Morgunblaðið - 12.06.1999, Blaðsíða 13
MORGUNBLAÐIÐ
LAUGARDAGUR 12. JÚNÍ 1999 13
FRÉTTIR
Landmælmgar Islands og bandariska kortastofnunin NIMA endurnýja samning
Yerður mikill hvati að
verkefnum Landmælinga
Á FUNDI fulltrúa íslenskra stjóm-
valda og fulltrúa bandarísku korta-
stofnunarinnar NIMA (National
Mapping Agency) sem fram fór í
Washington dagana 4.-7. júní sl. var
lokið við gerð rammasamnings á
miili NIMA og varnarmálaskrif-
stofu utanríkisráðuneytisins m_eð
beinni tilvísun í varnarsamning ís-
lands og Bandaríkjanna frá 1951.
Rammasamningurinn kemur í stað
samnings frá 1976 en þó í breyttu
formi vegna breyttrar tækni og
vinnuaðferða við kortagerð.
Meðal annars kveður nýi samn-
ingurinn á um að Landmælingar ís-
lands og NIMA munu skiptast á
gögnum og sérfræðiþekkingu við
uppbyggingu stafræns kortagrunns
af Islandi. Ennfremur kveður hann
á um samkomulag um fjárframlag
NIMA til verkefnisins og aðstoð
NIMA við þjálfun starfsmanna
Landmælinga í Bandaríkjunum.
Einnig nær hann til aðgangs og
heimildar Landmælinga til notkun-
ar á prentuðum kortum af Islandi
sem varðveitt eru hjá NIMA og að-
gang Landmælinga að upplýsingum
NIMA um staðla og gæðakröfur
vegna kortagerðar og uppbygging-
ar stafrænna kortagrunna.
Að sögn Magnúsar Guðmundsson-
ar, forstjóra Landmælinga íslands,
mun samningurinn verða Landmæl-
ingum mikill hvati að þeim verkefn-
um, sem stofnunin hefur verið að
undirbúa og voru kynnt á ríkis-
stjórnarfundi á síðasta ári, en þau
verkefni felast í því að byggja upp
stafrænan kortagrunn af íslandi.
Mikilvægur hlekkur
í gerð stafræns kortagrunns
„Það er mikilvægur hlekkur í
vinnu við stafræna kortagrunninn
að ná þessum samningi við Banda-
ríkjamenn," sagði Magnús í samtali
við Morgunblaðið. Gert er ráð fyrir
að unnið verði að kortagrunninum
næstu 4-5 árin og að byggt verði á
þeim kortum sem unnin hafa verið í
samvinnu við Bandaríkjamenn á
undanfórnum áratugum. „Þetta
verður eitt mikilvægasta verkefni
stofnunarinnar á næstu árum.
Gagnagrunnur sem þessi, mun fela í
sér nákvæmustu kortagögn sem völ
er á og mun nýtast t.d. á sviði skipu-
lagsmála, náttúruvemdar, fast-
eignaskráningar, skráningar á
stjómsýslumörkum og einnig munu
margar stofnanir nýta sér kortin,“
sagði Magnús.
Morgunblaðið/Sigurður Aðalsteinsson
Litið á búskapinn
Hæstiréttur
Hækkaði
sekt um
rúmar 12,5
milljónir
HÆSTIRÉTTUR hækkaði sekt,
sem 42 ára gamall karlmaður hafði
hlotið í héraði fyrir brot gegn al-
mennum hegningarlögum, lögum
um virðisaukaskatt og lögum um
staðgreiðslu opinberra gjalda, úr 4
milljónum króna í rúmlega 16,6
milljónir króna á fimmtudag. Þá
staðfesti Hæstiréttur 4 mánaða skil-
orðsbundinn fangelsisdóm Héraðs-
dóms Reykjavíkur yfir manninum.
Maðurinn, sem var framkvæmda-
stjóri og varastjórnarformaður
einkahlutafélags er hann framdi
brotin, var ákærður fyrir að hafa
ekki staðið skil á virðisaukaskatti,
sem innheimtur hafði verið í nafni
félagsins, að fjárhæð tæpar 5,5
milljónir króna og fyrir að hafa ekki
staðið skil á staðgreiðslu opinberra
gjalda, sem haldið var eftir af laun-
um starfsmanna félagsins að fjár-
hæð 2,8 milljónir króna.
Hann hlaut 4 milljóna kiúna sekt
samkvæmt dómsorði dómara við
Héraðsdóm Reykjavíkur, en Hæsti-
réttur hækkaði sektina upp í 16
milljónir og 626 þúsund krónur eða
sem svarar tvöfaldri þeirri skatta-
fjárhæð, sem ákærði stóð ekki skil á.
Þótti ekki fært að verða við kröfu
ákærða um að við ákvörðun fésektar
hans yrði farið niður fyrir lögbundið
lágmark með stoð í 1. málsgrein 51.
greinar almennra hegningarlaga.
FRÆNKURNAR Dóra Sigurbjörg
Guðmundsdóttir úr Reykjavík og
Diljá Barkardóttir frá Egilsstöðum
fengu að fara með afa sínum, Hall-
dóri Sigurðssyni, þegar hann átti
erindi að Laufási í Hjaltastaða-
þinghá. Fengu þær að líta á bú-
skapinn. Sauðburður stóð enn yfir
og fylgdust þær með tvflembingum
koma í heiminn. Myndin var tekin
þegar kindin var að kara fyrra
lambið.
Sveitar-
stjórinn á
Raufarhöfn
sagði upp
SVEITARSTJÓRINN á Raufar-
höfn, Gunnlaugur Júlíusson, hefur
sagt upp störfum og hefur hann
jafnframt beðist lausnar sem sveit-
arstjómarmaður. Mun varamaður
hans, Björg Eiríksdóttir, taka sæti
hans.
