Tímarit Máls og menningar - 01.11.1967, Side 62
Tímarit Máls og menningar
sá góði mann! — I haust var það há-fasionabelt, að blóta allri miðlun og
hrópa vei yfir allri Valtýsku. Og sjálfsagt var að lesa ykkur Vestanmönnum
líkan texta. Nú sefur grund og bjarka blómi. Opt hefur mér þótt frú Pólitíka
grettin um æfina, en nú kastar tólfunum. Um hana má nú kveða: „Kerlingar
var kj— grár,“ etc. I sumar hugsaði jeg og eflaust margir óbrjálaðir menn, að
einmitt einhver sættapólitík lægi í loptinu, og einmitt nú nýr gáll á Dönum
og jafnvel stjórninni sjálfri að mæta oss á miðri leið. En nú sýnist allt um
snúið og síðari villan tíusinnum argari en hin fyrri, enda er málið orðið rógs
og fjandskaparmál milli skárstu manna þjóðarinnar. Vel þeim, sem lausir
eru allra mála.
Með óskum gleðilegra jóla og kærri kveðju til frúar yðar er jeg yðar
skuldbundinn vinur
Matth. Jochumsson.
20/4 1899
Háttvirti vin!
Sigurður Kristjánsson kveðst ekki ganga í kapp við nokkurn mann um
forlag bóka, en „bíða megi jeg, ef jeg vilji betri tíða“ — líklega meinar hann
þangað til árið eptir eilífðina!! Með umtal okkar eða samning er jeg og
vel ánægður og er h'ka sannfærður um að yður [gengur] ekki annað fremur
en drengskapur til, því ekki er jeg svo skyni skroppinn að jeg viti ekki
hvernig okkar bókamarkaður er gjörsamlega í hundunum — með því fyrir-
komulagi sem þeir í Reykjavík bæta ofan á o: oktroy og nirfilsskap! Ár-
ferðið hið hræðilegasta! „Verði ekki komin hláka á morgun, er jeg ruddur,“
er hér daglegt viðkvæði hjá bændum, en veðráttan er inexorabilis. Daginn
fyrir síðasta vetrardag gerði jeg dálítið sumarávarp og — aldrei sliku vanur
— fekk „Stefni“ að flytja, en þá tók Stefnir sér sumardúr og hefur ekki
rumskað síðan. Jeg sendi því samhendurnar „Þjóðviljanum unga“, og skal
nú reyna að bæta úr skák og senda fleira ef músan ekki króknar innan viku
með öðrum fénaði. Landráðum næst er það hvernig sunnanblöðin drepa
með þögn, hirðuleysi (eða af verri hvötum) alla armæðu, apturför, atvinnu
eyðilegging og þetta óminnilega aflaleysi við Faxaflóa. Nú í mánuð hefur
Þjóðólfur ekki nefnt á nafn! Hvenær skyldu börn þessa vesæla lands læra
að „umflýja komandi reiði“ — reiði árstíðanna, sem aldrei getur brugðist?
Hvenær læra þau að jyrirbyggja að öll afkoma fari næsta dag í hundana?
Mér finnst flest af vorri hálfu standi lakar nú en var fyrir 50 árum — þó
flest hafi skánað af því, sem oss er ekki þakkarvert.
268