Morgunblaðið - 12.06.1999, Page 20

20 LAUGARDAGUR 12. JÚNÍ 1999
FRETTIR
MORGUNBLAÐIÐ
Morgunblaðið/Golli
Steinar Björnsson
Dúx Menntaskólans
við Hamrahlíð
Tómstunda-
iðkun bitnaði
lítið á náminu
STEINAR Bjömsson, sem náði
besta heildarárangri nemenda á
stúdentsprófi frá Menntaskólanum
við HamrahUð í vor, hefur gefið sér
tíma til að Sinna ýmsu öðru en
náminu. Steinar hefur spilað knatt-
spymu og handbolta með Fjölni og
leikur á trompet í skólahljómsveit
Grafarvogs. Hann kennir á
trompet auk þess að læra sjálfur á
hljóðfærið.
Steinar segir að þótt dijúgur
tími hafi farið í tómstundaiðkun
hafi það lítið bitnað á náminu, aðal-
atriðið sé að skipuleggja tíma sinn
vel. Steinar nýtti eyður í stunda-
töflunni til lærdóms og vann
heimavinnuna um leið og hann kom
heim úr skólanum. Þannig gafst
honum góður tími til að sinna öðr-
um hugðarefnum.
Mikill keppnismaður
Steinar ákvað að fara í MH til að
geta valið sér áfanga eftir áhuga.
Hann er mikill áhugamaður um
stærðfræði og lauk öllum stærð-
fræðiáföngum sem skólinn hefur í
boði að einum undanskildum.
„Stærðfræði er ekki utanbókarlær-
dómur heldur reynir hún á skiln-
ing,“ sagði Steinar og hann segir
keppnisskapið koma upp í sér þeg-
ar hann glímir við erfiðar stærð-
fræðiþrautir. „Það er gaman þegar
tekst að leysa erfitt verkefni."
í haust ætlar Steinar að spreyta
sig á læknisfræðinni, hann segist
hafa ákveðið að verða læknir fyrir
löngu og hefur mikið velt fyrir sér
öðrum lækningaaðferðum en hefð-
bundnum vestrænum. Steinar hef-
ur til að mynda kynnt sér náttúru-
lækningar og svokallaða höfuð-
beina- og spjaldhryggjalæknis-
fræði. Hann hefur þó ákveðið að
byrja í læknadeild Háskólans, enda
er dýrt að halda utan til náms.
„Eg fer í hitt seinna, það er bara
spuming hvenær,“ sagði Steinar að
lokum.
Hvítir kollar
Hvítir kollar hafa sett sterkan svip á mann-
lífíð síðustu vikur. Nær allir framhaldsskól-
ar landsins hafa nú útskrifað nemendur.
Eftir áralangt nám hafa nemendurnir upp-
skorið laun erfíðisins og við þeim blasir
framtíðin, full af spennandi viðfangsefnum,
A hringferð um landið tók Morgunblaðið
tali nemendur sem náð hafa framúrskar-
andi námsárangri og grennslaðist fyrir um
áhugamál þeirra, vonir og væntingar.
ATLI Gunnar Amórsson hlað-
inn viðurkenningum.
Fjölbrautaskóli
Norðurlands vestra
Dúx, bassi
og safnvörður
frá Glaumbæ
Sauðárkróki. Morgunbiaðið.
ATLI Gunnar Amórsson írá Glaum-
bæ í Skagafirði hlaut fjölmargar við-
urkenningar fyrir góðan námsár-
angur við útskrift og skólaslit Fjöl-
brautaskóla Norðurlands vestra í
vor.
Atli Gunnar lauk prófi af eðlis-
fræðibraut og auk viðurkenninga fyr-
ir framúrskarandi árangur í stærð-
fræði og raungreinum hlaut hann
sams konar viðurkenningar fyrir ár-
angur í íslensku, ensku og þýsku.
Þegar haft var samband við Atla
var hann í langferðabíl á leið til
Mílanó. Atli syngur bassa í kór Fjöl-
brautaskólans og fór strax eftir
skólaslit í söngferð með kómum til
Ítalíu.
