Íslenska þjóðfélagið - 01.08.2023, Side 151

Vífill Karlsson og Bjarki Þór Grönfeldt
151 ..
Þegar þættirnir sem tengjast vinnumarkaðnum eru skoðaðir þá sést að það hallaði alls staðar á inn-
flytjendur (Líkön 1, 3, 5, 7). Þar var munurinn mestur er varðar atvinnuúrval en minnstur gagnvart
ánægju með laun. Marktæknin var hins vegar mikil í öllum tilfellum. Þá voru innflytjendur með
marktækt lægri tekjur að auki (Líkan 9). Innflytjendur í litlum bæjum virtust vera með hærri tekjur
en innflytjendur annars staðar (Líkan 10) en tekjur hafa jákvæð áhrif á ánægju með búsetu (Líkan
11) og niðurstöðuna hér að ofan, um ánægju með búsetu, má því mögulega rekja til þess. Hins vegar
var atvinnuúrval innflytjenda mest á höfuðborgarsvæðinu (Líkan 6) og möguleikar þeirra til eigin
atvinnureksturs mældist mest á Akureyri (Líkan 8). Að öðru leyti var ekki margt í staðarstærðinni
sem virtist hafa haft áhrif á stöðu innflytjenda á vinnumarkaði kreppuárið 2020.
Athygli vakti að innflytjendur sem bjuggu á höfuðborgarsvæðinu voru ekki marktækt öruggari
með atvinnu sína eins og mældist hjá Íslendingum en vel er mögulegt að stærri og dýpri vinnumark-
aður færi mönnum meiri öryggiskennd en þeir vinnumarkaðir sem grynnri eru í dreifbýlinu. Það fer
framhjá innflytjendum á Íslandi.
Þeir þættir sem virtust drífa innflytjendur til að fara lengri leið eftir vinnu sinni voru óánægja með
laun (Líkan 1), atvinnuöryggi (Líkan 3), en spurt er um ánægju með laun og aðra vinnumarkaðsþætti
þar sem þeir búa, og það virtist skila þeim hærri tekjum (Líkan 10). Þeir innflytjendur sem sóttu
vinnu um langan veg voru líka óánægðari með búsetu sína (Líkan 12). Það er eðlilegt ef búsetan er
langt frá vinnustað en líka hitt að þeir eru örugglega ánægðari með launin sem þeir höfðu með því
að fara langt eftir vinnu en launin sem þeim bauðst þar sem þeir bjuggu árið 2020. Það sama gilti
um Íslendinga. Þeir sem sóttu vinnu langt voru óánægðari með búsetu sína en þó ekki eins mikið
og innflytjendur (stuðullinn fyrir fjarlægð til vinnu fyrir alla þátttakendur var 0,93 en 0,84 fyrir inn-
flytjendur).