Morgunblaðið - 24.09.1987, Blaðsíða 24

24
MORGUNBLAÐIÐ, FIMMTUDAGUR 24. SEPTEMBER 1987
ViÖ hjónin þökkum af alhug öllum þeim, sem
sýndu okkur vinsemd meÖ heimsóknum, gjöf-
um, blómum og skeytum á áttrœÖisafmœlisdegi
mínum þann 13. þ.m. LifiÖ heil.
Gunnar Jónasson.
M IÐNTÆKNISTOFNUN
Eftirtalin námskeið verða haldin á
næstunni hjá Iðntæknistofnun:
FRÆÐSLUMIÐSTÖÐ IÐNAÐARINS:
26. okt.—4. nóv. EfnisfrœAi stáls og ðls. Stál: Efhisuppbygging, fram-
leiðsla, oxun og afoxun, tæring og tæringarvarnir o.fl.
Ál: Flokkun og eiginleikar. Suðuaðferðir og tækjabún-
aður. Suðugallar og orsakir þeirra. 32 kennslustundir.
Hefst 14. okt. Fræsing og rennismfði framhald. Notkun formúlna.
Útreikningar og stilling deilis, útreikningar á skurð-
hraða, snúningshraöa, færslum og fræsitíma.
50 kennslustundir.
19.—22.okt. Rafstýringar (loftstýrikerfi, vökvakerfi, hita- og loft-
ræstikerfi). Raftæknileg hugtök. (hlutar, tengingar,
bilanaleit og mælingar. 45 kennslustundir.
Hefst 5. okt. Stýritækni-loftstýringar. Loft sem orkugjafi. Raðferli,
starfsrit. Bygging kerfa sem framkvæma einföld sjálf-
virk ferli. Tímaþættir, teikningar. 40 kénnslustundir.
8.—16. okt. Vökvakerfi I og II. Grunnnámskeiö og framhaldsnám-
skeið um vökvakerfi, haldið í lotu. 70 kennslustundir.
19.-22. okt. Loftræsti- og hitakerfi. Námskeiðið er ætlað mönnum
sem annast uppsetningu og smíði kerfanna.
20—25 kennslustundir.
RAFTÆKNIDEILD:
26.-28. okt. Örtölvutækni I. Grundavallarhugtök örtölvutækninnar.
Hvernig vinnur örtölvan? Kynning á forritun á véla-
og smalamáli 8088 örgjörvans. Hagnýt forritunar-
dæmi. 30 kennslustundir.
REKSTRARTÆKNIDEILD:
5. okt.
6. okt.
12.-14. okt.
19.-24. okt.
26.-28. okt.
Strikamerki I. Kynntar verða helstu tegundir strika-
merkja, hvað vinnst með notkun strikamerkja, nauð-
synlegur búnaður. 4 kennslustundir.
Strikamerki II. Hvað er strikamerki, notkun, staösetn-
ing strikamerkja, stærðir, prenttæknileg atriði, gerð
umbúða og eftirlit. 6 kennslustundir.
„Just-in-time". Markmiðið er að skýra grundvallarat-
riði JIT hugmyndafræðinnar (stjórnunarstíls) og hvernig
bæta má nýtingu fjármagns á tiltölulega einfaldan hátt.
Stofnun og rekstur fyrirtækja. Ætlaö konum. Haldiö
á kvöldin og fyrir hádegi á laugardegi. Námskeiöinu
er ætlaö aö auka skilning þátttakenda á því hvað at-
vinnurekstur útheimtir, hvaö þarf aö athuga og hvaö
þarf að varast.
Markaðssetnlng. Markmiðið er að gera grein fyrir
þeim atriðum sem nauðsynleg eru til að koma vöru á
markað.
VERKSTJÓRNARFRÆÐSLAN:
9.-10. okt.
12.-13. okt.
14.-15. okt.
28.-29. okt.
16.—7.okt.
5.-6. okt.
26.-27. okt.
23.-24. okt.
21.-22. okt.
18.-19. okt.
21 .—22. okt.
30.-31. okt.
19.-20. okt.
Samstarf og samvinna. Hvað er stjórnun og hvert er
hlutverk verkstjóra, skipulag samstarfs og samvinnu.
Samstarf og samvinna. Haldið á Akureyri.
Stjórnunaraðferðir og starfshvatning. Farið er yfir
helstu kenningar í stjórnun og stjórnunarstíl, hvað
hvetur menn til vinnu og hvernig eiga góð verkfyrir-
mæli að vera.
Stjórnunaraðferðir og starfshvatnig. Haldið á Akur-
eyri.
Verktii8ögn. Fariö er yfir skipulagöa verktilsögn, mót-
töku nýliða og starfsmannafræðslu, vinnuvistfræöi,
líkamsbeitingu við vinnu.
