Morgunblaðið - 07.05.1987, Qupperneq 27

MORGUNBLAÐIÐ, FIMMTUDAGUR 7. MAÍ 1987
27
Ók á Berlínarmúrinn
26 ára gamall Vestur-Berlínarbúi ók í gær bifreið sinni á Berlinarmúrinn nærri Brandenbúrgar-
hliðinu og var það mat manna að hann hefði ætlað að fremja sjáifsmorð. Atburður þessi vakti að
vonum athygli beggja vegna múrsins og var önnur myndin tekin er austur-þýskir landamæraverð-
ir klifruðu aftur yfir múrinn eftir að hafa brugðið sér vestur yfir til að skoða verksummerkin. Á
hinni myndinni virða tveir breskir hermenn fyrir sér bifreiðina.
Filippseyjar:
Starfsfólki hjálp-
arstofnunar rænt
Manila. Reuter.
TVEIMUR starfsmönnum sviss-
neska Rauða krossins og fjórum
filippinskum hjúkrunarfræðing-
um var rænt á suðurhluta
Mindanaoeyjar, einnar af
Filippseyjum, seint í fyrradag og
gaf hersijórnin mannræningjun-
um 24 klukkustundir tíl að láta
fólkið laust, annars yrði hernum
beitt.
Hjúkrunarfræðingamir og Sviss-
lendingamir, Jacky Sudan og Alex
Braunvalder, höfðu verið að dreifa
matvælum í litlu þorpi ásamt tveim-
ur öðrum Filippseyingum sem síðar
var sleppt. Talið er að mannrænin-
gjamir séu múhameðstrúarmenn,
en tilheyri ekki skipulögðum sam-
tökum þeirra er að undanfömu
hafa átt í viðræðum við stjómvöld
til þess að reyna að koma í veg
fyrir styijöld á Sulueyjum. Viðræð-
um þessum var hætt í gær og
ákveðið að báðir aðilar undirbyggju
tillögur sem lagðar yrðu fram á
fundi er haldinn verður eftir að
nýtt þing kemur saman í júlímán-
uði.
Talið er líklegt að mannránið
geti aukið á spennu þá er verið
hefur á suðurhluta Filippseyja und-
anfarin ár, en þar hefur komið til
bardaga öðru hvoru síðan um
50.000 manns létust í styrjöld milli
stjómvalda og uppreisnarafla er
■ ■■ 1
\y/
ERLENT
vildu sjálfstæði, á sjöunda áratugn-
um.
Fyrstu lýðræðislegu þingkosn-
ingar í 15 ár fara fram á Filippseyj-
um á mánudag og hafa 28 milljónir
manna atkvæðisrétt. Herinn hefur
mikinn viðbúnað til að koma í veg
fyrir óeirðir, en öfgaöfl til hægri
og vinstri í stjómmálum hafa hótað
að efna til átaka.
NATO:
Flotaæf-
ingar við
Gíbraltar
Lissabon, Reuter.
RÚMLEGA 7.000 hermenn frá
tíu aðildarríkjum Atlantshafs-
bandalagsins hófu á mánudag
flotaæfingar í nágrenni við
Gíbraltar.
Að sögn embættismanna Atl-
antshafsbandalagsins taka 40
herskip og 50 flugvélar þátt í æfing-
unum. Tilgangur þeirra er að æfa
flota aðildarríkjanna í því að halda
skipaleiðum opnum á þessum slóð-
um á óvissu- eða átakatímum.
Sveitir frá Bandaríkjunum,
Belgíu, Kanada, Hollandi, Ítalíu,
Portúgal, Bretlandi, Vestur-Þýska-
landi, Tyrklandi og Frakklandi taka
þátt í æfingunum, sem standa í níu
daga.
Kúbumenn segjast
hafa tekið njósnara
Havana, Reuter.
STJÓRN Kúbu tilkynnti á þriðju-
dag að lögreglan hefði handtekið
systkin, sem staðin hefðu verið
að njósnum í þágu bandarísku
leyniþjónustunnar, CIA.
Hinir meintu njósnarar voru
sagðir heita Gladys Olivia Garcia
Hemandez, sem er útlægur Kúbani
með bandarískan borgararétt, og
Nestor Garcia Hemandez, bróðir
Gladys.
Nestor Hemandez var starfs-
maður byggingamálaráðuneytisins
í Havana. Sagði í tilkynningu innan-
ríkisráðuneytisins að systkinin
hefðu verið staðin að verki þar sem
þau hefðu verið að vinna fyrir CIA.
Ekki fylgdi fréttinni hvenær hand-
takan fór fram. Bandarísk yfirvöld
hafa ekki látið neitt frá sér fara
um málið.
Að sögn talsmanns innanríkis-
ráðuneytisins réði Gladys bróður
sinn og þjálfaði hann í njósnum og
skemmdarverkum fyrir CIA.
Smyglaði hún fjarskiptatækjum til
Kúbu og kenndi honum á þau. Var
hald lagt á tækin, að sögn tals-
mannsins. í frásögn af handtökunni
hélt kúbanska ríkisfréttastofan því
fram að stjóm Reagans hefði mis-
notað velvilja kúbanskra yfírvalda,
sem heimilað hefðu burtflúnum
Kúbumönnum að heimsækja skyld-
menni sín á Kúbu. í skjóli fjöl-
skylduheimsókna af þessu tagi
hefðu Bandaríkjamenn stundað
„njósnir og aðra glæpastarfsemi".
Bandaríkjamenn
endurgreiði Irönum
451 milljón dollara
Haag. Reuter.
GERÐARDÓMSTÓLL í Haag í
Hollandi fyrirskipaði S gær
Bandarikjastjórn að endurgreiða
ríkisstjórn íran 451 milljón doU-
ara (rúmlega 18 milljarðar Ssl.
kr.) hið bráðasta og sagði að
þessi úrskurður kæmi ekkert við
málum bandariskra gisla i Liban-
on. Bandaríska utanríkisráðu-
neytið staðfesti að því hefði
borist úrskurðurinn, en vildi ekki
segja hvenær greiðslurnar yrðu
ynntar af hendi.
Gerðardómnum, sem settur var
á laggimar árið 1981 í kjölfar sam-
komulags milli ríkisstjóma Banda-
ríkjanna og íran um að sleppa
lausum 52 Bandaríkjamönnum sem
haldið hafði verið í sendiráði lands
þeirra í Teheran í 444 daga, er
ætlað það hlutverk að skera úr um
fjárkröfur ríkjanna á hendur hvort
öðru. í úrskurðinum segir að leggja
beri peningana þegar í stað inn á
reikning írana í Englandsbanka og
er þetta langstærsta upphæð sem
dómurinn hefur fjallað um. Er um
að ræða fé sem íranir eiga inni hjá
Bandaríkjastjóm vegna þess að
þeir hafa greitt of mikið af lánum
og er féð varðveitt í Seðlabankanum
í New York í formi ríkisvíxla er
tekið gæti tíma að koma í peninga.
22-47.
Aldrei glæsilegra úrval af striga- og sportskóm á börn og fullorðna.
GEYsÍPf