Búnaðarrit - 01.01.1952, Blaðsíða 44
42
BÚNAÐARRIT
varð nálægt 460000 kr., eða liðugar 150 kr. á ha.
Mikið af áveitulandinu var þýft. Misjafnt er það,
hvernig þeir 30 bændur, sem áveitunnar njóta, nytja
sér hana, en víst er að engjar á Skeiðunum eru nú
betri og árvissari með sprettu en þær voru áður.
Stærsta og dýrasta áveituframkvæmdin, sem ráð-
ist hefur verið í, er Flóaáveitan, sem gerð var á ár-
unum 1921—30, og er þó varia fullgerð enn, þar sem
garða vantar sums staðar til að hafa fullkomið vald
á vatninu. Það er með hana eins og Skeiðaáveituna,
bændur nota sér hana misjafnt. Talið er að áveitu-
landið sé 11470 ha. Áveitan kostaði yfir tvær millj.
og var ódýrari að tiltölu en Skeiðaáveitan.
Enn hafa verið framkvæmdar áveitur á Víkur-
mýrar í Skagafirði, Safamýri í Rangárvallasýslu,
Staðarbyggðarmýrar í Eyjafirði, Þinginu í Austur-
Húnavatnssýslu, Forunum í Ölvusinu og víðar. Á
árunum frá aldamótum og fram um 1940, var mjög
mikill áliugi fyrir engjabótum. Síðan hefur hann
minnkað, og útheysskapurinn jafnframt minnkað,
eins og sést af því, að:
1901—10 var hann að meðaltali 1 285 000 hestar
1911—20 — — — — 1 446 500 —
1921—30 — — — — 1 309 000 —
1931_40 — — — — 1 054 000 —
1941—50 — — — — 744 000 —
Og síðustu árin er hann aðeins kringum 600 000 hest-
ar, og er það að langmestu leyti af áveituengjum,
ýmist þeim, er mennirnir hafa gert, eða hinum, sem
sjálfgerðar má telja, eins og sums staðar er með
ánum, og við fjarðarbotna, eins og í Borgarfirði,
Rauðasandi, Önunarfirði, Axarfirði, Skagafirði, Eyja-
firði og viðar.
Engan vafa tel ég á því, að áveitunum hefur verið
gefinn of lítill gaumur nú um nokkur ár. Af þeim
fæst ódýrasta fóðrið og ódýrasti heyskapurinn. Og