Morgunblaðið - 10.05.1994, Blaðsíða 4

4 ÞRIÐJUDAGUR 10. MAÍ 1994
MORGUNBLAÐIÐ
Fái bætur
vegna
snjóflóðs
HÉRAÐSDÓMUR Reykjavíkur
hefur dæmt Vegagerð ríkisins
til að greiða 2,4 milljónir króna
í skaðabætur til bílstjóra sem
slasaðist þegar snjóruðnings-
tæki sem hann stjórnaði varð
fyrir snjóflóði á Hnífsdalsvegi í
janúar 1990.
Maðurinn var við snjóruðning
á Hnífsdalsvegi þegar snjóflóð
féll á veginn og færði ruðnings-
tækið veltandi með manninn inn-
anborðs um 20-30 metra niður
í fjöru. Maðurinn kastaðist til og
frá í stjómklefanum og rotaðist
en komst af eigin rammleik út
úr bílnum, sem hafði fyllst af
snjó, óð í land, og gekk holdvot-
ur tveggja km leið til Hnífsdals.
Maðurinn taldi að ef hann hefði
haft öryggisbelti spennt hefði
hann látið lífið.
Maðurinn hafði mikla verki
um líkamann við minnstu hreyf-
ingu og átti við heilsuleysi að
stríða vegna höfuð- og bak-
meiðsla og andlegra óþæginda.
Varanleg örorka hans er metin
30%.
------♦ --------
Ríkið borgi
bætur vegna
sæstrengs
ÍSLENSKA ríkið hefur verið
dæmt í Héraðsdómi Reykjavíkur
til að greiða útgerðarfyrirtækinu
Nirði, eiganda Þórs Péturssonar
ÞH 50, um 5 milljónir króna í
skaðabætur vegna tjóns sem
útgerðin varð fyrir þegar veiðar-
færi skipsins festust í sæstreng
sem vamarliðið í Keflavík hafði
komið norðaustur af Eldey fyrir
án þess að þess væri getið á
viðurkenndum sjókortum.
Aðild íslenska ríkisins að mál-
inu byggist á lögum um að ríkíð
bæti tjón sem hlýst af dvöl varn-
arliðsins hér.
Útgerðarfélaginu vom dæmd-
ar bætur vegna veiðarfæratjóns
og vegna þess afla sem skipið
fór á mis við meðan á fimm
daga frátöfum frá veiðum stóð..
íþróttagallar
Verð kr. 3.990,-
SPORT
Stærðir 8-14.
Fullorðinsstærðir: S-XXXL.
Verð kr. 4.990,-
Efni: Polyester, bómull.
Fóðrað með bómull.
Sendum í póstkröfu.
5% staðgreiðsluafsláttur.
»hummél^
SPORTBÚÐIN
Ármula 40 ■ S(mi 813555 09 813655
FRÉTTIR
Um 40 málverk Kristjáns Magnússonar listmálara glötuð
Morgunblaðið/Júlíus
MAGNÚS Kristjánsson með myndir af foreldrum sem faðir
hans málaði. Ein myndanna í kistunni sem Magnús leitar nú að
er pastelmynd af móður hans og var hún efst í kistunni.
Leitar að
málverkum
föður síns
KISTA sem inniheldur um 40
málverk eftir Kristján H. Magn-
ússon, listmálara, er glötuð og
nú býður sonur hans, Magnús,
fundarlaun hveijum þeim sem
veit um afdrif kistunnar og mál-
verkanna, sem hann erfði eftir
foreldra sína. Magnús hefur
spurst fyrir um kistuna undanfar-
ið en ekki haft erindi sem erfiði.
Verkin og kistuna hefur hann
ekki séð síðan 1952 þegar haldin
var yfirlitssýning á verkum Krist-
jáns í Listamannaskálanum.
Kristján H. Magnússon, listmálari
fæddist á ísafirði 1903. Hann fór
ungur til Bandaríkjanna þar sem
hann lærði málun og snéri þá til
íslands. Hann lést árið 1937,34
ára að aldri. Flest verkin á sýn-
ingunni voru geymd upprúlluð í
kistu. Að henni lokinni setti
Magnús verk föður síns aftur í
kistuna og var henni komið fyrir
hjá móðursystur hans, Steinunni
Helgadóttur og manni hennar
Haraldi Ágústssyni, eins eiganda
Krislján O. Skagfjörð. Fyrstu
árin var kistan geymd ofan í kjall-
ara á Blómvallagötu 2, heimili
Haraldar og Steinunnar. Kistan
er úr ljósum við með dekkri við-
arböndum í kring. Hún er um
1.10 metrar að lengd, 60 senti-
metra há, með kúptu loki og á
henni var ónýtur koparlás. Hún
geymir um 40 upprúlluð olíumál-
verk. Ein pastelmynd var í kist-
unni af móður Magnúsar sem lá
efst, ofan á hinum myndunum til
að hún yrði ekki fyrir hnjaski.
