþýða á þessari baráttu Alþýðuflokksins margt að
þakka. Fjölmargar þeirra umbóta, sem náð hafa fram
að ganga síðast liðinn aldarfjórðung, voru í fyrstunni
og lengi vel baráttumál Alþýðuflokksins eins.
Ennþá ríkir mikill ójöfnuður og margskonar órétt-
læti í þjóðfélaginu. Baráttunni fyrir heilbrigðari þjóð-
félagsháttum verður því að halda áfram með öflugri
einhuga sókn, þar til marki er náð.
Undanfama tvo áratugi hefur Alþýðuflokkurinn átt
fulltrúa í ýmsum ríkisstjórnum í því skyni að tryggja
67