Morgunblaðið - 24.09.1987, Blaðsíða 27

MORGUNBLAЌ), FTMMTUDAGUR 24. SEPTEMBER 1987
27
sem stóðum að þessum þremur til-
lögum séum í biðstöðu, og ég er í
þeirri aðstöðu að ég þarf að fá botn
í það sem fyrst hvort Ríkisútvarpið
ætlar að gera eitthvað úr þessu því
að þetta var upphaflega hugsað sem
skáldsaga, þannig að ég þarf að
taka ákvörðun um það hvort ég á
að halda áfram með kvikmynda-
handritið eða skrifa þetta sem
skáldsögu."
Takmarkið
að vinna
að eigin
verkum
Anna Heiður Oddsdóttir og Mic-
hael Dean sendu þtjár tillögur að
kvikmyndahandritum í undanrás
Evróupkeppninnar en sú tillagan
sem valin var til að senda í úrslita-
keppni er Heimkoma, og fær hún
þá umsögn dómnefndar að hér sé á
ferð „skemmtileg blanda raunveru-
legra atburða og ævintýralegs
uppspuna, sem höfundum tekst þó
að gera að heillegu verki“.
Söguþráðurinn er spunninn í
kringum heimflutning handritanna
frá Danmörku og í umsögninni er
hann sagður svo reyfarakenndur að
hann sé á mörkum hins trúverðuga
en eigi sér þó stoð í verkinu sjálfu.
Anna Heiður og Michael fluttust
hingað til lands fyrir ári ásamt lítilli
dóttur sinni en hingað komu þau frá
Kalifomíu þar sem þau voru við nám
og störf.
„Við kynntumst í Occidental Col-
lege í Los Angeles en þangað fór
ég upphaflega til að læra mann-
fræði," segir Anna Heiður. „Eftir
tveggja ára nám í þeim fræðum
langaði mig til að hvíla mig aðeins
á þeim og taka námskeið í kvik-
myndagerð sem reyndist síðan svo
skemmtileg að ég gat ekki slitið mig
frá henni til að fara aftur í mann-
fræði af fullum krafti. Mér hefur
þó nýtzt mannfræðin því að ég lauk
BA-prófi í gerð heimildamynda en
síðan lá leiðin í UCLA þar sem ég
lauk prófi í kvikmynda- og mynd-
bandagerð."
„Ég hef BA-próf í leikhúsfræðum
og leikstjóm,“ segir Michael, „þann-
ig að samanlagt má segja að við
spönnum sæmilega vítt svið í sam-
bandi við kvikmyndagerð."
„Nú ert þú Bandaríkjamaður,
Michael, hvemig leizt þér á að flytj-
ast til íslands?"
„Ég var búinn að koma hingað í
heimsókn áður en við fluttumst hing-
að og hafði sannarlega ekkert á
móti því að setjast hér að, a.m.k.
um skeið. Þar sem ég talaði ekki
íslenzku við komuna hingað gerði
ég ráð fyrir að það gæti reynzt erf-
itt fyrir mig að fá vinnu þar sem
ég gæti nýtt mér það sem ég kann,
en fyrst í stað vann ég í tölvufyrir-
tæki og síðan fékk ég starf í
myndbandadeild Sjónvarpsins, en
Anna Heiður fór að vinna á frétta-
stofu Sjónvarpsins skömmu eftir
heimkomuna."
„Nú hafið þið bæði aflað ykkur
menntunar til þess að vinna að gerð
eigin hugverka. Stefnið þið að því
að geta unnið að slíku eingöngu?"
„Takmarkið er að geta unnið að
eigin verkun en það er afar hæpið
að maður geti lifað á því. Okkur
nýtist kunnáttan líka vel í störfum
okkar hjá Sjónvarpinu, emm ánægð
í þeirri vinnu og viljum gjaman vera
þar áfram en hins vegar er nauðsyn-
legt að fá að vinna að sínum eigin
verkum jafnframt," segir Anna
Heiður.
„Er ykkur það keppikefli að sjá
sjálf um gerð Heimkomu ef Sjón-
varpið lætur verða af því að
kvikmynda þau verk sem bezt þóttu
í undanrás Evrópukeppninnar?"
„Við hefðum auðvitað mjög gam-
an af að fá að gera það þar sem
við höfum einmitt lært til þessara
starfa, en það er of snemmt að spá
hvað úr verður, enda var fyrst og
fremst verið að leita að rithöfundum
í þessari keppni en ekki leikstjórum
eða kvikmyndagerðarfólki," segir
Anna Heiður Oddsdóttir.
Það fylgir því
sérstök fj ölskyldustemmning
að taka slátur
Asamt bjartsýni og æðruleysi heíur slátur verið
helsti lífgjafi íslensku þjóðarinnar í baráttu
hennar á liðnum öldum við máttarvöld þessa
heims og annars. Slátur er sérstaklega næringar- og
fjörefnarík fæða og hollustubylting síðustu ára hefur
lyft því til vegs og virðingar á nýjan leik. Sláturfélag
Suðurlands hefur nú opnað slátursölu í Skútuvogi
4. Þar er til sölu nýtt slátur og allt til sláturgerðar svo
sem rófur, kartöflur, rúgmjöl, haframjöl, rúsínur,
saumagarn, nálar og frystipokar.
I einu slátri eru: Sviðinn og sagaður haus, lifur,
hjarta, tvö nýru, hálsæðar, þind, hreinsuð vömb og
keppur, 1 kg. mör og 750 gr. blóð,ásamt 1.5 kg. af
mjöli, sem gefur af sér 7—8 stóra sláturkeppi. A
ódýrari fæðu er tæpast kostur. í kaupbæti færð þú
svo ítarlegan leiðbeiningarpésa um sláturgerð.
Slátursala ©
Skútuvogi 4 Sími 35106
Slátursalan er opin kl. 9—18 máundaga—föstudaga
og kl. 9—12 á laugardögum.
Allt til sláturgerðar á einum stað.
GOTT FÚLK / SÍA