Skógræktarritið - 15.12.1991, Qupperneq 37

FRI'ÐA BJÖRG EÐVARÐSDÓTTIR
PÉTUR JÓNSSON
RAGNAR F. KRISTJÁNSSON
Sumarbústaðir,
sumarbústaðalóðir
IS upphafi þessarar greinar er rétt að kynna landslagsarkitekta og hlut-
verk þeirra í skipulagi sumarbústaðasvæða.
Landslagsarkitektar þurfa að sækja menntun sína til útlanda, og hafa
þeir tuttugu, sem nú starfa, sótt til sex mismunandi þjóðlanda. Samnefnari
í menntuninni er að mikið er lagt upp úr því að meta náttúru landsins sem
aðalbyggingarefnið, og haga landnotkun þannig að hún fái að njóta sín og
gæði landsins, sem unnið er með, verði sem minnst skert.
Hvað er sumarbústaður?
Sumarbústaður er hús reist úti í náttúrunni fjarri hinu fasta heimili.
Sumarbústaður er þannig annað heimili og ætlað til notkunar í frítíma.
Dagleg verkefni verða því allt önnur þannig að aðrar kröfur eru gerðar um
ýmis þægindi sem tíðkast í þéttbýli svo sem rafmagn, rennandi heitt og
kalt vatn, vatnssalerni, síma og sjónvarp.
Sumarbústaður á að vera orkuforðabúr, þangað sem sótt er hvíld frá
daglegu amstri, þangað sem leitað er eftir náttúruafurðum sumarsins og
minningum til að ylja sér við í hörku vetrarinsA'
Saga sumarbústaðarins hér á landi er ekki löng, en við þekkjum að frá
stórbýlum landsins var fólk og fé haft í seli að sumrinu. Þar voru búpen-
ingur og búendur að safna forða til vetrar, nokkuð sambærilegt við ætlun
okkar með sumarbústaðadvölinni.
Með vaxandi þéttbýli fór sumarbústöðum að fjölga hér á landi. í Gríms-
1 nesi eru 1200 bústaðir og er það þéttbýlasta sveit landsins þegar sumar-
bústaðir eru taldir með.jÞar hófst ásókn f bústaði á tímum seinni heims-
styrjaldar, þegar þeir efnaðri vildu eignast lóðarspildur og afdrep í sveit-
inni fyrir fjölskylduna til öryggis á ófriðartímum.
Þeir tæplega 7000 bústaðir, sem nú eru í landinu, eru flestir reistir á síð-
ustu 20 árum og byggðir af þeirri kynslóð sem hefur staðið í mestri upp-
byggingu landsins. Eftir að hafa komið sér upp heimili í þéttbýli er ekki lát-
ið staðar numið, heldur er ráðist í sumarbústaðabyggingar.
Hverjar eru ástæður fyrir því að fólk sækist eftir því að byggja
sumarbústað?
1. Nú á dögum hefur almenningur meiri frítíma en áður þekktist og bíla-
eign er mjög almenn þannig að frjálsræði er mikið í öllum samgöngum.
2. Á stuttum tíma hefur almenningur misst tengsl við Iandbúnaðinn og þá
SKÓGRÆKTARRITIÐ 1991
35