Verkáætlarnlr. Farið er yfir undirstööu i áætlanagerö
og verkskipulagningu, CPM-framkvæmdaáætlun,
Gantt-áætlun á mannafla og aðföngum.
Verkáætlanir. Haldið á Akureyri.
MULTIPLAN-forrit og kostnaðaráætlanir. Farið er
yfir undirstöður áætlanagerðar með PC-tölvu, kennd
notkun á töflureikniforritinu MULTIPLAN.
Öryggismál. Farið er yfir helstu öryggismál og ábyrgð
stjórnenda á öryggismálum.
Bruna- og slysavamir. Farið er yfir bruna- og slysa-
- varnir, brunaflokka, slökkvitæki o.fl.
Kjarasamningar og skaðabótaréttur. Farið er yfir
skaðabótarétt og vinnulöggjöf, sakaregluna, saknæmi
o.fl.
Undirstaða vinnuhagrœðingar. Farið er yfir undir-
stöðu vinnuhagræðingar á vinnustöðum og helstu
hjálpartæki.
Flutningafræði. Farið er yfir ferilgreiningu flutninga
utan og innan fyrirtækja, flutninga til og frá o.fl.
Námskeið í Reykjavík eru haldin í húsakynnum Iðntæknistofnunar,
nema annaö sé tekiö fram. Nánari upplýsingar og innritun hjá stofnun-
inni í síma 91 -68-7000, Fræöslumiöstöö iðnaðarins í síma 91 -68-7440
og Verkstjórnarfræðslunni í síma 91-68-7009.
GEYMIÐ AUGLÝSINGUNA.
p [nrijMwl!
co cn uj co Góóan daginn!
Sláturhúsamálið í Vík í Mýrdal:
Mönnum ofbýður
valdbeitingin
eftir Steinþór
Vigfússon
Undanfarið hefur verið nokkur
umræða um sláturhúsamál í Vík í
Mýrdal. Hámarki náði þessi um-
raeða á fundi í Leirskálum í Vík sl.
mánudagskvöld. Þá loks ofbauð
mönnum valdbeitingin í kringum
þetta mál að boðað var til almenns
fundar og þingmenn kjördæmisins
kallaðir á staðinn. En um hvað
skyldi þetta mál snúast? Því er til
að svara að Sláturhúsinu Vík hf.
hefur verið lokað því það fær ekki
uppáskrift dýralækna. Þeir herrar
telja húsið ekki samrýmast reglu-
gerðum. Af umræðunni undanfarið
og fréttaflutningi má skilja að út
úr húsinu komi lélegar eða jafnvel
óhreinar vörur. Það hefur verið
slátrað í þessu húsi svo lengi sem
ég man og er mér ekki kunnugt
um að gallaðar eða óhreinar vörur
hafi komið þar út. Oðru nær. Frá
þessu sláturhúsi hafa komið góðar
vörur, það vita þeir sem vilja vita
og að halda öðru fram er annað
hvort vanþekking eða vísvitandi
ósannindi. Þannig að ekki eru það
hagsmunir neytenda að loka slátur-
húsinu fyrst það framleiðir góðar
vörur. Sláturkostnaður í þessu húsi
getur vitanlega verið lægri en í ein-
hverri marmarahöll en hér á landi
má ekkert vera ódýrt. Reglugerð-
imar sjá til þess.
Fyrst það eru ekki hagsmunir
neytenda að loka húsinu, hverra
hagsmunir eru það þá? Settur yfir-
dýralæknir sagði mér fyrir nokkrum
dögum að það væri ekki heppilegt
að vera með sláturhús í íbúðar-
byggð — en skyldu íbúamir hafa
kvartað? Ó nei, ekki aldeilis, og
hver veit nema það finnist fleiri
sláturhús í íbúðarbyggð hérlendis.
Settur yfirdýralæknir sagði einnig
að það vantaði skoðunarherbergi til
að skoða innyflasýni. Víst er það,
þetta skoðunarherbergi er ekki til
staðar en þeir sem hafa fylgst með
heilbrigðisskoðuninni á liðnum
árum hafa, held, ég grun um að
þessi aðstaða yrði lítið notuð. En
hvað um það, reglugerðin segir að
það skuli vera til staðar.
Steinþór Vigfússon
Eru það þá hagsmunir dýralækna
að loka húsinu? Það hefur verið
haft eftir okkar nýja héraðsdýra-
lækni að það sé nógu erfítt að
manna eitt sláturhús í Vík. Ég spyr,
eru dýralæknar orðnir ráðninga-
stjórar í sláturhúsum eða er verið
að friða eigin samvisku?
