Úrval - 01.11.1965, Qupperneq 113

MAÐURINN, SEM ENGINN ÞEKKIR
111
Þeir höfðu aldrei áður kynnzt
slíkum tíguleik og slíkri hugar-
ró. Enda þótt þeir væru reyndir
hermenn, hopuðu þeir undan og
sumir féllu til jarðar.
„Ég sagði yður, að ég væri hann;
ef þér því leitið að mér, þá látið
þessa fara.“ En hann þurfti ekki að
hafa áhyggjur af lærisveinunum •—
þeir voru þegar flúnir. Allir höfðu
yfirgefið hann: fyrst fæðingarbær
hans, síðan skyldfólk hans, svo
almenningur og loks hinir ellefu
lærisveinar.
Þeir negldu líkama hans á kross
á hrjóstrugri hæð fyrir utan borgar-
múrana. Tveir ræningjar voru
krossfestir með honum. Brátt var
öllum þjáningum lokið. Múgurinn
hafði satt hefndarþorsta sinn og
dreifðist; vinir hans voru í felum
og hermennirnir vörpuðu hlutkesti
um klæði hans. Óvinir hans virtust
hafa unnið fullnaðarsigur.
Samt sem áður var það hann,
sem sigraði að lokum.
Jesús sagði: „Sá sem týnir lífi
sínu mun finna það.“
mmmm
Það átti að flytja 6 lifandi risakrabba frá Alaska til sjávardýrasafna
í Manchester, Lundúnum og Hamborg. Þegar flugvélin, sem flutti þá,
lenti loks á Orlyflugvellinum við París, voru þeir fluttir í kæligeymslur
hóteleldhússins þar hið skjótasta. Þar ætluðu þeir að eyða nóttunni
og halda síðan áfram fluginu til ákvörðunarstaða sinna næsta dag.
En enginn hafði skýrt matsveini flugvallarhótelsins frá frekari flug-
áætlunum krabbanna, og þvi voru þeir bornir gestum í veitingastofu
hótelsins sem „krabbasalat a facon du chef“.
Tvennt gefur til kynna veikleika.... að þegja, þegar rétt er að tala,
og að tala, þegar rétt er að Þegja. Persneskur málsháttur
Fólk predikar gegn svo mörgum löstum, en ennþá hef ég samt aldrei
heyrt neinn predikarann lýsa yfir vanþóknun sinni á skapvonzkunni.
Goetlie
Skömmu eftir að Peggy Guggenheim opnaði hið umdeilda listasafn
sitt í New York, „List á þessari öld“, fór hjónaband hennar og þýzka
málarans og myndhöggvarans Max Ernst út um Þúfur. Um þann at-
burð varð Peggy Guggenheim orðheppin að vanda. Hún hafði fengið
Ernst til þess að safna saman myndum á sérstaka sýningu, þar sem
sýnd skyldu málverk 31 málara af veikara kyninu. Ernst strauk síðan
burt með einni af listakonunum. Um þetta sagði frú Guggenheim: „Ég
geri mér grein fyrir þvi, að ég hefði bara átt að hafa 30 konur á
sýningunni." Stanley Price