Morgunblaðið - 08.12.2000, Qupperneq 1

STOFNAÐ 1913
283. TBL. 88. ÁRG. FÖSTUDAGUR 8. DESEMBER 2000 PRENTSMIÐJA MORGUNBLAÐSINS
Enn óvíst um úrslit forsetakosninganna í Banda-
ríkjunum þegar mánuður var liðinn frá kjördegi
Dómsúrskurða
beðið með óþreyju
Tallahasse, Washington. AFP, AP.
MÁLFLUTNINGUR fór fram í
gær fyrir hæstarétti Flórídaríkis
um þá kröfu lögmanna Als Gores að
þúsundir vafaatkvæða yrðu endur-
taldar. Ekki var víst í gærkvöld hve-
nær rétturinn myndi kyeða upp
úrskurð sinn, en hans var beðið í of-
væni. Þá var búist við að umdæmis-
dómarar kvæðu í dag upp úrskurð í
tveimur málum, þar sem stuðnings-
menn Gores krefjast þess að
þúsundir utankjörfundaratkvæða í
forsetakosningunum í Flórída verði
dæmdar ógildar. Enn var því óvíst í
gær um úrslit bandarísku forseta-
kosninganna, þegar réttur mánuður
var liðinn frá kjördegi.
í málunum tveimur, sem eru til
meðferðar hjá umdæmisdómurum í
ríkishöfuðborginni Tallahasse,
krefjast stuðningsmenn Gores í
Seminole- og Martin-sýslum þess að
samtals 25 þúsund utankjörfundar-
atkvæði í Flórída verði dæmd ógild,
þar sem repúblikanar hafi notið
óeðlilegra ívilnana við afgreiðslu
umsókna um utankjörfundarat-
kvæðagreiðslu. Urskurðir umdæm-
isdómaranna gætu ráðið úrslitum
bandarísku forsetakosninganna,
rétt eins og úrskurðurinn í áfrýjun-
armáli lögmanna Gores, sem liggur
fyrir hæstarétti Flórída.
Dómarar hæstaréttar
gengu hart fram
Lögmenn Gores fara fram á að
hæstiréttur Flórída fyrirskipi end-
urtalningu á 14 þúsund vafaatkvæð-
um frá sýslunum Miami-Dade og
Palm Beach. Lögmenn George W.
Bush krefjast þess á hinn bóginn að
hæstiréttur staðfesti úrskurð Sand-
ers Sauls, dómara í ríkishöfuðborg-
inni Tallahasse, en hann hafnaði
endurtalningunni.
Málflutningurinn í gær tók rúma
klukkustund, og gengu hæstaréttar-
dómararnir hart fram í að spyrja
lögmenn beggja fylkinganna. Einn
dómaranna greip þannig fram í fyr-
ir David Boies, aðallögmanni Gores,
áður en hann hafði lokið við að
kynna sig, og spurði hann hvort
dómstóllinn hefði í raun og veru lög-
sögu í málinu. Boies fullyrti að svo
væri, en þegar aðallögmaður Bush,
Barry Richard, var spurður sömu
spurningar skömmu síðar sagðist
hann telja að dómstóllinn hefði „afar
takmarkað" vald til að fjalla um
málið.
Báðir málsaðilar lögðu áherslu á
nauðsyn þess að flýta úrskurðinum,
enda rennur frestur ríkjanna til að
tilnefna kjörmenn út á þriðjudag í
næstu viku. Löggjafarþingið í Flór-
ída íhugar að tilnefna kjönnenn rík-
isins sjálft, ef málarekstur vegna úr-
slitanna stendur þá enn.
Óvíst að Gore viðurkenni ósig-
ur þó dæmt verði Bush í vil
Þó almennt sé talið að vonir Gor-
es um að bera sigur úr býtum verði
að engu ef hæstiréttur dæmi Bush í
vil, sagði einn lögmanna hans, Dext-
er Douglas, að ekki væri víst að
varaforsetinn viðurkenndi ósigur þó
svo færi. „Þið hélduð það, og við
héldum það hugsanlega, en það gæti
farið á annan veg,“ sagði Douglas,
en Boies hafði áður lýst því yfir að
töpuðu demókratar málinu fyrir
hæstarétti Flórída myndi það binda
enda á allan málarekstur af þeirra
hálfu.
Jólaundirbúningur í Jerúsalem
UNDIRBUNINGUR jólanna er
hafinn í Jerúsalem eins og annars
staðar. Ungur drengur sést á
myndinni virða fyrir sér jólasvein
inn um búðarglugga f gömlu borg-
inni í Jerúsalem í gær, en verslun-
areigendur í borginni segja að sala
á jólaskrauti og jólagjöfum sé mun
minni en venjulega. Kenna þeir
átökunum við Palestmumenn um.