Atli Gunnar sagði að ferðin hefði
gengið vel og verið ánægjuleg í alla
staði, sungið hafi verið í Feneyjum
og víðar og kórinn hefði uppskorið
vel eftir mikið vetrarstarf. Atli sagði
að námið hefði að sjálfsögðu setið
fyrir en hæfileg þátttaka í félagslífi
skólans væri nauðsynleg og kór-
starfið væri gefandi og skemmtilegt.
Onnum kafinn í sumar
I sumar verður Atli við heyskap
og önnur hefðbundin landbúnaðar-
störf í Glaumbæ og hyggst njóta
sumarsins. Atli er einnig starfs-
maður byggðasafnsins í Glaumbæ
og tekur þátt í starfi Flugbjörgun-
arsveitarinnar í Varmahlíð. Hann
gerir ráð fyrir að verða á flakki
vegna æfinga og annars tengdu
sveitinni fram til hausts. Þá hyggst
hann hefjast handa við nám í um-
hverfis- og byggingarverkfræði.
Morgunblaðið/Golli
Selma Rut Þorsteinsdóttir
Dúx Fjölbrauta-
skólans í Breiðholti
Ahugi ræður
árangri
SELMA Rut Þorsteinsdóttir er
fyrsti dúx Fjölbrautaskólans í
Breiðholti sem útskrifast af mynd-
listarbraut.
„Nám er vinna og ef maður vinn-
ur vel nær maður árangri,“ sagði
Selma í samtali við Morgunblaðið
og hún segir áhuga skipta miklu um
árangur. Þegar Selma var átta ára
ákvað hún að verða listmálari og
þótt ýmsir í fjölskyldunni vildu að
hún veldi sér aðra braut í fram-
haldsskóla varð henni ekki haggað.
Selma er ánægð með þá menntun
sem hún hlaut í FB, hún segist hafa
lært mikið og þroskast og þá ekki
síst í myndlistinni. Hún segir mat
sitt á myndlist mikið hafa breyst,
margt sem henni fannst áður
ómerkileg list kann hún nú að meta.
Ætlar að verða rík og fræg
Selma hefur nám í grafískri hönn-
un í Listaháskólanum í haust, hún
segir meira þurfa til en góða tölvu-
kunnáttu í námið og telur að mynd-
listarhæfileikar hennar muni nýtast
vel. Selma fékk skanna og prentara í
sameiginlega stúdents- og tvítugsaf-
mælisgjöf og getur því farið að búa
sig betur undir skólann.
Að loknu námi hér heima stefnir
Selma á frekara nám erlendis til að
víkka sjóndeildarhringinn, um
framtíð sína hefur hún annars þetta
að segja: „Ég ætla að verða rík og
fræg.“
Morgunblaðið/Skapti
ERNA Þórey Björnsdóttir fékk
viðurkenningu fyrir námsár-
angur í frönsku, íslensku og
dönsku í VMA.
Verkmenntaskólinn
á Akureyri
Til Frakk-
lands eða
út á land
Akureyri. Morgunblaðið.
ERNA Þórey Bjömsdóttir varð
stúdent af myndlistar- og hand-
menntabraut Verkmenntaskólans á
Akureyri í vor. í VMA tíðkast ekki
að gefa meðaleinkunnir eða heiðra
dúxa, þannig að formlega er enginn
slíkur til. Þó er vitað að Erna Þórey
var að minnsta kosti með þeim
hæstu á stúdentsprófi; „ég reiknaði
sjálf út meðaleinkunnina mína og
fékk út 9,2,“ segir hún við Morgun-
blaðið.
Nemendur eru verðlaunaðir fyrir
námsárangur í einstökum greinum í
VMA og Ema Þórey hlaut þrenn
slík á útskriftarhátíð skólans; fyrir
árangur í frönsku, dönsku og ís-
lensku. Hún segist hafa mestan
áhuga á íslenskunni og flestar auka-
einingar sem hún tók í skólanum
vom á því sviði. „Ég ætla að fara í
íslensku og bókmenntir í háskólan-
um fyrir sunnan, jafnvel líka í fjöl-
miðlafræði," segir Erna þegar hún
er spurð um framhaldið, og bætir
svo við: „En ekki strax; nú ætla ég
að taka mér frí í eitt eða tvö ár. Ég
verð að vinna á Bautanum [sem
þjónn] í sumar, og í haust fer ég ef
til vill út, jafnvel til Frakklands, til
að bæta einhverja við það sem ég
lærði í frönsku í skólanum."
