Ársrit um starfsendurhæfingu - 2024, Blaðsíða 41

VIÐTAL
aðila sem hefur verið í þjónustu hjá VIRK og
er að fara aftur út að vinnumarkað.
„Reynslan er góð og virkt samtal í báðar áttir.
Hrafnista hefur verið í samstarfi við VIRK í
langan tíma en síðastliðin tvö ár tókum við
þetta verkefni föstum tökum. Fyrst var VIRK
með frumkvæði í atvinnutengingunni. Síðan
hefur þetta þróast.
Ef við sjáum að það vantar fólk í störf sem
við teljum að henti fyrir þá sem eru að
stíga aftur inn á vinnumarkaðinn þá hefur
mannauðsteymið og stjórnendur á Hrafn-
istu haft frumkvæði að því að leita til VIRK
áður en starfið er auglýst. Upplifunin að
þessu er bara win-win ef svo má segja –
þessi samskipti hafa reynst okkur vel sem
fyrirtæki.“
Þær Freyja og Sigrún benda á að kostirnir við
samstarf við VIRK séu ótal margir.
„Vinnumarkaðurinn er þannig að það
eru öll fyrirtæki í baráttu um fólk og þarna
er dýrmætur mannauður sem er í virkri
atvinnuleit og langflestir búnir að fara í
gegnum töluverða sjálfsvinnu. Atvinnu-
lífstenglar VIRK eru í samtali við aðilana og
meta ásamt þeim hvort þeir séu tilbúnir til
að fá sér vinnu. Atvinnulífstenglarnir kynnast
í svona samstarfi fyrirtækjum og átta sig
á því hvað hentar og hvað ekki. Jafnframt
þekkja þeir fólkið og veita því stuðning.
Loks auðveldar þetta fyrirkomulag okkur
ráðningar,“ segja þær stöllur.
Flestir frá VIRK byrja í hlutastarfi
Hvað þarf fólk að hafa til að bera til að fá
vinnu hér?
„Það fer svolítið eftir starfinu. Vissulega er
kostur ef fólk er með menntun sem nýtist
í starfi. Við höfum ráðið inn sjúkraliða og
félagsliða sem koma úr þjónustu hjá VIRK.
Við fáum jafnan sendar ferilskrár tilvonandi
starfsmanns. Þetta hefur undið upp á
sig. Undanfarið höfum við og stjórnendur
fyrirtækisins verið að líta í kringum okkur
eftir heppilegum störfum innanhúss fyrir þá
sem eru að feta sig í vinnu á ný eftir þjónustu
hjá VIRK.
Flestir sem koma hingað frá VIRK byrja
í hlutastarfi en oft ræður fólk sig svo í
framtíðarstarf. Við ráðum fólk inn í að-
hlynningu og höfum líka ráðið inn starfsfólk
frá VIRK í dagvinnustörf hjá Dagdvölinni.
Þangað kemur auk heimilismanna fólk
sem er í eigin búsetu og er hér í virkni yfir
daginn. Í Dagdvölinni getur starfsfólk líka
sinnt hlutavinnu. Í borðsalinn höfum við
einnig ráðið inn fólk frá VIRK sem og dálítið
í ræstingarstörf. Hvar fólk ber niður fer
svolítið eftir hvað það hefur fengist við áður
og vill og getur unnið við.
Við erum með Lífsgæðakjarna, þar er
boðið upp á allskonar þjónustu, svo sem
fótsnyrtingu, hárgreiðslu, kaffihús, heitan
mat í hádeginu og fleira. Íbúar í nágrenni
Hrafnistu geta fengið þar þjónustu rétt eins
og þeir sem búa á Hrafnistuheimilunum
sem eru átta talsins og eru staðsett í
Reykjavík, Hafnarfirði, Garðabæ, Kópavogi
og Reykjanesbæ. Launakjör fara eftir
menntun og starfi viðkomandi.“
Samstarfið er beggja hagur
Hvað er að segja um aðkomu VIRK að
þessum ráðningum?