„Á fundi sveitarstjómar Raufar-
hafnarhrepps þann 10. júní sagði
Gunnlaugur Júlíusson upp starfi
sínu sem sveitarstjóri Raufarhafn-
ar. Hann óskaði jafnframt eftir
lausn frá setu í sveitarstjórn en
hann var kosinn í sveitarstjórn
Raufarhafnar í síðustu sveitar-
stjómarkosningum,“ segir í frétta-
tilkynningu frá Raufarhafnar-
hreppi.
Gunnlaugur sagðist ekki vilja tjá
sig um uppsögnina, slíkt þjónaði
engum tilgangi. Hann kvaðst
myndu láta af störfum fljótlega.
Gunnlaugur var kjörinn í sveitar-
stjórn við síðustu kosningar fyrir
rúmu ári, en hann gegndi einnig
starfi sveitarstjóra á síðasta kjör-
tímabili.
Samkvæmt heimildum Morgun-
blaðsins kom fram tillaga að van-
trausti á störf Gunnlaugs á fundi
sveitarstjómar síðastliðinn mánu-
dag. Fulltrúar G-lista, Alþýðu-
bandalags, þeir Þór Friðriksson
oddviti og Reynir Þorsteinsson,
bám fram tillöguna en Gunnlaugur
er þriðji maður listans á móti R-
lista minnihlutans, sem Bergur
Guðmundsson og Hafþór Sigurðs-
son skipa. Minnihlutinn snerist
Gunnlaugi til vamar og var því van-
trauststillagan felld en varamaður
Bergs sat fundihn. Samkvæmt
heimildum Morgunblaðsins er ýmis
gagnrýni á Gunnlaug rótin að van-
trauststillögunni.
Auglýst verður eftir nýjum sveit-
arstjóra á næstunni.
Hald lagt á
skartgripi
LÖGREGLAN í Reykjavík
hefur í fómm sínum talsvert
magn af skartgripum sem lög-
reglan lagði hald á við húsleit
20. maí sl. í tengslum við hand-
töku karlmanns, sem gmnaður
er um aðild að innbrotum.
Meðal skartgripanna er
handsmíðuð barmnæla, sem er
frá Jens gullsmiði og er merkt
„Snorri". Biður lögreglan þann
sem kannast við næluna að
hafa samband við rannsóknar-
deild.
Morgunblaðið/Ómar
/
Ur vöndu að ráða
PÓSTKORTASALA er óaðskilj-
anlegur hluti ferðamannatíma-
bilsins og til að auðvelda ferða-
mönnum aðgang að þeim stilla
bókakaupmenn þeim gjarnan
upp fyrir framan verslanir sinar.
Er oft út vöndu að ráða þar sem
úrvalið af póstkortum er mikið
og geta menn því varið drjúgum
tfma í að velja. Er líða fer á sum-
arið er það algeng sjón að sjá
ferðamenn sitja á kaffihúsum
með dreyminn svip er þeir riQa
upp ævintýri íslandsferðarinnar.
Breytt tilhögun á yfirvinnu leikskólakennara í Kópavogi
Tæplega 60 af 80 hafa
dregið uppsögn til baka
TÆPLEGA 60 leikskólakennarar í
Kópavogi höfðu í gær dregið upp-
sagnir sínar til baka í kjölfar til-
boðs um nýjan kjarasamning frá
bæjaryfirvöldum, að sögn Sigur-
rósar Þorgrímsdóttur, nýráðins
formanns leikskólanefndar Kópa-
vogs. Alls höfðu um 80 leikskóla-
kennarar sagt upp störfum vegna
óánægju með kaup og kjör. Sigur-
rós kvaðst vonast til að flestir, sem
eftir væru, drægju uppsögn sína til
baka á næstunni.
Sigurrós segir að tilboðið hljóði
upp á breytingu á tilhögun yfir-
vinnu leikskólakennara og var sú
breyting samþykkt í bæjarráði 16.
maí síðastliðinn.
Samþykkt var að leikskólakenn-
arar fengju greidda fjóra yfir-
vinnutíma í mánuði, miðað við
heila stöðu, til að efla foreldrasam-
starf, t.d. með foreldraviðtölum ut-
an dagvinnutíma og mæta því
óformlega foreldrasamstarfi sem
óhjákvæmilega er til staðar. Þeir
sem eru í hlutastörfum fá greitt
hlutfallslega.
Þá var fallist á að þeir fengju
greidda fjóra yfirvinnutíma á mán-
uði, miðað við heila stöðu, til að
vinna að leikskólanámskrá og
námsgagnagerð. Þeir sem eru í
hlutastörfum fá greitt hlutfalls-
lega.
Að síðustu var samþykkt að
leikskólakennarar fengju greidda
fjóra yfirvinnutíma í mánuði miðað
við heila stöðu, til að vinna að
gæðamati og gæðaþróun í leikskól-
unum og til skýrslugerðar. Þeir
sem eru í hlutastöðum fá greitt
hlutfallslega.
Leikskólastjóra er heimilt að
halda allt að sex fundi á ári, utan
vinnutíma, þar sem leikskólakenn-
arar, og annað fagfólk leikskóla
undir verkstjórn leikskólastjóra,
vinnur að mótun uppeldisstefnu
leikskóla og skipulagningu leik-
skólastarfsins. Þessir fundir eru
utan fastrar yfirvinnu leikskóla-
stjóra.
Þessi tilhögun gildir frá 1. janú-
ar 1999 til 31. desember árið 2000
fyrir alla þá leikskólakennara er
draga uppsögn sína til baka.