Morgunn - 01.06.1946, Qupperneq 45

MORGUNN
35
Fyrirbrigði hans voru rannsökuð og staðfest af mörgum
hæfum vísindamönnum, eins og þeim Sir William Crookes,
síðar forseta Konunglega brezka vísindafélagsins, Sir
David Brewster og Cromwell Varley. Flestir þeir, sem
fundina sátu með Home, virðast hafa snúizt til spiritismans,
og flestir þeir, sem efagjarnastir voru, en rannsökuðu af
nægilegri þolinmæði, urðu að játa, að hér væru að verki
önnur öfl en jarðnesk. Sir William Crookes segir í riti
sínu, Researches in the Phenomena of Spiritualism, á þessa
leið: „Að viss líkamleg fyrirbrigði, eins og lyftingar þungra
hluta, hljóð, sem likjast því að þau væru framleidd með
raforku, gerast á þann hátt, sem ekki er unnt að skýra út
frá lögmálum, sem vér ennþá þekkjum, er staðreynd, sem
ég er eins sannfærður um og grundvallaratriðin í efna-
fræðinni. ... En enn sem komið er, þori ég ekki að setja
fram nokkra tilgátu um uppruna þessara fyrirbrigða".
Þetta segir Sir William Crookes í áðurnefndu riti sínu,
en eftir reynslu sína hjá líkamningamiðlinum mikla, img-
frú Cook sannfærðist þessi frægi efnafræðingur og djarfi
sálarrannsóknamaður um, að þessi fyrirbrigði sönnuðu
tilveru framliðinna manna.
Næsta mikilvæga sporið var miðilsstarf W. Stainton
Moses. Enginn möguleiki reyndist til að sanna svik á
hann, enda starfaði hann ævinlega endurgjaldslaust fyrir
vini sína. Home tók heldur aldrei gjald fyrir starf sitt, en
hann mun hafa tekið við gjöfum og það er víst, að hann
þáði gistivináttu hjá frægu fólki á sinni tíð. En Stainton
Moses lifði sínu kyrrláta lífi og var ákaflega mikill starfs-
maður, hann vann fyrst fyrir sér sem prestur og síðar
sem skólastjóri, og átti virðing allra, sem þekktu hann.
Fyrirbrigðin hjá honum voru oft þannig, að ekki gat verið
Urn svik eða blekkingar að ræða, og það er ekki unnt
að skýra fyrirbrigðin, sem fundarmenn fengu hjá honum,
öðruvísi en svo, að þau stöfuðu frá ójarðneskum vits-
ttiunaverum, nema gert sé ráð fyrir meiri vonzku og valdi
undirvitundarinnar en nokkur skynsamleg ástæða er til.