Goðasteinn - 01.03.1970, Qupperneq 9

Spil voru oft til dægradvalar. Bezt man ég eftir púkki, pikket,
alkorti og lomber. Karlmennirnir komust aldrei undan því á
sunnudagskvöldum á vetrum að spila við sr. Jón. Ólafur heitinn
í Hjálmholti kom oft á sunnudögum, þegar gott var reiðfæri á
vetrum, og gisti. Var þá spilaður lomber langt fram á nótt.
GAMLl BÆRINN
Góð húsakynni voru í Hala, eftir því sem gerðist í þá daga
um sveitabæi. Vestast í bæjarrönd var skemma með lofti. I skemm-
unni var oft unnið að smíðum, og þar voru geymd allskonar
smíðaáhöld. Fyrir gafli var djúp gryfja niður í gólfið, geymsla
fyrir jarðarávöxt. Á skemmulofti var harðæti, skreið og hausar ,og
margt annað, ætt og óætt. Smiðja var austan við skemmuna.
Austan við smiðjuna var baðstofan, og var breitt sund á milli.
Baðstofan var undir skarsúð. Hún var þrískipt. 1 norðurendanum
var svonefnt norðurhús, íveruherbergi sr. Jóns og maddömu
Þórunnar. Þar bjuggu þau að sínu að nokkru leyti, og aldrei var
sr. Jón svo á vegi staddur að eiga ekki ögn á kútnum til að gleðja
þá, sem litu inn til hans. Suðurhúsið var hjónaherbergi. Miðhlut-
inn var baðstofa. I henni var íbúð vinnufólksins. Baðstofuhúsið
var endurbyggt og stækkað eftir jarðskjálftana 1896. í baðstofunni
voru sex fastarúm. Tveir gluggar voru á vesturhlið baðstofunnar,
annar beint á móti dyrum og undir honum borð. Einn gluggi var
vestan á suðurhúsi og annar vestan á norðurhúsi. I norðurhúsið
fluttum við systkinin og Jóhanna móðursystir okkar eftir lát sr.
Jóns, 1898. Kjallari var undir baðstofu.
Austan við baðstofu voru bæjardyr, óþiljaðar en með timbur-
gólfi. Austur frá bæjardyrum var stofuhús. Stofan var með blá-
máluðum þiljum og hvítu lofti. Norður af henni var svefnherbergi.
1 stofunni voru tvö skatthol, annað í eigu sr. Jóns. Bæði voru þau
með útskornum hurðum undir halllokinu, verk Sandhólaferju-
manna. í stofunni voru stólar, sóffi og borð. Stórt geymsluloft
var yfir stofunni. Þar voru fatakistur og kornkistur, íslenzkar að
smíði. Tveir gluggar voru framan á stofunni.
Ekkert loft var í bæjardyrum. Fatasnagar voru þar báðum
megin, er inn var komið. Inn af bæjardyrum var eldhúsið. Það
Goðastehm
7