Skógræktarritið - 15.12.1991, Qupperneq 96

Steinþór Einarsson áleit að uppsetning og viðhald girðinga væri rækt-
unarmönnum erfiður baggi og vildi að fjárhirðar gættu hjarða sinna. Hann
álítur að 60 ára reynsla í skógrækt hljóti að nýtast í framtíðinni. Umræðum
um Átak 1990 var nú lokið og nefndir voru tilbúnar til að skila frá sér til-
lögum, eftir endurskoðun og samræmingu.
Tillögur samþykktar á aðalfundi Skógræktarfélags íslands 1990.
I
TILLÖGUR FRÁ SKÓGRÆKTARNEFND
1.
Aðalfundur Skógræktarfélags íslands beinir þeim tilmælum til landbúnað-
arráðherra og Skógræktar ríkisins að hvergi verði gefið eftir í framkvæmd
þeirra áætlana sem gerðar hafa verið um ræktun aspar til iðnaðarfram-
leiðslu og ætlaðar eru til eflingar skógræktar og landbúnaðar á Suðurlandi.
Samþykkt með 27 atkv. gegn 8.
2.
Aðalfundur Skógræktarfélags íslands að Flúðum 31.08.-02.09. 1990 hvetur
sveitarfélög til að efla ræktun og gróðurvernd. Samþykkt samhljóða.
3.
Aðalfundur Skógræktarfélags íslands skorar á landbúnaðarráðuneytið og
búnaðarsambönd landsins að vinna að skógrækt í þeim landshlutum sem
til þess henta, þar sem fyrirsjáanlegur er mikill samdráttur í sauðfjárfram-
leiðslu, og gefa bændum kost á að búa á jörðum sínum við skógrækt með
öðrum búskap. Samþykkt samhljóða.
4.
Aðalfundur Skógræktarfélags íslands beinir þeim tilmælum til stjórnar
félagsins að hún leiti leiða til þess að ráða bót á þeim vanda, sem stafar
af ökutækja- og snjósleðaakstri um óafgirt skógræktarlönd. Samþykkt sam-
hljóða.
5.
Aðalfundur Skógræktarféiags íslands samþykkir að félagið hefji útgáfu
kynningar- og leiðbeiningabæklinga um trjágróður og skógrækt í samræmi
við neðangreind markmið.
1. Hver bæklingur um sig skal vera um mjög afmarkað efni með skýrum
texta.
2. Bæklingarnir skulu vera fallegir, þannig að fólk langi til að eiga þá og
nota.
3. Stefnt skal að því að gefa út einn til tvo bæklinga á ári og skulu þeir vera
tölumerktir og dagsettir.
Samþykkt samhljóða.
6.
Aðalfundur Skógræktarfélags íslands hvetur héraðsskógræktarfélögin til
að gera skógræktarreiti sína sem aðgengilegasta fyrir almenning. Ennfrem-
ur hvetur aðalfundur til þess að félögin leggi áherslu á skipulagningu við
nýjar gróðursetningar. Samþykkt samhljóða.
86
SKÓGRÆKTARRITIÐ 1991