„Samstarfið milli Hrafnistu og VIRK
auðveldar báðum aðilum að leysa mál,
þjónustuþegar frá VIRK fá hér vinnu sem
hentar og við fáum gott starfsfólk. Þetta
er því beggja hagur. Ráðningarstyrkurinn
sem kemur stundum með þjónustuþegum
VIRK er auðvitað kostur. Slíkt fyrirkomulag
getur vissulega hjálpað fyrirtækjum að taka
ákvörðunina um að prófa samstarf við VIRK.
Samfélagsleg ábyrgð – við viljum öll vera
þar!
Ástæða er til að leggja áherslu á að við höfum
fengið ótrúlega flott starfsfólk frá VIRK. Það
er, myndum við segja, stærsti kosturinn.
Atvinnulífstenglarnir sem við höfum verið í
samskiptum við eru mjög færir í sínu starfi
og samvinna við þá góð. Við erum fullvissar
um að samstarf okkar við VIRK sé komið til
að vera.
Þess ber einnig að geta að starfsfólk frá okkur
hefur fengið þjónustu hjá VIRK ef það hefur
þurft á að halda. Fyrir það erum við þakklát.
Eðlilega viljum við því sömuleiðis taka á móti
fólki frá VIRK. Fyrir kemur að störf hjá okkur
henta ekki einhverjum, en það er bara eins
og gerist allsstaðar á vinnumarkaðinum,“
segja þær Freyja og Sigrún.
Hverjir leita helst til ykkar eftir vinnu?
„Konur eru í meirihluta en þannig er það
almennt í störfum af þessu tagi. Frá VIRK
kemur margt íslenskumælandi fólk en
við erum einnig með gott samstarf við
Vinnumálastofnun. Þaðan og líka frá VIRK
kemur fólk af erlendu bergi brotið. Við
leggjum okkur fram um að ráða inn fólk
frá öðrum löndum og af öllum kynjum. Við
tökum jafnvel á móti öllum.“
Mælum með góðu móttökuferli
Eruð þið með sérstakt námsferli
fyrir nýliða?
„Já. Við erum með sérstakt móttökuferli
hjá Hrafnistu, nýliðafræðslu sem allir fara
í gegnum. Hjá Hrafnistu starfa að jafnaði
um sautján hundruð manns. Við erum með
marga í hlutastörfum, bæði skólafólk og fólk
á ýmsum aldri. Hrafnistuskólinn er partur af
móttökuferlinu sem allir fá aðgang að. Hér
er líka í boði íslenskukennsla.
Hvað varðar starfsfólk sem kemur frá VIRK
þá erum við í samvinnu við ráðgjafa þess,
til dæmis þegar viðkomandi fer í stærra
starfshlutfall. Við mælum með því að
fyrirtæki hafi sterkt og gott móttökuferli,
það getur skipt sköpum fyrir þá sem eru að
koma nýir til starfa.“
Hefur þetta samstarf við VIRK breytt
einhverju hjá ykkur?
„Já, þetta hefur orðið til þess að þegar við
sjáum starf sem gæti hentað aðila sem er
að stíga sín fyrstu skref til vinnu þá leitum
við fyrst til VIRK áður en við auglýsum, bæði
vegna góðrar reynslu af starfsfólki sem
kemur þaðan og svo því að vissulega felst
kostnaður og tími í því að auglýsa laus störf.
VIRK er farið að þekkja Hrafnistu vel sem
starfsvettvang og tekur vel í það þegar við
óskum eftir þeirra aðstoð við að finna hinn
rétta aðila. Það er ekki ofmælt að við höfum
fengið gríðarlega dýrmætan mannauð frá
VIRK.“
Texti: Guðrún Guðlaugsdóttir
Mynd: Lárus Karl Ingason
Ástæða er til
að leggja áherslu
á að við höfum
fengið ótrúlega flott
starfsfólk frá VIRK.
41virk.is