Óeirðir við upphaf leiðtogafundar Evrópusambandsins í Nice
Fyrirheit gefin um að ljúka
undirbúningi stækkunar
Nice. Reuters, AP.
AP
Róttækir stuðningsmenn evrópsks sambandsríkis í kröfugöngu í Nice í
gær. Á einum borðanum stendur: Eina sljórn fyrir Evrópu.
í NICE í Suður-Frakklandi hófst í
gær fundur leiðtoga Evrópusam-
bandsins (ESB) sem vonir eru
bundnar við að marki tímamót í
samrunaþróun álfunnar. Leiðtogar
aðildarríkjanna fimmtán létu há-
vær mótmæli andstæðinga hnatt-
væðingar við upphaf fundarins
ekki trufla sig og hétu því að búa
sambandið í stakk til að taka inn
allt að þrettán ný aðildarríki á
næstu árum.
Gáfu þeir þetta loforð í viðræð-
um við fulltrúa umsóknarríkjanna
sem eru orðnir langþreyttir á því
hve það hefur dregizt á langinn hjá
núverandi aðildarríkjum að „vinna
sína heimavinnu“ fyrir stækk-
unina, þ.e. að stokka upp innra
skipulag sambandsins og fyrir-
komulag ákvarðanatöku til að
hægt sé að fjölga aðildarríkjum án
þess að stofna starfshæfni þess í
hættu.
„Við leggjum gríðarlega mikið
upp úr því, að innri umbótum ESB
verði lokið með árangursríkum
hætti svo að sambandið verði til-
búið í stækkunina," sagði Jerzy
Buzek, forsætisráðherra Póllands.
„Ef þetta gerist ekki [hér í Nice]
er hætt við að markmiðið um stöð-
ugleika, öryggi og velmegun í álf-
unni allri renni út í sandinn,“ bætti
Buzek við.
ESB-leiðtogarnir verða að finna
málamiðlanir í erflðum ágreinings-
málum - svo sem á hvaða sviðum
meirihlutaákvarðanir skuli teknar
upp í stað samhljóða samþykkis -
og gefa Evrópuþinginu og þjóð-
þingum aðildarríkjanna nægan
tíma til að ljúka fullgildingu þess-
ara umfangsmestu breytinga á
stofnsáttmála sambandsins frá því
í Maastricht fyrir níu árum, þannig
að tæknilega verði ekkert því til
fyrirstöðu að hægt verði að hrinda
fyrstu stækkunarlotunni til aust-
urs í framkvæmd árið 2003.
Búizt er við að það reynist erfitt
að ná samkomulagi og að viðræð-
urnar í Nice muni teygjast fram á
nætur og lengjast úr þremur sólar-
hringum í fjóra.
,jUlir eru viljugir til að ná sam-
komulagi hér í Nice svo að ekki
verði nein töf á stækkunarferlinu,"
sagði Jacques Chirac Frakklands-
forseti við upphaf fundarins en
með honum lýkur hálfs árs for-
mennskutímabili Frakka í ráð-
herraráði ESB. Svíar taka við um
áramótin.
Borgararéttindaskrá
ESB samþykkt
Á þessum fyrsta degi fundarins
samþykktu leiðtogarnir formlega
nýsamda borgararéttindaskrá
ESB í formi pólitískrar yfirlýsing-
ar sem ekki er lagalega bindandi.
Sumir hafa þó viljað sjá í skránni
grunninn lagðan að framtíðar-
stjórnarskrá evrópsks sambands-
ríkis.
■ Nice/33
Rússar og
Bandaríkjamenn
Krefjast
hertra að-
gerða SÞ
Sameinuðu þjúðirnar. AFP, AP.
RÚSSAR og Bandaríkjamenn lögðu í
gær fram í sameiningu kröfu um að
öryggisráð Sameinuðu þjóðanna herti
refsiaðgerðir gegn Afganistan, vegna
stuðnings stjómar Talebana við
hryðjuverkamenn.
Samkvæmt ályktunartillögu Rússa
og Bandaríkjamanna yrði Talebana-
stjóminni skipað að loka öllum þjálf-
unarbúðum hryðjuverkamanna í
landinu innan 30 daga, undir eftirliti
Sameinuðu þjóðanna. Áð öðrum kosti
yrði sett vopnasölubann á landið,
skrifstofum Talebana í aðildarríkjum
SÞ yrði lokað tafarlaust, auk þess
sem eignir hryðjuverkamannsins Os-
ama bin Laden yrðu frystar.
Bin Laden er meðal annars eftir-
lýstur fyrir að hafa skipulagt tilræðin
við sendiráð Bandaríkjanna í Kenýa
og Tansaníu árið 1998, og Rússar
saka hann um að styðja við bakið á
uppreisnarmönnum í Tsjetsjeníu.
Talebanar hafa staðfastlega neitað að
framsejja hann.
MORGUNBLAÐIÐ 8. DESEMBER 2000