En hvers vegna þessi mikli ís-
lenskuáhugi?
„Ég veit það varla,“ segir hún, en
rifjar upp að strax í æsku hafi hún
lesið mjög mikið. „Oft las ég einar
tíu bækur á viku sem krakki. Byrj-
aði gjaman á bók að kvöldlagi og
las alla nóttina. Ég hef lesið mun
minna af bókmenntum núna meðan
ég var í skólanum," segir hún. Ljóð
og fagurbókmenntir ýmiss konar
eru í uppáhaldi hjá henni. Uppá-
haldshöfundar? Hún nefnir Laxness
og segist svo stefna að því að lesa
sem mest af íslendingasögunum á
næstunni.
Erna Þórey, sem verður tvítug í
sumar, var fjögur ár í VMA. „Ég
ætlaði að taka þetta á styttri tíma,
þremur til þremur og hálfu ári, en
brautin mín er aðeins lengri en
venjuleg bóknámsbraut og það var
erfitt að koma stundaskránni al-
mennilega saman með því að fara
hraðar. Það skiptir þó engu máli; nú
er ég búin.“
Hún segist hafa unnið mjög mikið
í vetur, sem þjónn á Bautanum á
kvöldin. „Allt upp í 60 til 70% vinnu
suma mánuðina, vegna þess að hér
vantaði fólk. Þetta er reyndar
fyrsta árið sem ég vinn svona mikið
með skólanum, en ég tók líka fæstar
einingar á þessari síðustu önn. Var
búin með flest það bóklega áður. Ég
var líka í félagsmálum fyrir áramót,
var þá í nemendaráði, og var þá enn
uppteknari."
Ef Ema fer ekki úr landi hyggst
hún fara eitthvert út á land í haust
til að kenna. „Ég ætla mér að kenna
íslensku í framhaldsskóla í framtíð-
inni, eftir nám. Ég hef ekki áhuga á
málfræðinni sem slíkri, heldur á
ljóðum og bókmenntum og vil því
frekar kenna unglingum en böm-
um. Ef kennarastarfíð á ekki við
mig ætla ég að hafa fjölmiðlunina
upp á að hlaupa. Ef hún á heldur
ekki við mig verð ég líklega bara að
lifa af listinni!" segir Ema Þórey og
brosir.
Morgunblaðið/Björn Blöndal
BJARNFRÍÐUR Einarsdóttir
úr Garði, nýstúdent og dúx úr
Fjölbrautaskóla Suðurnesja.
Dúx Fjölbrauta-
skóla Suðurnesja
Ætlar að
verða
arkitekt
Reykjanesbæ.Morgiinblaðið.
,A.RKITEKTÚR er það fag sem
mig langar að læra og ég hef sett
stefnuna á Frakkland næsta haust,
en þangað til mun ég einbeita mér
að því að vinna fyrir hluta af náms-
kostnaðinum," sagði Bjamfríður
Einarsdóttir, nýstúdent og dúx úr
Fjölbrautaskóla Suðumesja, í sam-
tali við Morgunblaðið.
Bjamfríður er 20 ára og búsett í
Garði. Foreldrar hennar em Einar
Bjamason og María Anna Eiríks-
dóttir. Auk verðlauna fyrir besta
heildamámsárangur hlaut Bjam-
fríður sérstök verðlaun fyrir góðan
árangur í stærðfræði og raungrein-
um á stúdentsprófi.
Árangurinn kom
skemmtilega á óvart
Bjarnfríður sagðist alls ekki hafa
átt von á að hljóta hæstu einkunn,
það hefði komið sér skemmtilega á
óvart því margir frábærir nemend-
ur hefðu verið í skólanum í vetur.
Hún sagði að raungreinar virtust
liggja vel fyrir sér og svo hefði hún
sérstakan áhuga á frönsku. Bjam-
fríður segist ekki enn hafa gert upp
við sig hvemig arkitektúr hún
hyggst læra, „það verður bara að
koma í ijós,“ sagði hún.
Hún er þegar farin að safna fyrir
náminu í Frakklandi sem tekur
fimm ár og starfar nú sem gjaldkeri
í Landsbankanum í Leifsstöð og
bakar auk þess pitsur hjá Pizza 67 í
Keflavík.
SJÁBLS.22