Morgunblaðið - 12.06.1999, Blaðsíða 2
2 LAUGARDAGUR 12. JÚNÍ 1999
MORGUNBLAÐIÐ
FRÉTTIR
Henti amf-
etamíni út
um glugga
LÖGREGLAN í Reykjavík
stöðvaði ferð bifreiðar í gær-
kvöldi við Stekkjarbakka, sem
í var aðili þekktur að fíkniefna-
misnotkun. Sat hann í farþega-
sæti bifreiðarinnar og sást
hann henda ætluðum fíkniefn-
um út um glugga hennar.
Hann var handtekinn og færð-
ur á lögreglustöð. Fíkniefnin,
sem voru nokkur grömm af
amfetamíni, fundust og lagði
lögreglan hald á þau.
Pá var ungur maður var
laminn í heimahúsi í Vest-
mannaeyjum aðfaranótt föstu-
dags. Hringt var í lögregluna
rétt fyrir kl. 5 vegna óláta í
húsi þar sem nokkrir sátu við
drykkju. Hafði tveimur mönn-
um sinnast sem endaði með því
að fjórir réðust að öðrum
þeirra og veittu honum tals-
verða áverka.
• •
Rflrislögreglustjóri rannsakar meintar falsanir á ökuprófgögnum
Okukennari og starfsmenn Um-
ferðarráðs liggja undir grun
ÖKUKENNARI, sem úrskurðaður var í gæslu-
varðhald á föstudaginn í síðustu viku, að beiðni
ríkislögreglustjóra í þágu rannsóknar á meint-
um fölsunum á ökuprófgögnum, var látinn laus
á fimmtudagskvöld. Hefur maðurinn játað að
hafa falsað staðfestingu ökuprófdómara á öku-
leyfísumsóknum ökunemenda þess efnis að þeir
hefðu staðist próf um aukin ökuréttindi eða
meirapróf og bifhjólaréttindi.
Virðist margt benda til þess að brotin hafí
verið framin í auðgunarskyni, að sögn Helga
Magnúsar Gunnarssonar, löglærðs fulltrúa hjá
ríkislögreglustjóra. Að hans sögn eru hin
meintu tilvik á annan tug talsins og áttu þau sér
stað bæði á síðasta ári og á fyrri hluta þessa
árs.
„Á þessu stigi málsins höfum við ekkert sem
bendir til þess að tilvikin séu fleiri," sagði Helgi
Magnús í samtali við Morgunblaðið. „Náð hefur
verið utan um drjúgan hluta þessara tilfella,
þannig að mjög fáir ökunemendur eru nú ak-
andi um með fölsk réttindi vegna þessarar
starfsemi. Pað verður gengið í það á vegum
Umferðarráðs og ríkislögreglustjóra- að taka
réttindi þeirra úr umferð."
Naut aðstoðar starfsmanns
Umferðarráðs
Við rannsókn málsins hefur komið í ljós að
maðurinn naut í einhverjum tilvikum aðstoðar
starfsmanns ökunámsdeildar hjá Umferðar-
ráði, sem tengdist síðan enn öðrum starfs-
manni Umferðarráðs vegna svipaðrar starf-
semi. Hefur þeim báðum verið gert að mæta
ekki til vinnu á meðan rannsókn málsins stend-
ur yfir.
Að sögn Óla H. Þórðarsonar, framkvæmda-
stjóra Umferðarráðs, mun ákvörðun um hvort
þeim verði vikið frá störfum liggja fyrir að lok-
inni rannsókn ríkislögreglustjóra.
„Við lítum þetta mál mjög alvarlegum aug-
um og ég er mjög sár og hryggur yfir því að
þetta skyldi koma fyrir, en er að vona að um-
fangið sé ekki mikið,“ sagði Óli H. Þórðarson.
„Það er hins vegar ljóst að eitt tilvik af þessu
tagi er of mikið.“
Hann sagði að hjá Umferðarráði hefði þegar
verið gripið til aðgerða vegna málsins og lúta
þær m.a. að því að koma í veg fyrir að slíkt geti
endurtekið sig.
„Aðgerðirnar felast m.a. í því að öll meðferð
gagna Umferðarráðs hefur verið hert til mikilla
muna. Reglan hefur verið sú að ökukennarar
hafa sjálfír afhent gögn til lögreglustjóra til út-
gáfu ökuskírteina. Það hefur verið gert til að auð-
velda hinum almenna borgara samskipti við hið
opinbera, sem er stefna okkar. Þessu verðum við
hins vegar að breyta, þannig að eftirleiðis fara
allar sendingar af þessu tagi formlega á milh
Umferðarráðs og viðkomandi lögreglustjóraemb-
ættis. Síðan skoðum við ofan í kjölinn öll þau mál
sem um ræðir,“ sagði Óli H. Þórðarson.
HÉR er Ómar Benediktsson, framkvæmdastjóri Islandsflugs, í hópi flugfreyja í nýju búningunum.
Þriðja þota Isiandsflugs
, ^ Morgunblaðið/Jim Smart
NYJA þotan, sem íslandsflug hefur leigt til þriggja ára, í lágflugi yfír
Reykjavíkurflugvelli í gær.
ÍSLANDSFLUG tók nýja þotu í
notkun í gær sem félagið hefur tekið
á leigu til þriggja ára. Er hún af
gerðinni Boeing 737-300 QC sem
þýðir að hægt er að nota hana jöfn-
um höndum til farþega- og frakt-
flugs þar sem stuttan tíma tekur að
setja í hana sætin og taka þau úr.