Önnur mynd sem ætti að vera
auðþekkjanleg er olíumynd af
uppstilltum túlípönum. Móður
sína missti Magnús svo þegar
hann var 14 ára gamall, en hann
fæddist árið 1934. Magnús fluttist
eftir það til Bandaríkjanna, til
föðurbræðra sinna sem stunduðu
útgerð í Boston. Árið 1958 flutt-
ist hann svo til Spánar þar sem
hann hefur átt heima síðan og
rekur þar gistihúsið Heklu. Síð-
ast frétti Magnús af kistunni árið
1972 þegar Steinunn og Haraldur
heimsóttu Magnús til Spánar.
Magnús segir að þau hafi þá sagt
honum að vegna breytinga á
kjallara á Blómvallagötu hefðu
þau þurft að færa kistuna niður
á Tryggvagötu árjð 1958 eða ’59
þar sem Kristján Ó. Skagfjörð
var til húsa. Þegar Steinunn lést
árið 1979 kom Magnús til íslands
til að ganga endanlega frá sínum
málum og fékk eigur foreldra
sinna sem Steinunn og Haraldur
höfðu geymt. Kistuna sá hann
ekki og taldi hana vísa í geymslu
fyrirtækisins, sem hafði að vísu
flutt aðsetur sitt frá Tryggvagöt-
unni út á Hólmaslóð, vestur á
Granda í millitíðinni. Magnús
hefur dvalið hér á landi undan-
farið. Hann hefur spurst fyrir um
afdrif kistunnar og málverkanna
en hingað til ekkert orði ágengt.
Þeir sem geta gefið upplýsingar
um afdrif kistunnar geta haft
samband við Magnús í síma
620416. Fundarlaunin sem hann
heitir er mánaðardvöl fyrir tvo í
gistiheimili heimili sínu í ná-
grenni Costa Brava.
Mikil við-
brögð við
auglýsingu
Hveragerði. Morgunblaðid.
HEILSUSTOFNUN NLFÍ auglýsti
nýverið eftir viðbrögðum frá al-
menningi við þeirri hugmynd að
byggðar yrðu þjónustuíbúðir fyrir
aldraða í tengslum við heilsustofnun-
ina.
Að sögn Árna Gunnarssonar for-
stjóra Heilsustofnunar NLFÍ vildu
forráðamenn þar ekki brenna sig á
því að fara út í framkvæmdir án
þess að kanna fyrst þörfina fyrir
íbúðir af þessu tagi. Hér yrði um
að ræða húsaþyrpingu með íbúðum
fyrir einstaklinga og hjón. Yrðu
íbúðirnar eignaríbúðir, en fast gjald
yrði greitt fyrir þjónsutuna sem öll
yrði veitt frá heilsustofnuninni. Sú
þjónusta sem í boði er er meðal ann-
ars læknisþjónusta, hjúkrun og
heimahjúkrun, matur, hvort sem er
heimsendur eða í matsal. Öll ræsting
og þvottur. Hjúkrunarvakt sem
starfrækt er allan sólarhringinn sem
og önnur þjónusta sem heilsustofn-
unin veitir nú þegar sínum dvalar-
gestum.
Árni Gunnarsson sagði ennfremur
að forráðamenn þar hefðu lengi
gælt við þá hugmynd að byggja þjón-
ustuíbúðir fyrir aldraða í tengslum
við stofnunina. Þar er fyrir hendi
bæði reynsla og þekking á þessu
sviði og heilsustofnunin því vel í
stakk búin til þess að takast á við
verkefni af þessu tagi. Ekki síst með
tilkomu nýs eldhúss og matsalar þar
sem hægt er að anna miklu fleirum
en nú er gert. Öll nauðsynleg þjón-
usta er nú þegar á staðnum og þar
af leiðandi yrði kostnaður við hana
ekki eins hár og annars staðar gerist.
Ég mun leita réttar míns, segir Gunnar Guðmundsson á Siglufirði
Málið hefur valdið mér
og mínum miklu tj óni
Fyrrverandi sýslumaður og yfirlögreglu-
þjónn á Siglufirði telja að dómsmálaráðu-
neytið hafi staðið óeðlilega að málum
þegar upp kom grunur um að þeir hefðu
brotið af sér í starfi.
