Morgunblaðið - 12.06.1999, Blaðsíða 66
66 LAUGARDAGUR 12. JÚNÍ 1999
MORGUNBLAÐIÐ
FRÉTTIR
Laxasúpan mikla
úr Kjósinni
ÞAÐ fer lítið fyrir skemmtilegum
hefðum á bökkum íslenskra laxveiði-
áa, utan að einstakir veiðimenn hafa
sínar kenjar og siði, en það er annað
mál. Tekist hefur að koma upp nokk-
urs konar hefð í tengslum við opnun
Norðurár, enda er hún fyrsta áin
sem opnuð er og þar má nánast
ganga út frá afla vísum þar eð eðli
árinnar kemur í veg fyrir að laxar
sem svo snemma
sumars ganga
dreifí sér um allar
jarðir eins og t.d. í
Þverá. Hefðin í
Norðurá hefur
enda snúist upp í
hálfgerða fjöl-
miðlaveislu. En
önnur skemmtileg hefð hefur þrifíst í
tengslum við Laxá í Kjós um nokk-
urra ára skeið.
Hefðin kom með kokkinum Sig-
urði L. Hall sumarið 1988 er hann
tók upp á því að mæta á árbakkanum
fyrsta morguninn og velja lax úr afla
veiðinanna. Laxinn notaði Sigurður
í laxasúpu sem hann hafði „smíðað“.
Rétturinn þótti þvílíkt afbragð, að
Sigurður hefur gert þetta flest sum-
ur síðan og sú hefð á komin að veiði-
menn verða að kyngja því þegjandi
ef Sigurður velur laxa þeirra til
súpugerðar. Súpan gengur síðan
undir nafninu „Laxasúpan mikla úr
Kjósinni".
Siggi Hall hefur ekki verið aðal-
kokkur í Kjósinni í mörg ár, en hann
er fenginn til að elda ofan í fyrsta
hollið, m.a. til að halda gömlu góðu
hefðinni sem er
því að lifa sitt ell-
efta ár. Hann brá
ekki út af vanan-
um á fimmtudags-
morguninn og
settist um Guð-
mund A. Péturs-
son sem veiddi
fyrsta lax sumarsins úr ánni, tæp-
lega 9 punda hæng í Kvíslafossi.
Sigurður segist vera mikill
aufúsugestur á árbakkanum og
menn taki því almennt vel þótt hann
hafí af þeim aflann. Undantekning
var Norðmaður einn fyrir nokkrum
árum, en sá hafði aldrei fyrr veitt
lax, en dró svo á land sinn Maríulax,
12 punda fisk og gladdist með svo
miklum tilþrifum að enn er talað um
það í Kjósinni. En
síðan birtist Siggi
Hall og vildi fá lax-
inn og stóð í streði
um tíma. Það var
ekki fyrr en búið
var að fullvissa
Norðmanninn um
að um þvílíkan
heiður væri að
ræða að það hálfa
væri nóg, að hann
lét undan. Hann lét
síðan manna hæst
yfir ágæti súpunn-
ar, en í lok veiði-
ferðar var síðan
löng rekistefna er
hann varð þess vís-
ari að hann fengi
ekki afslátt af fæðiskostnaði þar eð
hann hefði lagt til hluta af hráefni
veiðihússins.
Uppskriftin
Uppskriftin er ekkert leyndarmál
og kokkurinn segir hana einfalda en
tímafreka, Siggi hefur birt hana í
kokkabók sinni „Að hætti Sigga
Hall“ þar sem hún miðast við 6 til 8
manns:
Um það bil 8 til 12 punda lax,
flakaður og tilsnyrtur. Beingarður,
haus (tálkn fjarlægð) og afskurður
eru notuð í grunnsoð.
Grunnsoð: Beingarðurinn og af-
skurðurinn af laxinum, 1-2 gulræt-
ur, 2 græn epli, hálfur skorinn blað-
laukur, 3 sellerístilkar, hálf til heil
paprika eftir stærð, 1/3 teskeið timj-
an, 3-4 lárviðarlauf, ein teskeið
paprikuduft, ein teskeið milt karrí, 3
dl hvitvín, 2 1 kjúklingasoð, 1-2 mat-
skeið smjör.
Súpan: Grunnsoð, smjörbolla (100
g hveiti, 150 g smjör), VA rjómi, 3 el
púrtvín, 3 cl brandí eða vodka, salt
og hvítur pipar úr kvörn, hnífsoddur
af kajenpipar, 2-3 rauðlaukar eftir
stærð, skornir í báta, Vz súkkiní
skorið í hálfar sneiðar 3x1/3 paprika,
rauð, gul og græn, skornar í strimla,
1/3 blaðlaukur skorinn í strimla,
einn sellerístilkur skorinn í bita, 1
teskeið smjör, 1/3 matskeið timjan,
beinhreinsuð flökin af laxinum.
