Sjómannadagsblað Snæfellsbæjar - 01.06.1998, Qupperneq 5

Sjómannadagsblað Snæfellsbæjar 1998
3
Pétur S. Jóhannsson:
„ÞANGAÐ ER
STÝRIMAÐUR VILL”
Stýra menn hestum, þangað er vilja,
með beislum þeim, er í munn þeim
er látin,
og svo skipum, þótt mikil sé,
með litlu stýri, þangað er
stýrimaður vill.
( Islensk hómilíubók - Fornar
stólræður).
Framangreindur texti er talinn
vera yfir átta hundruð ára gamall.
Tækninni hefur mikið fleygt
fram. Nú eru komnar vélar í bát-
ana og skipstjórar nota fullkomin
siglingatæki í sína báta. Þó hafa
menn enn stýri á skipum sínum
og örlög fjölda fólks á láði, lofti og
legi eru komin undir litlum stýr-
um. Ekki láta slík áhöld alltaf
mikið yfir sér þó þau séu bráð
nauðsynleg.
Og öllu virðist þurfa að stýra.
Það er ljóst að yfirmönnum sjáv-
arútvegsmála er oft vandi á hönd-
um við stjórn þeirra mála, því það
þarf að huga að mörgu,bæði með
tilliti til nútíðar og framtíðar. Það
eiga svo mörg byggðarlög út um
allt land, -og reyndar öll þjóðin,
svo mikið undir því að vel takist
til í sjávarútvegsmálunum. Það
þekkjum við vel í Snæfellsbæ.
Það er erfitt að finna eina rétta
leið til að fara eftir án þess að það
komi einhverjum illa og því eru
þessi mál, skiljanlega alltaf til um-
ræðu, manna á meðal.
I dag er góð ástæða til að horfa
með björtum augum fram á við.
Mikil fiskgengd er við landið sam-
kvæmt rannsóknum vísinda-
manna og búið að auka kvótann.
Sjómenn stunda sjóinn til að
framfleyta sér og sínum og fram-
tíð okkar bæjarfélags mun byggj-
ast á því að sjómenn dragi fisk úr
sjó um ókomin ár.
Sjómannadagsblað Snæfelisbæj-
ar er alltaf að stækka. Efni í blaðið
virðist vera nægt. Við fáum góðar
viðtökur lesenda bæði héðan úr
byggðarlaginu og „utan af landi”,
sem er okkur mikil hvatning til
frekari útgáfu. I þessu blaði eru
myndir og grein frá'Stykkishólmi
og voru þær vel þegnar til birting-
ar hér. Rætt hefur verið um að
gefa út eitt blað fyrir allt Nesið og
hvet ég menn til þess að skoða
það vel. A þessum vettvangi
þekltja menn nokkuð vel til hvers
annars, -það má þó alltaf bæta við
kynnin.
Ég vil þakka öllum þeim sem
komið hafa að þessu blaði með
einum eða öðrum hætti. Þá vil ég
einnig þakka þeim sem bæði
styrkja blaðið og auglýsa í því, en
án þeirra væri svona útgáfa ekki
möguleg. Eg vil að lokum óska
öllum sjómönnum og fjölskyldum
þeirra og íbúum Snæfellsbæjar
gleðilegrar hátíðar á Sjómanna-
daginn.
Pétur S. Jóhannsson.
EFNISYFIRLIT
4 Sjósókn og mannlíf í Ólafsvík ‘52-’59
Ásgeir Jóhannesson
12 Hraðfrystihús Hellissands
Ólafur J. Sigurðsson
21 Island sem miðstöð menntunar í þágu
sjávarútvegs - heima og erlendis
Dr. Guðrún Pétursdóttir
23 Þegar síldin kom aftur
Sigrún Sigurðardóttir
26 Viðtal við Guðjón Bjarnason
Pétur S. Jóhannsson
30 Saga Sparisjóðs Ólafsvíkur
Kristinn Kristjánsson
35 Minning
Haukur Sigtryggsson
36 Ræða á Sjómannadag á Hellissandi 1997
Anna Þóra Böðvarsdóttir
38 Þegar ég fluttist til Ólafsvíkur
Pétur F. Karlsson
40 Sjönuskóli
Sigurlaug Jónsdótdr
44 Veiðar og merkingar á skarkola í
sunnanverðum Breiðafirði
Jón Sólmundsson og Hjalti Karlsson
48 Minningabrot af sjónum
Konráð Ragnarsson
53 Með Snæfellinu til Namibíu
Hermann Úlfarsson
55 Minning:
Friðsteinn Helgi Björgvinsson
Stefán Helgi Bjarnason
56 Ræða á Sjómannadag í Ólafsvík 1997
Elinbergur Sveinsson
59 Sjómannadagurinn á Hellissandi 1997
Jóhann R. Kristinsson
61 A „saltfiski“ við Grænland
Örn Hjörleifsson
62 Nýsmíði í Snæfellsbæ
Pétur S. Jóhannsson
64 Þegar vélbáturinn Óðinn SH 204 strandaði
Leó Guðbrandsson
66 Svissneskur bankastjóri á sjó
Martin Conrad
68 „Eg ætlaði aldrei að verða trillukarl“
Pétur S. Jóhannsson
72 Mín fyrsta sjóferð
Guðlaugur Bergmann
73 SJÓSNÆ
Sigurður Arnfjörð
76 Hugleiðing á Sjómannadegi
Haukur Sigurðarson
78 Ljóð
eftir Þorkel Símonarson
82 Sjómannadagurinn í Ólafsvík
Pétur S. Jóhannsson