Þetta er þriðja þota íslandsflugs.
Ómar Benediktsson framkvæmda-
stjóri segir vélina verða notaða í
fraktflug milli Keflavíkur og Brussel
að næturlagi virka daga en á daginn
verður hún í leiguflugi fyrir íslensk-
ar ferðaskrifstofur. Fer hún fimm
slíkar ferðir í viku, tvær til Kaup-
mannahafnar, eina til Madrid á
Spáni, eina til Gautaborgar í Svíþjóð
og eina til Rimini á Italíu. Þotan tek-
ur 126 farþega og fer í fyrsta far-
þegaflugið í dag.
Vélin kom í gærmorgun úr fyrsta
fraktfluginu og síðdegis í gær flugu
þeir Öm Sigurðsson yfirflugstjóri og
Hrafn Hauksson flugmaður henni til
Reykjavíkur þar sem hún var sýnd
gestum. Vélin er mun nýrri en frakt-
og farþegaþota sömu gerðar sem ís-
landsflug hefur notað síðustu árin en
sú vél fer nú í verkefni í Frakklandi.
Flugmennimir segja nýju vélina
með öflugri, sparneytnari og hljóð-
látari hreyfla en eldri gerðina og að
hún sé sömuleiðis búin meiri sjálf-
virkni og fullkomnari flugleiðsögu-
búnaði. Öm segir að vegna nýju þot-
unnar hafi verið bætt við þremur
áhöfnum en erlendar áhafnir annast
líka verkefni á þotum Islandsflugs í
Frakklandi og Karíbahafmu.
Nýir flugfreyju-
búningar
Á þessum tímamótum hefur félag-
ið tekið í notkun nýja flugfreyjubún-
inga, dragtir, sem hannaðar era af
Giovanna Faggioli á Ítalíu, ásamt
höttum sem Helga Rún hannaði.
Ágústa Halldórsdóttir yfírflugfreyja
segir að þeim hafi fjölgað úr 10 í 21
að undanfömu vegna aukinna verk-
efna félagsins. Einn flugþjónn
starfar hjá Islandsflugi.
Auk leiguflugsins og fraktflugs
annast Islandsflug áætlunarflug tfl
sjö staða innanlands og hefur auk
þotnanna þriggja í þjónustu sinni
ATR 42 skrúfuþotur sem bæði sinna
innanlandsflugi og Grænlandsflugi
og Dornier 228 vélar.
Olíuhreinsunarstöð á Austurlandi
Er til skoðun-
ar í iðnaðar-
ráðuneytinu
ÞÓRÐUR Friðjónsson, ráðuneytis-
stjóri iðnaðarráðuneytis, segir hug-
myndir erlendra fjárfesta um hugs-
anlega olíuhreinsunarstöð á Austur-
landi til skoðunar í ráðuneytinu.
Engir nýir áfangar séu í málinu í bili.
„Þetta mál er ekki langt komið en
er eins og öll mál af þessu tagi sem
berast til vandlegrar skoðunar,“
sagði ráðuneytisstjórinn. „Það er
ekkert hægt að segja um það á þessu
stigi hvort þetta er raunhæfur
möguleiki eða hægt að gefa því nein-
ar líkur.“ Þórður sagði olíuhreinsun-
arstöð ekki endflega þurfa að haldast
í hendur við hvort álver rís á Austur-
landi. „Það er töluvert mikill áhugi
fjárfesta um þessar mundir á að fjár-
festa hér á landi og verið að skoða
fjölmörg verkefni, sem sum eru ekki
annað en vangaveltur eins og gengur
þegar menn eru að velta fyrir sér
slíkum fjárfestingum. Þetta mál er
ekki á því stigi að ástæða sé til að ýta
undfr væntingar."
Júlíus Sólnes verkfræðingur
kvaðst í samtali við Morgunblaðið í
gær hafa verið í sambandi við Rússa
fyrir einu til tveimur áram sem
hefðu lýst áhuga sínum á þessu verk-
efni. Hugmynd þeirra sé að flytja ol-
íu frá Múrmansk til hreinsunar og sé
þá helst leitað að stað í Norður-Nor-
egi, á íslandi, í Færeyjum eða á Ir-
landi og hafi þeir helst horft á Aust-
urland í þessu skyni. Hann sagði
málið nú í höndum iðnaðarráðuneyt-
isins.
Rok og rigning á Nesjavöllum
Hestamenn afboð-
uðu komu sína
MIKIÐ rok og rigning á Nesjavöll-
um varð þess valdandi í gær að
hestamenn sem hugðu á áningu í
Nesjabúð hættu við ferðina vegna
afleits veðurs á staðnum. I samtali
við Morgunblaðið um kvöldmatar-
leytið í gær sagðist Hörður Ingi Jó-
hannsson, framkvæmdastjóri Nesja-
búðar, hafa varað hestamenn við að
koma fyrr um daginn, en hann átti
von á fjöratíu mönnum og sextíu
hestum um kvöldið. Sagði hann að
flestir hefðu afboðað komu sína og
reiknaði ekki með að þeir fáu sem
ekki höfðu afboðað myndu koma.
Veðrið var að sögn Harðar farið að
ganga lítið eitt niður, en mikil rign-
ing væri og allt á kafi í drullu og
vægast sagt „ömurlegt veður“. Ann-
ar eins fjöldi manna og hesta er
væntanlegur í Nesjabúð í dag, enda
er þetta sú helgi sumarsins sem
flestir hestamenn fara með hestana í
sumarhaga.
Fylgstu
með
nýjustu
fréttum
www.mbl.is
l
I
|