En því þessi umræða? Hvers
vegna förum við ekki einfaldlega
og leggjum inn okkar gripi hjá Slát-
urfélagi Suðurlands í Vík. Hverju
er verið að mótmæla og hefur ekki
nefnd á vegum landbúnaðarráð-
herra lagt til að hér skuli leggja
niður slátrun? Jú, næst á að setja
reglugerð hvaða fyrirtæki megi
starfa utan um landbúnaðinn, ekki
er víst næg miðstýringarvitleysan
fyrir. Hvað með fólkið sem vann
við slátrun í Sláturhúsinu Vík? Ekki
fær nema brot af því vinnu hjá Slát-
urfélagi Suðurlands. Lokun hússins
þýðir því verulegt tekjutap margra,
en hvað um það, menn verða bara
að herða sultarólina um eitt gat.
Slátrun á svæðinu lengist fram á
haustið þar af leiðir, meira í O-flokk
og meira tekjutap, annað gat í
sultarólinni.
Ekki verður farið að keyra tó-
mann frysti, það þýðir atvinnumissi
hjá þeim er þar vinna og fólk sem
hefur leigt geymsluhólf í frystinum
tapar þeirri aðstöðu. Sláturgerðin
leggst af en þar hafa unnið nokkrar
konur lungað úr árinu. Þeirra aðal-
atvinna og ekki um aðra vinnu að
ræða. Sveitarfélagið tapar tekjum
bæði í gjöldum þeirra sem missa
vinnuna svo og gjöldum fyrirtækis-
ins. Ekki nást þeir peningar aftur
samanber sérsköttun samvinnufyr-
irtækja. Og hvað eiga bændur sem
hafa lagt inn nautgripi hjá Slátur-
húsinu Vík að gera við sína gripi?
Svo mikið er víst að vart tekur Slát-
urfélag Suðurlands við samanber
innleggskvótann. Ég hef lagt inn
nautgripi hjá Sláturfélagi Suður-
lands í nokkur ár og í haust átti
að taka 3 ungneyti af mér til slátr-
unar en ég hugðist leggja inn 7
gripi svo það varð að hringja suður
til að fá undanþágu. Skyldi ekki
ganga vel hjá bændum sem lagt
hafa inn nautgripi hjá Sláturhúsinu
í Vík að komast að hjá Sláturfélagi
Suðurlands? Kannski viðkomandi
bændur eigi að slátra heima? Ef til
vill eru það hagsmunir neytenda
að áliti dýralækna.
Ég held það þurfi varla lengri
upptalningu til að sannfærast um
nauðsyn þess að reka Sláturhúsið
Vík hér eftir sem hingað til. Og er
ekki nóg komið af valdníðslu fárra
manna þar sem hagsmunir og jafn-
vel afkoma fjölda fólks er fótum
troðin og einskis metin. Það er ekki
hægt að herða sultarólina meira og
Sláturhúsið Vík er fyrirtæki sem
hefur stuðlað að traustari atvinnu
hér en ella væri. Þetta fyrirtæki
þarf að byggja upp en ekki drepa
niður. Það þarf að byggja það upp
til þess að vinna vöruna enn frekar
í heimahéraði.
Úrlausn þessa máls er nú í hönd-
um landbúnaðarráðuneytisins og
það er kominn tími til að land-
búnaðarráðherra rífí sig upp úr
reglugerðarsleninu og veiti Slátur-
húsinu Vík sláturleyfi án tafar.
Höfundur er bóndi & Brekkum í
Mýrdal.
______Brids______
Arnór Ragnarsson
Bridsfélag
Kópavogs
Sl. fimmtudag var upphitunartví-
menningur hjá félaginu. Spilað var
í 2 riðlum, 10 og 8 para. Úrslit urðu:
A-riðill:
Ragnar Bjömsson —
Sævin Bjamason 139
Þórarinn Andrewsson —
Hermann Lámsson 136
Hjördís Eyþórsdóttir —
Ragnar Jónsson 129
Hulda Hjálmarsdóttir —
Guðrún Jörgensen 109
B-ríðill:
Jón Andrésson —
Garðar Þórðarson 104
Vilhjálmur Sigurðsson —
Óli Andreasson 98
Guðrún Hinriksdóttir —
Haukur Hannesson 92
Nk. fimmtudag, 24. september,
hefst 3ja kvölda hausttvímenning-
ur. Spilamennska hefst kl. 19.45.
Skráð er við mætingu.
Stöllurnar Una Björg Jóhannesdóttir og Erla Tryggvadóttir til
heimilis hér í Vesturbænum efndu fyrír nokkru til hlutaveltu
tíl ágóða fyrír Blindrafélagið. Söfnuðu þær 750 kr. til félagsins.