Skógræktarritið - 15.12.1991, Qupperneq 61

Árið 1985 var farið að planta eins árs gömlum bakkaplöntum í 50 cm3
pottum með plöntustaf, eins og nú tíðkast. Reyndist ótrúlega auðvelt að
planta með stafnum í melana, sem áður voru nefndir og valdið höfðu mér
heilabrotum á sínum tíma. Voru nú allir melar í Mjóanesi og á Hafursá,
sem við urðum að hlaupa yfir á bjúgskóflutímabilinu, fylltir með lerki.
Önnur myndin, sem ég tók 25. júlí 1987, sýnir í forgrunni tveggja ára
gamlar lerkiplönturnar frá 1985, en ofan við miðja mynd sést eins og veggur
þvert yfir hana lerkið í plógstrengjunum frá 1973 og sýndir eru á fyrstu
myndinni.
Þriðju myndina tók ég svo 11. ágúst 1990 af sama stað og aðra myndina,
en frá ofurlítið öðru sjónarhorni. Sýnir hún m.a., að litlu lerkiplönturnar frá
1985 hafa heldur betur sprett úr spori. Dökki veggurinn hægra megin á
miðri mynd er lerkið í plógstrengjunum frá 1973.
Hafursá 1980.
Fyrri myndina tók ég 1. júlí 1980, þegar verið var að plægja svonefnda
Götumýri á Hafursá í Vallahreppi. Mannsöfnuðurinn, sem horfir á aðfar-
irnar, voru ýmsir fremstu skógræktarmenn af Norðurlöndum, sem voru á
hátíðafundi Skógræktarfélags íslands á Þingvöllum 27. júní. Það var stjórn
Norræna skógræktarsambandsins, Samstarfsnefnd um norrænar skóg-
ræktarrannsóknir og Norræna trjásafnsnefndin. Ég held þeim hafi þótt
mýrin erfið yfirferðar eftir plæginguna!
Árið 1981 var birki plantað í plógstrengina og tókst sú gróðursetning
ágætlega.
Síðari myndina tók ég 29. ágúst 1991 nokkurn veginn frá sama sjónar-
horni og hina fyrri. í forgrunni sjást hinar 10 ára gömlu birkiplöntur, sem
hafa rifið sig áfram í plógstrengjunum, en á bak við sést veggur af lerki,
sem plantað hafði verið nokkrum árum á undan birkinu \ þursaskeggsgróið
holt ofan við Götumýrina, og við tókum ekkert eftir 1980.
Þessi birkiplöntun á Götumýrinni er svo vel heppnuð, að mér sýnist hún
geti verið gott fordæmi víða um land, hvernig klæða má framræstar mýrar
með íslensku birki, sem gróðursett er í plógstrengi.
SKÓGRÆKTARRITIÐ 199!
59