Þorsteinn Erlingur Gunnar
Pálsson Óskarsson Guðmundsson
GUNNAR Guðmundsson, fyrrver-
andi yfirlögregluþjónn á Siglufirði,
segist ætla leita réttar síns gagn-
vart stjórnvöldum, en honum var
vikið frá störfum síðastliðið haust
vegna grunsemda um brot í starfi.
í síðustu viku sýknaði Héraðsdóm-
ur Norðurlands vestra Gunnar af
öllum ákærum. Þorsteinn Pálsson,
dómsmálaráðherra, fellst ekki á
að ráðuneytið hafi gert mistök í
þessu máli og segir að brot á hegn-
ingarlögum sé ekki forsenda fyrir
því að mönnum sé vikið úr starfí.
Mál sýslumannsins á Siglufirði
vakti mikla athygli og urðu miklar
umræður um það í fjölmiðlum og
manna á meðal. Nú þegar Erlingur
Óskarsson, sýslumaður, hefur ver-
ið sýknaður af um helming ákæru-
atriða í Héraðsdómi og Gunnar
Guðmundsson, yfirlögregluþjónn,
er sýknaður af öllum ákærum
vaknar sú spurning hvort dóms-
málaráðuneytið og ríkissaksóknari
hafi farið offari í þessu máli.
Dómsmálaráðherra fellst ekki á
að ráðuneytið hafi staðið óeðiilega
að málum. Hann bendir á að sýslu-
maðurinn haf verið dæmdur fyrir
brot í starfi og hann hafí sjálfur
sagt starfi sínu lausu þegar rann-
sókn málsins hófst. Þorsteinn
bendir einnig á að það sé ríkissak-
sóknari sem kæri mennina en ekki
dómsmálaráðuneytið.
Varðandi brottvikningu yfírlög-
regluþjónsins fyrrverandi sagði
Þorsteinn: „Brot á hegningarlög-
um er ekki forsenda fyrir því að
mönnum sé vikið úr starfi. Það
getur gerst án þess að menn hafi
gerst brotlegir við hegningarlög.“
Tilfinningalegt tjón
Gunnar stendur núna frammi
fyrir því að hafa verið sýknaður
af ákærum sem á hann voru born-
ar, en þessar sömu ákærur urðu
til þess að honum var sagt upp
störfum. Gunnar sagði að dóms-
málaráðuneytið hefði þrýst á sig
að segja upp störfum, en hann
hefði neitað að verða við því vegna
þess að hann taldi sig ekki hafa
brotið neitt af sér í starfi. „Ég
mun í framhaldinu leita réttar
míns. Það hefur hins vegar ekki
verið tekin nein ákvörðun um
hvernig það verður gert,“ sagði
Gunnar.
„Þetta mál hefur valdið mér og
minni fjölskyldu mjög miklu tjóni,
bæði fjárhagslega og tilfinninga-
lega,“ sagði Gunnar. Eftir að
Gunnari var sagt upp störfum var
hann atvinnulaus í um þrjá mán-
uði. Hann fékk síðan um áramót
vinnu í sex mánuði við húsvörslu
í grunnskólanum á Siglufirði.
Héraðsdómur taldi Erling Ósk-
arsson, fyrrverandi sýslumann á
Siglufirði, sekan um brot í opin-
beru starfi með því að mæta gegn
greiðslu fyrir hönd lögmanna við
nauðungaruppboð sem hann ann-
aðist sem dómari og uppboðshald-
ari. Samtals var um að ræða um
1,3 milljónir króna á árunum 1989-
1993. Dómurinn taldi að hann
hefði ekki átt tilkall til þessara
greiðslna og að þær hefðu ekki
samrýmst embættisstöðu hans.
Erlingur viðurkenndi í samtali við
Morgunblaðið að strangt tiltekið
hefði hann ekki átt að þiggja þess-
ar greiðslur. Hann sagði að við
réttarhaldið hefði komið fram að
fleiri sýslumenn hefðu haft sama
hátt á og hann við uppboð. Hann
sagðist telja óeðlilegt að hann einn
sé sakfelldur fyrir þetta en aðrir
sleppi og haldi sínum embættum.
Erlingur sagði að þó að þessi inn-
heimta sé ekki leyfileg sé óumdeilt
að henni fylgi minni kostnaður
fyrir skuldarana.
Þorsteinn Pálsson sagðist ekki
kannast við að sama aðferð sé
notuð við önnur sýslumannsemb-
ætti og sakfellt er fyrir í þessu
máli. Hann sagði ráðuneytið reyna
að fylgjast vel með öllum sýslu-
mannsembættum og brugðist sé
við um leið og grunur vakni um
að ranglega sé staðið að málum.