VIÐ EIGUM
SKÓNA
FYRIR ÞIG !
asiö
*
GEL- KAYANO
13600.-
GEL-A/IARKO
12600.-
Þeir sem skrá sig í
GEL-WO
8^100.-
GEL- PRODIGY
5890.-
Marfha Ernshdómr adstadar konur vid
valid á hlaupaskóm fyrir kvennahlaupid
19. júni. Hún verdur í LJMIífi í dag 12. júní
milli kl. 13 og 15.00
ÚTILÍF
kvennahlaupið fá 10% afslátt
af öllum hlaupaskóm !
Glæsibæ sími: 581 2922
Skerið beinin og afskurðinn niður
í bita. Skerið grænmetið í grunnsoð-
ið í grófa bita. Bræðið smjörið í stór-
um potti og látið bæði beinin og
grænmetið krauma þar ásamt
kryddinu. Hellið hvítvíninu yfir og
síðast soðinu. Látið suðuna koma
upp og fleytið ofan af alla froðu sem
kemur upp. Látið léttsjóða í 30 mín-
útur og síðan standa í aðrar 30 mín-
útur. Veiðið það mesta af innihald-
inu upp með fiskispaða og sigtið
tvisvar, fyrst í gegn um gróft sigti,
síðan í gegn um mjög fínt sigti. Setj-
ið aftur yfir til suðu.
Blandið smjörbolluna (hún á að
vera frekar þunnfljótandi, þannig
fæst bæði betra bragð af smjörinu
og minni hætta er á að súpan kekk-
ist) Takið pottinn af suðu og bætið
smjörbollunni út í smátt og smátt
þar til æskileg þykkt er á súpunni.
Bætið rjóma út í og bragðið til með
salti og pipar ef með þarf.
Takið allt grænmetið sem á að
nota í sjálfa súpuna og léttsteikið
það upp úr smjörinu í öðrum potti.
Laxaflökin skerum við í teninga,
u.þ.b. 2x2 cm að stærð. Rétt áður en
við berum súpuna fram bætum við
grænmetinu, kajenpiparnum og
áfenginu út í sjóðheita súpuna. Að
síðustu setjum við laxateningana út í
og hrærum þá mjög varlega með
sleif. Síðan berum við sjóðheita súp-
una fram í fallegri skál, helst með
loki, eða jafnvel beint úr pottinum ef
hann lítur vel út.
Fugla- og
náttúru-
skoðun
í Flóa
FUGLA- og náttúruskoðun verður í
friðlandinu í Flóa sunnudaginn 13.
júní. Einnig verður skoðaður árang-
ur af endurheimt votlendis og kynnt-
ar fyrirhugaðar framkvændir.
Samstarf Fuglavemdarfélagsins
og Eyrarbakka, síðar hins samein-
aða sveitarfélags í vestanverðum
Flóa, hefur nú staðið í á þriðja ár og
er friðlandið á austurbakka Ölfusár
dæmi um gott samstarf sveitarfélags
og áhugamannafélags við krefjandi
og nýstárlegt verkefni í náttúru-
vernd.
Hist verður við afleggjarann í
friðlandið, við bæinn Sólvang norðan
Eyrarbakka kl. 14:00 og ekið þaðan í
friðlandið (um 4 km spotti). Einar Ól.
Þorleifsson mun síðan fara fyrir
göngu frá Stakkholti, upp með tjörn-
um, að Rauðopnu.
Gengið á
Reykjavegin-
um með FI
FERÐAFÉLAGIÐ efnir til göngu-
ferðar frá Djúpavogi að Méltunnu-
klifi, sem er hluti af Reykjaveginum
svonefnda, á morgun, sunnudag.
Reykjavegurinn er nafn á gönguleið
eftir miðbiki Reykjanesskagans frá
Reykjanesvita að Þingvöllum.
Afanginn, sem farinn verður í 5-6
klst. göngu á sunnudaginn, er mjög
áhugaverður, en hann liggur fyrst
yfir Sogin, gamalt hverasvæði og síð-
an vestur með Núpshlíðarhálsi og
endar á Isólfsskálavegi, austan Gr-
indavíkur. Gönguleiðin liggur við
vesturmörk Reykjanessfólkvangs.
Brottfór er með rútu kl. 10.30 frá
BSI, austanmegin og Mörkinni 6. St-
ansað er við kirkjug. í Hafnarfirði.
Mikið úrval af
buxum frá BRAX
niu
Skólavörðustíg 4a,
s. 551 3069.